فضفضة مخنوقة وسؤال ... شاركوني

[جبل عالي]

السلام عليكم ورحمة الله كيفكم يا اجمل اعضاء ؟ يارب دايما بكل الخير النهاردة جاية هنا افضفض بموضوع خنقة حبتين ممكن ناس تشوفه مش مستاهل .. وممكن ناس تانية رايها يختلف هقولكم على طول اهووووو لما تكون عايش بطبيعتك ومبتفكرش في اي حد تفكير وحش ولا بتشك ولا تظن .... بتتعامل مع الناس زي ماتحب انهم يعاملوك خصوصا وسط عائلتك ... وبمرور السنين والشهور والايام تحصل مفارقات وظروف كتير اوي .... الى ان يصل يوم وتكتشف ان حد من المقربين دول واللي عارف كل ظروفك وفاهم حياتك كويس ماشية ازاي بكل تفاصيلها ... فجأة تحس انه .......... بيحسدك .... بيحسدك وهو مش عارف انه بيحسدك لما بيعرف اخبارك الحلوة بيبتسم ويبان انه فرحان لك لكن بعد فترة تلاقي الحاجة دي اتقلبت عليك وبقت حاجة تحزن وتخنق وحالتك اللي كنت انت راضي عنها .... اصبحت لا تطاق ولا تُحتمل من الآخر ..... تتصرف ازاي مع حد قريب منك اوي لما تكتشف ان عينه تصيبك ....... وتقلب كيان حياتك بشكل او بآخر ؟ رغم انك لا تؤمن ايمان قوي بإصابة العين دي !!!!

[العاشق الذى لم يتب]

كويس كنت هنا الاول
وعلشان اتشرف باللى بجد
زود حزنى بدل مايخففه شوية
وده علشان اللى حاصل معاك أختاه
هو بالتمام والكمال حصل معايا
صراحة هى مش بس حاجى تضايق
اناعن نفسى حصلى صدمة وكنت فى غايثة الحزن
لماعرفت وتاكده
بجدصدمة بمعنى الكلمة
لماتلاقى قريبك واعز الناس
ويعرف عنك ادق تفاصيل حياتك
وفجأة وانت تعتقدى أنه معاك وبيساندك ويساعدك
ويفرحلك ويحزنلك
تلاقيه هو العكس
وهو اللى بيحسدك ويضرك بمعنى الكلمة
ياه
احساس فظيع فظيع
خلانى مرة قررت عمرى مااكلم حد ولاحتى اسلم على حد
وبعدين مااقدرتش
جميلة فضفضتك ام عبدالله
ربنايكون فى عونك
وسلمك الله من الاحزان والاوجاع
تحياتى وودى

[phalsteen]

انا عمري ما حطيت في بالي حكاية الحسد دي الا قريب
لما لاقيت بنظرات ممكن ابني يتعب
ونصايح كتير من ناس
لفتت نظري
فبقيت باخد بالي
ممكن يبقي الحل اني اتجنب الظهور بوضع مريح ادامه
جايز يكون محروم من الحاجة اللي عندي
حتي لو كانت حته ضحكه

[حـيـــــآة ❤]

طب انتي هتعملي ايه يعنئ عشان توقفي العين دي
طب هو الي بيحسد ده ايه نظامو ونظام حياته ؟؟
شوفئ حبيبة قلبئ من اﻷول واﻵخر محش بيرضى عن حاله وكلو
عايز الي ف إيد غيره وكله بيحسد كله
اﻹنسان خلق بﻵ قتاعه (مش الكل طبعا ). بس الغالبيه منا ﻵ يشعر بقيمة
النعمه الئ بين إيديه
عشان كده بالنسبه للحسد مش بيبئا في قريب وﻵ بعيد..
إنما من جانب التصرف فيجب أخذ الحيطه من هذا الشخص ^^
وربئ يحفظك ويسعدك حبيبتئ
فضفضه جميله..
تسسلمئ وتقبلئ مرورئ

[جبل عالي]

اقتباس المشاركة الأصلية كتبت بواسطة العاشق الذى لم يتب كويس كنت هنا الاول وعلشان اتشرف باللى بجد زود حزنى بدل مايخففه شوية وده علشان اللى حاصل معاك أختاه هو بالتمام والكمال حصل معايا صراحة هى مش بس حاجى تضايق اناعن نفسى حصلى صدمة وكنت فى غايثة الحزن لماعرفت وتاكده بجدصدمة بمعنى الكلمة لماتلاقى قريبك واعز الناس ويعرف عنك ادق تفاصيل حياتك وفجأة وانت تعتقدى أنه معاك وبيساندك ويساعدك ويفرحلك ويحزنلك تلاقيه هو العكس وهو اللى بيحسدك ويضرك بمعنى الكلمة ياه احساس فظيع فظيع خلانى مرة قررت عمرى مااكلم حد ولاحتى اسلم على حد وبعدين مااقدرتش جميلة فضفضتك ام عبدالله ربنايكون فى عونك وسلمك الله من الاحزان والاوجاع تحياتى وودى

