فضفضة صغنونة

[™Amiliya]

في فات المعاد لام كلثوم في كوبليه بحبو اوي وبصدقه جدا ( هاتلى قلب لا داب ولا حب. ولا انجرح ولا شاف حرمان )

الحب اغبى علاقة انسانية ممكن نمر فيها في حياتنا لاننا اختياراتنا بتكون سبب وجعنا

يااما تلاقي حد اختار واحد مش لايق عليه ميشبهوش

يااما حب حد بالصدفة وحب يكمل عشان يشوف النهاية ايه

يااما حب حد مختلف عنه في كل حاجة حتى في التعامل مع المشاكل والمواضيع

او حب حد شايف انه اعلى منه في كل حاجة فستصغر نفسه معاه

او حب حد بنسبة اقل او اكتر من نسبة الي معاه ( الحب نسب لا تقاس بالارقام)

الحب الي بنختارو بعد ميدق القلب قدريا هو الي بيكون عليه الحمل كله

في قلوب مبتعرفش تفرق بين انك تحب وتحافظ ع حبك وبين اي هواء يطير الحب لانه غير متكافاء من جميع الجهات امتى يتكافاء الحب في العلاقة لما يكون الاتنين قادرين على تذليل الصعاب في حياة بعض ويبنو حياة تانية خالص باختيارهم مهما اختلفت ظروفهم المادية والاجتماعية والتعليمية
( هتقولو كلام وفلسفسة ) هقولكم دا مش كلام والدليل ان في كتير من الجوازات الي فيها حب ناضج كملت

زي حب جدي لجدتي مثلا هي كانت ارستقراطية وهو كان مهندس عادي ع قد حالو صاحب اخوها بس معاها قرر يكبر ويخليها اسعد ماتكون في الكون مش ناقصها حاجة وحلفلها انه يعيشها ملكة وعاشت فعلا في حياته ملكة حتى لما تروي قصة حبهم لبعض والنظرات من ورا الشباك
تحكيها على استحياء وانها كانت تتمناه وكانت تدعي ربنا يكون من نصيبها اتقدم مرة واتنين واترفض لانه مش من الاعيان لكن هو قرر يكون من الاعيان واشتغل على نفسه عشان يستاهلها ( دا كله بس شافها صدفة من ورا شباك )

مش زي دلوقتي بيتكلمو ويخرجو ويحلمو ويوعدها بكل حاجة وكلو كلام في الهوا


الحب مسئولية كبيرة مش اي حد يقول بحبك بيكون قد الجملة ولو البنت اعلى مستوى من الشب بتلاقيه يوعدها يكون احسن ويكون معرفش ايه بس اول متيجي فرصة مشكلة بينهم انه يخلع ياخد توبه في سنانه ويقول يافكيك
ويتحجج بقا بحجج غريبة تحسو انكم قاعدين في فيلم عربي اخراج السبكي

الحمدلله الي بيبن للقلوب صدق المشاعر والي شاريك لا يمكن مهما كلفه الامر انه يبيعك

مش بيقولو لكل وقت ادان

في جملة مرة سمعتها من جدتي بتقول ( الي بيتعود ع الماس لا يمكن يقبل بالازاز ) وعجبي طبعا

/

تحياتي المسائية ليكم بحب صادق حقيقي مش وهم حروف وكلمات والسنة

[جبل عالي]

الحب اغبى علاقة انسانية ممكن نمر فيها في حياتنا لاننا اختياراتنا بتكون سبب وجعنا


عمر الحب ماكان غبي !!!

الأغبياء هم احنا ... لما بنحاول نغير طبعه

وبنعمل فاهمين اوي ونختار ويطلع الاختيار فاشل

وبعدين من امتى احنا بنختار نحب ؟؟

الحب عامل زي الصدمة ... لو عرفت ان الصدمة دي جاية

يبقا عمرها ما هتبقا صدمة ..... مش كده ولا ايه ؟؟


لكن بالنسبة لجملة ( وهات لي قلب لا داب ولا حب ولا انجرح ولا شاف حرمان)

هنا ... الشاعر جاب كووووول الفئات اللي ممكن تلاقيها في الحب

قلب ........ داب في الحب وسعد بيه

قلب .... حب وعرف معنى الحب ايه

قلب ... انجرح من قسوة الحبيب او الظروف

قلب .... شاف حرمان لتعارض حبه مع مايحيطه

سواء ظروف او سوء اختيار للحب نفسه ...






غاليتي .... دائما اخرج من حالتي

بين جميل طرحك وهمساتك المختلفة



كوني بكل الخير دوما


عفوا للاطالة

[ŌиĹч.Ḿё]

مفيش احلى من حب الحلال انا عرفتك اروح لاهلك عشان احافظ عليكى

واكبر فى نظرك ونظر اهلك ونظر نفسى محسش انى بسرق حاجه مش

بتاعتى طبيعى اليومين دول بتلاقى البنات والشباب بيخرجو ولو متجوزين

مش هيعملو كدا تعرفى ليه الواحد بعد الجواز بيتعلق بمراته اوى وبيخاف

عليها وبيخاف من الناس انها تبصله بصه مش حلوة

الحلال حلو ف كل حاجه

راى المتواضع انى اخلى حبى لحلالى وصبرا ربنا بيدى كل واحد

عل قد نيته

اسف على الاطالة

[ايمان طلعت]

