ايه رايكم في الست دي

[™Amiliya]

مساء الخير ع عيونكم

موضوع مش جديد ويمكن سمعناه او شفناه

ايه رايكم في الست الي تحب جوزها جداا حد العشق ويقولها عايز اتجوز تاني واكبر عيلتي
وتروح هي بنفسها تخطبلو؟

بس

[۩۩ elMagic ۩۩]

حرية شخصيه
عادي بقآ
طالما هى مرتاحه وزوجها مكفيها وهو مش عايزه منه اكتر من كده
مش هيبقى فيه سبب تخليها تغيير عليه لو وضع تحت مسؤليته بيت تاني

[حـيـــــآة ❤]

مظنش في كده -_-"
بس لو في هيا راضيه اوك وهوا استئذنها
بس انا اعتبر ده برود دم من ال2 صراحه
موضوع رائع
سلمتئ حبيبتئ

[* Fares *]

بغض النظر عن ان الجواز التاني بيكون في غالب الأحوال

نسخة مكررة من الجواز الأول

ومش بيمثل أي إضافة لحياة الرجل سوى عبء ومسئولية إضافية

لكن في النهاية كل واحد وإختياره لنفسه

الزوجة الأولى أقصى حاجة ممكن تعملها انها توافق على زواجه

ومتطلبش الطلاق

وكده يبقى تمام جداً

لكن إنه يرغمها تختارله العروسة !

ده بإختصار " جبروت "

[الشـــاطىء]

اعتقد مفيش حد يعشق حد يحب اللي يشاركه في
حتى لو بيفضل سعادته عليه حيكون برضو جواه وجع بكل لحظه يتخيل ان كل لحظه شاركه فيها حتتكرر مع غيره
ممكن فقط الموضوع ده يتم في حاله واحدة ان تكون الزوجه عندها مشاكل في موضوع الانجاب
لكن غير كده انانيه من الزوج لو مش اكتفى بحب زوجته وحب يزود العيله زي ما بيقول

[phalsteen]

بشوفها عبودية مش حب
واهانه لكرامه مش تنازل وتضحيه

[Fatma Fareed]

امممم دى حريتها الشخصيه
وبعدين لو هو بيعاملها بما يرضى الله
والزوجه الجديده هيعاملها كده بردو خلاص بقا هو مش بيعمل حاجه حرام
المهم انه يتقى ربنا فيهم هما الاتنين

بس انها تختارله العروسه دى حاجه صعبه جدا مفيش واحده ممكن تعمل حاجه زى دى

[العاشق الذى لم يتب]

قصدك هى مش بتخلف
ولوكانت بتخلف
مش كل اللى هيجوزعلى زوجته
معناه اهانها او مش بيحبها
هناك اسباب كتيرة
والموضوع يطول شرحه
ولان الله له فى ذلك حكم
فلكل واحد وجهة نظر
واكيد مختلفة تماما
الست دى عظيمة
وتستحق التقدير
وانت تستحقى التقديرلعظيم الطرح
تحياتى

[™Amiliya]

اقتباس المشاركة الأصلية كتبت بواسطة ۩۩ elmagic ۩۩ حرية شخصيه عادي بقآ طالما هى مرتاحه وزوجها مكفيها وهو مش عايزه منه اكتر من كده مش هيبقى فيه سبب تخليها تغيير عليه لو وضع تحت مسؤليته بيت تاني

اممم وجهة نظر بردو يااحمد

اقتباس المشاركة الأصلية كتبت بواسطة °ﻵ يفهمني سوآي° مظنش في كده -_-" بس لو في هيا راضيه اوك وهوا استئذنها بس انا اعتبر ده برود دم من ال2 صراحه موضوع رائع سلمتئ حبيبتئ

ههههههه لا مش برود حببتي دا نضج بيسموه وحب اعتقد اكبر من اننا نفهمو بيني وبينك

اقتباس المشاركة الأصلية كتبت بواسطة * fares * بغض النظر عن ان الجواز التاني بيكون في غالب الأحوال نسخة مكررة من الجواز الأول ومش بيمثل أي إضافة لحياة الرجل سوى عبء ومسئولية إضافية لكن في النهاية كل واحد وإختياره لنفسه الزوجة الأولى أقصى حاجة ممكن تعملها انها توافق على زواجه ومتطلبش الطلاق وكده يبقى تمام جداً لكن إنه يرغمها تختارله العروسة ! ده بإختصار " جبروت "

جبروت كلمة احتوت كل احساس المراة فعلا سعتها

اقتباس المشاركة الأصلية كتبت بواسطة الشـــاطىء اعتقد مفيش حد يعشق حد يحب اللي يشاركه في حتى لو بيفضل سعادته عليه حيكون برضو جواه وجع بكل لحظه يتخيل ان كل لحظه شاركه فيها حتتكرر مع غيره ممكن فقط الموضوع ده يتم في حاله واحدة ان تكون الزوجه عندها مشاكل في موضوع الانجاب لكن غير كده انانيه من الزوج لو مش اكتفى بحب زوجته وحب يزود العيله زي ما بيقول

في ناس كدا بتحب العزوة وزوجة واحدة لا تكفي

اقتباس المشاركة الأصلية كتبت بواسطة nefertiti بشوفها عبودية مش حب واهانه لكرامه مش تنازل وتضحيه

اهانة لكرامتها ياعسلي لو من وراها بس دا هي موافقة يمكن هي مش حاسة بدا او هتحس بيه بعدين

اقتباس المشاركة الأصلية كتبت بواسطة fatma fareed امممم دى حريتها الشخصيه وبعدين لو هو بيعاملها بما يرضى الله والزوجه الجديده هيعاملها كده بردو خلاص بقا هو مش بيعمل حاجه حرام المهم انه يتقى ربنا فيهم هما الاتنين بس انها تختارله العروسه دى حاجه صعبه جدا مفيش واحده ممكن تعمل حاجه زى دى

والله تصدقي في والقصة دي شفتها وسمعتها بنفسي في ستات عندها القدرة لكدا سبحان الله

اقتباس المشاركة الأصلية كتبت بواسطة العاشق الذى لم يتب قصدك هى مش بتخلف ولوكانت بتخلف مش كل اللى هيجوزعلى زوجته معناه اهانها او مش بيحبها هناك اسباب كتيرة والموضوع يطول شرحه ولان الله له فى ذلك حكم فلكل واحد وجهة نظر واكيد مختلفة تماما الست دى عظيمة وتستحق التقدير وانت تستحقى التقديرلعظيم الطرح تحياتى

فعلا الكلمة دي سمعتها من ناس كتير عليها انها عظيمة ومن كتر حبها حبت تثبتلو انها بتفاديه براحتها عشان هو يكون مرتاح
تفتكر الحب دا جزاته ايه؟
ربنا يقويها

منورني جميعا بطيب وجودكم

[همس الحنين]

عادى يا ايمى

لانها بتحبه ويتزوج افضل من انه يغلط

عل الاقل صريح وواضح جه يطلب منها

كونها تخطب له او لا

ده بيرجع للشخصيه بصراحه انا مجرؤش اعملها بس ممكن اوافق يعدد

هى تكسبه بحبها واحترامها افضل من انها تخسره لما تعانده او ترفض

تسلمى