الحلقه الاولى من ( ليالى ) مع ( حلم عمرى )

[morshooo]

بسم الله الرحمن الرحيم

طبعا من يجى ( 15 سنه )

كان فى اعلان لتوبيك بعنوان

( ليالى )




النهاردة بقى الحمد لله جبت كل التصاريح

من جميع الجهات عشان ننزل ( الحلقه الاولى )

فى البدايه البرنامج عبارة عن ( 10 اسئله )

كل سؤال بيكلم عن ( ليله ) فى حياه العضو

ممكن نلاقى ليالى كتير زى بعض لكن هناخد الاعضاء

ونرجع بيهم ونشوف ياترى فى ( ليالى ) مهما يحصل

مبنقدرش ننساها والا ( ليالينا ) كلها زى بعضها .




ضيفه الحلقه الاولى

العضوة المتميزة /

حلم عمرى



تعالو نشوف مع بعض

ياترى افتكرت ايه :




/ ليله تقدرى تقولى عليها ( ليله بيضاء ) ؟

يوم نجاح اخواتي في الثانوية العامة

كان من اكتر الليالي اللي فرحت فيها وكلنا كنا مبسوطين




2 / ايه الليله الى هتقدرى تقولى عليها ( ليله مرعبه ) ؟

يوم كان بابا - الله يرحمه -

في المستشفي وكان تعبان اوي ويومها كلنا كنا معاه

ومحدش عرف ينام كانت ليلة صعبة اووي




3 / ايه الليله الى سمعتى فيها ( خبر غير متوقع ) ؟

يوم وفاة والدة واحدة صحبتي

كانت صدمة بالنسبة ليا ولحد دلوقتي مش مستوعبة اللي حصل اصلا




4 / ايه الليله الى تقدرى تقولى عليها ( ليله سوداء ) ؟

ليلة وفاة بابا - الله يرحمه - اصعب ليلة عدت عليا




5 / ايه الليله الى بتحاولى ترجعلها تانى ومع رجوعها هتتصرفى
تصرف غير الى اتصرفتيه ؟

اممممممممممممم

بصراحة مش عارفة

مفيش تصرف في حياتي ندمت عليه

لدرجة اني ارجعله تاني يعني

لا مفيش




6 / ايه الليله الى نفسك ترجع تانى حتى لو للحظات ؟

اي ليلة كنت بقضيها مع بابا ونتجمع كلنا انا واخواتي لما كنا صغيرين

ننفسي فعلا اللمة دي ترجع تاني




7 / ايه الليله الى فى حياتك الى حافظه تاريخها لان فيها حدث مش ممكن تنسيه ؟
ايه التاريخ وايه الحدث ؟

ليلة وفاة بابا

31/12/2013

ليلة رأس السنة

كان اول يوم امتحاناتي وروحت الامتحان ولما رجعت البيت لقيته اتوفي

عمري ما بنسي اليوم دا ابداا فاكرة كل تفاصيله كأنه امبارح

بحاول انساه بس مش بعرف




8 / ايه الليله الى فى المنتدى الى حسيتى ان محدش مهتم بيكى فيها ؟ ايه الموقف ؟

يعني هي كانت فترة كدة اول ما سجلت في المنتدي

ومكنش حصل موقف معين بس مكنش ليا علاقة بحد اوي فكنت حاسة

اني غريبة قبل طبعا ما اعرف الناس اللي انا اعرفهم دلوقتي

لكن دلوقتي عرفت ناس بقوا من اهم الناس في حياتي وخلاص

حسيت المنتدي مكان تاني ليا وبرتاح وسط الناس الموجودة هنا




9 / ايه الليله الى حسيتى انك خلاص بتطلبى الموت فيها وكان بسبب ايه ؟

ليلة وفاة والدة صاحبتي

لانها كانت صدمة بالنسبة ليا وكانت بعد بابا بحاجة بسيطة

يومها كمان كان فيه شوية مشاكل في العيلة

بصراحة كنت داخلة انام وبتمني اني مصحاش تاني

لكن الحمد لله عدت علي خير ورجعت لعقلي يعني ^^




10 / اخيرا ايه الليله الى نفسك تجيلك فى المستقبل ؟

ليلة نجاحي في الثانوية اني احقق حلمي

وحلم بابا - الله يرحمه -

واحقق المركز اللي انا بتمناه

لو دا حصل ان شاء الله هتكون من اسعد الليالي في حياتي

شكرا ع الاستضافة بقا ^^





دى كانت الحلقه الاولى

وشوفنا الضيفه افتكرت ايه

وبتتمنى تحقق ايه فى المستقبل

انتظرونى وضيف جديد

وحلقه جديده من

[phalsteen]

بصرف النظر اني مشوفتش الاعلان
بس الظاهر انه قديم بئه
من 15 سنه ^_^

حلو البراجرم مورشو
واختيار جميل لفوفه

حببتي ربنا يعوضك خير
وان شاء الله السنه الجايه تحققي حلم باباكي
وتبقي في احلي جامعه

بما انه ليالي امورشو
كنت متوقعه سؤال
وكنت داخله اعلق عليه
بس بما ان الضيفه حلم

يبقي انا متاكده اني هلاقي السؤال
في حلقه جايه

تحياتي
وحمدلله ع السلامه

[Stop Ana Eltop]

جمييل البرنامج امورشوو

فوفا ان شاء الله تحققى كل الى بتتمنسه وتطلعى الاولى على الثانويه العامه وتحققى حلمك وحلم باباكى وربنا يرحمه يااارب

تسلم مورشو لمجهودك
بالتوفيق بقن

[حنان الجزائرية]

فكرة البرنامج حلوة

والحلقة كانت روعة مع ضيفتك المتالقة

يلي بتمنى تكون لياليها القادمة خير ان شاء الله

[الأميرة رودي]

ياحبيبتى ربنا يحققلك حلمك وامنيه والدك
وان شاء الله تتفوقي ف حياتك كلها
..
اكيد ليالي فراق اعز الناس بتكون ليالي مرعبه وبنشوف فيها صدمه مش بنقدر نتحملها
وعشان كده ليالينا اللى زى دى عمرها ماتتنسي
الله يرحم باباكى ويجمعك بيه بعد عمر طويل ف الجنه

عوده جميله مورشو وبدايه موفقه
ف انتظار ضيف جديد

[™Amiliya]

افتقدنا برامجك مورشو
منورة حلم البرنامج وان شاء الله كل مايحدث هو خير من الله

[حـيـــــآة ❤]

برنامج جمييل وإستضافه روعه
ربنا يخليكئ ﻷهلك حبيبة قلبئ
ومنوره
تسسلم مورشو ^^

[لؤلؤة الجنه]

فكرة البرنامج حلوة
يسلمو

[عيون مصرية]

برنامج جميل اوى يا مورشو
ضيفة جميلة و ربنا يحققلك احلامك
و ان شاء الله كل لياليكى تكون فرح
دايما يااااااااا رب
عوده جميلة يا احمد
تسلم على البرنامج

ودى

[Silver Flower]

اول شي الله يرحم والدك وجميع موتى المسلمين
وأكيد استضافه حلوه الله يوفقك حبيبتي