رسالة خاصة

[™Amiliya]

صباح الخير والسعادة والفرح

بداية يوم جديد بيطل علينا بااجمل الحاجات الغير متوقعة احيانا ومتوقعة احيانا تانية

كتير اسئل نفسي ياترى ايه الي ممكن يحصل يخليني افرح من كل قلبي ومقلش اللهم مجعلو خير ؟

وفي كل مرة اسئلها فيه كانت حاجة تحصل تغير اليوم والمزاج كله لحاجة حلوة وكويسة بتفرحني

الحاجات الي بتفرحني بسيطة اوي اصل الحاجات البسيطة عندها قدرة انها تخليك طاير من الفرح
بتحتويك ازاي متعرفش او يمكن عشان مفيهاش مشقة فبتكون اقرب للنفس من اي حاجة تانية

امبارح فوق انزعاجي من موضوع حصل معاية شخصي حسيت بخنقة الدنيا وحسيت اني في اوضة محكومة الاغلاق بضيق عليا كل شوية لغاية مخلتني اصغر كائن موجود

وفوق اني حاولت اشغل نفسي اتصل باصحابي او انام او اقرا او اسمع حاجة تنكد عليا زيادة
تخيلو من كتر الحاجات الي عايزة اعملها معملتش حاجة كل الي جيه عليا ابص للمراية كل شوية اشوف
وشي متعكنن ولا ودا لسبب ان اخويا اياد الكبير لو شافني مدايقة بيدايقي بالاسئلة اكتر ومش هيرتاح الا لما يعرف
محدش عندي ممكن يسبني الا لما يعرفو في ايه ولما يعرفو تبدا الفلسفة ويبدا معاها كلام كتير انا في غنة سماعه الوقت دا

دخلت المنتدى كتبت حاجات رديت ع واضيع والفيس عملت اوف لاين وتابعت بوستات البنات والتويتر والبلوجر كلها كتابة حاجة صامتة
مش تدايقني بالصوت لقيت الساعة 2 قمت صليت رجعت تاني للشاشة العميا لغاية مدن الفجر
صليت وقلت ابص بصة ع الجهاز لقيت رسالة على الياهو عادة مبفتحش رسايل الياهو الا الصبح عشان لو في حاجة من الكلية اقراها

لقيت رسالة من ايميل مش متسجل عندي محتواها:-

انا دورت كتير عايز اوصلك ومش عارف ازاي سرقت ايميلك من صحبتك محتاج اشوفك هوريكي الموبايل اقري كل الرسايل الي فيه انا ممسحتهاش ورحمة امي بس بلاش تقاطعيني انا محتاجلك انا بحبك انا مش قادر اعيش من غيرك
ارجوكي ردي عليا المرة بلاش تطنشي رسالتي انا محتاج لو كلمة منك ارفضي وزعقي واعملي الي تعمليه بس خليكي معايا مستنيكي ياايمان

طبعا انا قريت ايمان والمحتوى نفسه غريب عليا بس الصراحة ضحكت وقلت في نفسي ياه لس في ناس بتحب بجد ولا دا بردو مستني فرصة ويفلسع او يدور ع غيرها ويعيش لو بيحبها بجد يابختها ولو مجرد وقت زي اي قصة بنسمع عنها احسن انها جتلي بالغلط عشان يتلم وبعدين قلت اشتغالة من امل صحبتي اصلها بتستظرف اوقات وتعمل حركات وبعدين قلت يمكن حد واخد الايميل بالغلط من عند حد يعرفني فعلا خاصة انو ايمي مش ايميليا الايميل فاايمي لايمان وايميليا ماشية


بس ضميري مخلنيش مردش عليه عليه بعتلو الايميل غلط تاكد من العنوان الصحيح

مردش غير بكلمة اسف بالخط الاحمر العريض ومكبرها كاني عميا مش شايفة

مش هتصدقو الرسالة دي غيرت فعلا مزاجي وخلتني اضحك يمكن علامة عشان اخد بالي من حاجة

مش عارفة

/

نهاركم سعيد

[Lamees]

هي كده الدنيا مجنونة اوقات تكوني بتعيطي وفاكرة الدنيا اتهدت
وبكلمة واحدة تضحكي وصوتك يعلى أوي وبعد الضحك تكملي عياط
والله بتحصل معايا مفيش أحلى من تكبير الدماغ

ربنا يسعدك

[محمود أبوزيد]

قد يحدث شئ امامنا ويكون بنظر الاخرين
شئ عادي الحدوث ولكنه بنظرنا اروع الاشياء
فلتبقي قلوبنا برقتها تبتسم من طيبتها تمرح
وتعيش الامل ...
تقبلي مروري ..

[حـيـــــآة ❤]

يمكن في حاجات بتحصل أحيانا صحيح مش ف وقتها بس ممكن تغير مزاج الواحد لﻷفضل او لﻷسوء
ربي يسعدك دايمآا حبيبتئ
فضفضه جميله ~

[A-rab3awya]

فعلا ف حاجات بسيطه كده بتخلى الانسان سعيد

واوقات كتير ببقى ف حالتك كدة،،يلا الحمد لله

منتظرين فضفضه جديدة يا قمر،،،

ربنا يسعدك،،

[۩۩ elMagic ۩۩]

يمكن الرساله لو جاتلك ومش في اخرها إسم إيمان مكنتيش هتضحكي
مواقف كتيره بتمر علينا الواحد مبيبقاش عارف هيتصرف فيها ازاى
الا بعد ما تحصله فعلا ويتحط ف الموقف
جميله فضفضتك
تسلمي ايميليا

[شاعر الحب الحزين]

القلب بطبعه بيحب اللي بيتشدله

وبيفرح بالمدح اكيد هيستقبل حكاية زي دي

بابتسامة أمل تخليه يحس بقيمة نفسه حتى لو

كانت الرسالة من حد مش نعرفه ويمكن هو يكون عارفنا كويس

حتى لو بان رفضنا وتعجبنا وصدنا إلا إننا بنداري جوانا حاجات تفوق

الحاجات دي أضعاف من السعادة اللي جوانا

زي ما تعودت منك دايما يا إيميليا طرح جديد وموضوع جديد

كل موضوع بيزيد من تألقك وتفوقك الفكري الجميل

ونظرتك الإجتماعية للحياة والناس وده اللي بيميزك دايما

دمتي بهذا التألق المستمر وهذا الفكر المنير الراقي

احترامي وتقديري

[قلم من نار]

اكتفي بالتمعن بما نزفه قلمك
لااني الان مبتسم
وابتسامتي عريضه
لانه رجع شريط ذكرياتي للخلف
لذكرى اعتقد لوجد جد المشيب براسي
لن انساها وربما اسردها بوقت اخر
بموضوع بقسم القصص والروايات
ربي يسعدك اخيه
مودتي وتقديري لسموك
اخوكي
قلم من نار

[Words Whisper]

فعلا الحاجات البسيطة هي اللي بتفرحنا
والمسج نفسها لذيذة
تخلي الواحد يبتسم كدا ان ف ولد واخد باله يحب كدا ^_^


تسلمي ياحلوة ...

[قلم من نار]

اكتفي بالتمعن بما نزفه قلمك
لااني الان مبتسم
وابتسامتي عريضه
لانه رجع شريط ذكرياتي للخلف
لذكرى اعتقد لوجد جد المشيب براسي
لن انساها وربما اسردها بوقت اخر
بموضوع بقسم القصص والروايات
ربي يسعدك اخيه
مودتي وتقديري لسموك
اخوكي
قلم من نار