مقبرة اللوم

[SaMa.]

ازيكو
كل واحد فينا ف اى وقت ممكن يغلظ ف حق نفسو
او ف حد تانى
كتير بيكابرو ويعاندو ومايعترفوش بخطأهم
والنتيجة الخسارة بتزيد
لوم النفس ساعات بيبقه ليه فايدة بس بشرط مايزدش عن حدو
والا يبقه مقبرة بندفن نفسنا فيها
لوم النفس بيخليك ع طول تعرف غلطك وتصلحو
نسيت تصلى او جيبت فى سيرة حد
ظلمت حد من غير ماتتأكد
تلوم نفسك عشان تبقه احسن موش تدفنهاوتسجنها
وتخليك تخاف تتحرك او تتكلم لتغلط
شوفت ناس من كتر ماهم خايفين يغلطو
اعتكفو الناس وقفلو ع نفسهم ومافيش حد قدر يخرجهم م الحاله دى
واللوم بقا مرض عندهم خلاهم مدفنوين وهم عايشين
تفتكروا ازاى نساعد النوع ده من الناس ونحل مشكلتهم

[۩۩ elMagic ۩۩]

اكيد لوم النفس بيبقاله فايده
دا حتى لو انت شايف نفسك مثالي وبتعمل اللى عليك وزياده
بردوا تتهم وتلوم نفسك انك مقصر علشان تعمل المزيد والمزيد
ودا بخلاف المكابره والعناد اللى بشكل مفرط
دا اللى بيرجعك لنقطة الصفر إن لم تكن تحت الصفر

[همس الحنين]

بالعكس مش مقبره للنفس

الانسان لما يلوم نفسه باستمرار عل الاقل هيكون يقظ

مش شرط من اول مره يفوق بس مع الوقت بيحصل

اللوم النفسى افضل من الامبالاه المطلقه

جميل منك السؤال

[™Amiliya]

لوم النفس من طهارة الضمير
والي بيقفل ع نفسه بيكون تحت ردة فعل مؤقتة بس مع الوقت كله بيروح ويبدا من جديد

عجبني موضوعك اوي

[A-rab3awya]

اللوم كويس ويهدينا للطريق الصح عادة
بس هو ساعتها بيسسب قلق أو خنقه
بس ربنا يهدى الجميع بقى ونعرف أخطاءنا و نصححها
تسلمى يا قمر منتظرين جديدك

[Lamees]

لوم النفس دي حاجة كويسة
على الأقل هنضمن أنه هيرجعنا للصح دايماً

شكراً للطرح يا سما

[زهـــ*ــرة النرجــس*]

ان الانسان يلوم نفسه من بعد حاجه غلط عملها دي حاجه كويسه
بس يلومها ويبدأ يتغير ويتعهد أنه يصلح الغلط ده ويتجنبه وميرجعلوش تاني
مش انه من كتر التفكير ولومه لنفسه مياخدش خطوه في التصليح والتغيير

تسلمي على طرح الموضوع

[* Fares *]

( لَا أُقْسِمُ بِيَوْمِ الْقِيَامَةِ * وَلَا أُقْسِمُ بِالنَّفْسِ اللَّوَّامَةِ )

القيامة : 1 , 2


لوم النفس وإستشعار الذنب دي أول وأهم خطوة في الإصلاح

لكن طبعاً خير الأمور الوسط

وإن الموضوع ميوصلش ليأس أو قنوط من رحمة الله

[Words Whisper]

لوم الذات على الخطأ واجب
لأنه اللي بينبها لخطاياها
بس المهم يكون لوزم مش جلد ..


تسلمي ياجميلة ..

[SaMa.]

ثانكس ع الردود والنصيحة