الحب مش اغبى علاقه انسانيه
بل كل علاقه انسانيه مبنيه على الحب
الحب مش قطعه قماش نفصلها على قد الحاله الاجتماعيه او المستوى التعليمى
الحب مشاعر واحساس تحدث فجأه دون سابق انذار
العيب بقى فى الاشخاص نفسهم اللى مش بيحافظوا عليه
والعيب ايضا فى اُُناس لا تعرف معنى الحب
بل هى فقط كلمه بالنسبه لهم
لعيه للخداع والغش
فهذا ليس ابدا بحب نبكى عليه ونتوجع

اتمنى لكى السعادة والهناء
تحياتى ايمى

[همس الحنين]

هو الحب مش غبى

هو فعلا اعمى مش بيفرق بين الحسنات والسيئات

وقت ما بيحب بيطب بكل جوارحه بغض النظر عن ا ى مساؤ اخرى

فالحب مراية عمياء لا ترى سوى مزايا الحبيب

ايمي يسلم قلمك

[™Amiliya]

اقتباس المشاركة الأصلية كتبت بواسطة جبل عالي الحب اغبى علاقة انسانية ممكن نمر فيها في حياتنا لاننا اختياراتنا بتكون سبب وجعنا عمر الحب ماكان غبي !!! الأغبياء هم احنا ... لما بنحاول نغير طبعه وبنعمل فاهمين اوي ونختار ويطلع الاختيار فاشل وبعدين من امتى احنا بنختار نحب ؟؟ الحب عامل زي الصدمة ... لو عرفت ان الصدمة دي جاية يبقا عمرها ما هتبقا صدمة ..... مش كده ولا ايه ؟؟ لكن بالنسبة لجملة ( وهات لي قلب لا داب ولا حب ولا انجرح ولا شاف حرمان) هنا ... الشاعر جاب كووووول الفئات اللي ممكن تلاقيها في الحب قلب ........ داب في الحب وسعد بيه قلب .... حب وعرف معنى الحب ايه قلب ... انجرح من قسوة الحبيب او الظروف قلب .... شاف حرمان لتعارض حبه مع مايحيطه سواء ظروف او سوء اختيار للحب نفسه ... غاليتي .... دائما اخرج من حالتي بين جميل طرحك وهمساتك المختلفة كوني بكل الخير دوما عفوا للاطالة

الله عليكي ياامولة بجد قلتي حاجات كان نفسي اقراها واستوعبها

كوني دائما بالقرب فقربك سعادتي

[™Amiliya]

اقتباس المشاركة الأصلية كتبت بواسطة molazem مفيش احلى من حب الحلال انا عرفتك اروح لاهلك عشان احافظ عليكى واكبر فى نظرك ونظر اهلك ونظر نفسى محسش انى بسرق حاجه مش بتاعتى طبيعى اليومين دول بتلاقى البنات والشباب بيخرجو ولو متجوزين مش هيعملو كدا تعرفى ليه الواحد بعد الجواز بيتعلق بمراته اوى وبيخاف عليها وبيخاف من الناس انها تبصله بصه مش حلوة الحلال حلو ف كل حاجه راى المتواضع انى اخلى حبى لحلالى وصبرا ربنا بيدى كل واحد عل قد نيته اسف على الاطالة

والله انت قلت الصح ومالوش وجه تاني
الحلال هو اصدق واطهر وانقى
اطالتك تروقني
نورتني بردك وتواجدك

[™Amiliya]

اقتباس المشاركة الأصلية كتبت بواسطة ايمان طلعت الحب مش اغبى علاقه انسانيه بل كل علاقه انسانيه مبنيه على الحب الحب مش قطعه قماش نفصلها على قد الحاله الاجتماعيه او المستوى التعليمى الحب مشاعر واحساس تحدث فجأه دون سابق انذار العيب بقى فى الاشخاص نفسهم اللى مش بيحافظوا عليه والعيب ايضا فى اُُناس لا تعرف معنى الحب بل هى فقط كلمه بالنسبه لهم لعيه للخداع والغش فهذا ليس ابدا بحب نبكى عليه ونتوجع اتمنى لكى السعادة والهناء تحياتى ايمى

عجبني اوي ردك وتشبيهك للحب
اسعدني تواجدك جدااااااااا
ﻻ تحرميني منه

[™Amiliya]

اقتباس المشاركة الأصلية كتبت بواسطة همسات فوق القمر هو الحب مش غبى هو فعلا اعمى مش بيفرق بين الحسنات والسيئات وقت ما بيحب بيطب بكل جوارحه بغض النظر عن ا ى مساؤ اخرى فالحب مراية عمياء لا ترى سوى مزايا الحبيب ايمي يسلم قلمك

فعلا همسات مراية عمياء ﻻ تبصر

نورتيني بروح عطرك

[SaMa.]

الحب حنان وتضحيه
التزام وخوف على التانى
غبى بس لو فضلنا نحب اللى كارهنا ومصمم يئذينا
وده موش غباء م الحب بس غباء ف فهمنا ليه
حلو اوى موضوع حلو ثانكس