هو بالضبط ده اللي حصلي

صدمة بمعنى الكلمة , يمكن مش قادرة افوق منها

لغاية النهاردة .... ولا عارفة أتقبلها كمان

بجد احاسيس في غاية الدمار

تسلم رفعت للمرور الراقي

وللدعاء الطيب

[جبل عالي]

اقتباس المشاركة الأصلية كتبت بواسطة nefertiti انا عمري ما حطيت في بالي حكاية الحسد دي الا قريب لما لاقيت بنظرات ممكن ابني يتعب ونصايح كتير من ناس لفتت نظري فبقيت باخد بالي ممكن يبقي الحل اني اتجنب الظهور بوضع مريح ادامه جايز يكون محروم من الحاجة اللي عندي حتي لو كانت حته ضحكه

حتى انا كمان عمري ما كنت بؤمن بيها نهائي

لكن اتضح الكارثة اللي شفتها بعيني

ومن بعدها بدأت اترجم كل اللي فات

ولازلت باعاني وكله الله ينور يابنتي

رغم الشخصية دي لو قلت مزاياها ايه

محدش هيصدقني وهطلع مجنونة

لكن الواقع فرض نفسه امام الجميع




تسلمي سما للتواجد والتفاعل

ربنا هو الحافظ بقاااا

[جبل عالي]

اقتباس المشاركة الأصلية كتبت بواسطة °ﻵ يفهمني سوآي° طب انتي هتعملي ايه يعنئ عشان توقفي العين دي طب هو الي بيحسد ده ايه نظامو ونظام حياته ؟؟ شوفئ حبيبة قلبئ من اﻷول واﻵخر محش بيرضى عن حاله وكلو عايز الي ف إيد غيره وكله بيحسد كله اﻹنسان خلق بﻵ قتاعه (مش الكل طبعا ). بس الغالبيه منا ﻵ يشعر بقيمة النعمه الئ بين إيديه عشان كده بالنسبه للحسد مش بيبئا في قريب وﻵ بعيد.. إنما من جانب التصرف فيجب أخذ الحيطه من هذا الشخص ^^ وربئ يحفظك ويسعدك حبيبتئ فضفضه جميله.. تسسلمئ وتقبلئ مرورئ

يمكن الرد على تساؤلاتك في ردي على نفرتيتي

بس هقول ايه ..... الله الحافظ يارب


بصي هقولك على حاجة برضوووو

انا قلت ان اللي بيحسد ده مش حاسس انه بيحسد

وكأن جواه سواد رغم وجهه البشوش


سبحان الله بقاااا معرفش في ايه



نورتيني ياقلبي والله


ربنا يحفظك ويسعدك

[احساسى صحيح]

فعلا اكثر الحسد مش بيجى غير من المقربين منا
ودى فعلا حقيقه انا عشتها
والحل الامثل لها
اننا ما نقول اى اسرار لنا ولو صغيره
لاننى اكتشفت اننا مراقبين منهم فى ادق التفاصيل
وده اللى نقدر نعمله ونفضل بردوا علاقتنا بيهم وديه وكويسه
وربنا يحفظك اختى الغاليه امل من عين اى حسود

[۩۩ elMagic ۩۩]

وهو الانسان كله ع بعضه كده يستاهل يتحسد بردوا
الشخص داا فعلا محدود التفكير لأقصى حد
لو فيه حد يستاهل الحسد فا هو سيدنا محمد رسول الله صلى الله عليه وسلم
نحسده على حب الخالق سبحانه وتعالى له
اما غير كده فا كلها شكليات وامور مؤقته متستاهلش الحسد
وعلشان كده مش بأحط ببالي حوار الحسد دا

[™Amiliya]

امولة حببتي هوني ع نفسك
احنا دايما ننسى اننا نرقي نفسنا يوميا صبح ومساء مع الاذكار
في دعاء تيتا كانت دايما تقولو ليا وانا بعد وفاتها بقيت ملتزمة بيه مع الاذكار
اقرايه عليكي وع الي تحبيه

بسم الله ارقيك من شر كل حاسد وعين الله يشفيك بسم الله ارقيك ( 3 مرات )
غير اية الكرسي والمعوذات تقريها (3مرات) وتستودعي الله نفسك وذويكي
واكثري من الاستغفار ياامل والله سحرو عجييييييييب وعن تجربة
والله خير الحافظين