سؤالين من البنات||2||مع.."تابع مسابقة البنرات"

[شهيده تحت الطلب]

حبيت اشترك في مسابقة البنرات بحلقه من البرنامج وسؤالين من البنات: Stop Ana Eltop حلم عمري وضيفنا المميز واللي منور تاني حلقه Silver heart عضوية التميز عرفنا بشخصيتك...؟ وايه اكتر حاجه بتعصبك واكتر حاجه بتنرفزك...؟ شخصيتى غريبه عن شخصيات كتير اوى متقلبه حبتين عصبى بس طيب بكره الظلم اوى والحقد والخيانه اكتر حاجه بتعصبنى انى اكون مستنى حاجه هتحصل وتفرحنى وفجاه ما تحصلش او تضيع منى حاجه وقعد ادور عليها او مشهد فى فيلم مش تمام امتي يستحق ادم لقب " رجل " ؟ فالرجولة موقف وسلوك.. وليست مجرد مظهر أو كلمات جوفاء..الرجولة مسؤلية حقيقية..والرجل حقا هو القادر على استيعاب جوانب هذه المسؤلية وتحملها والقيام بها خير قيام... إن الرجل الحقيقي..هو القادر على العطاء..وليس الأخذ فقط ..هو القادر على العطاء والاحتواء دائما القادر على احتواء مشاعر المرأة وتفهمها تفهما فعليا وادراك الجوانب المختلفة من شخصيتها وأبعاد تكوينها الإنساني إن الرجل الحقيقي هو القادر على إشعار المرأة بالأمان بجانبه..القادر على خلق الطمأنينة في نفسها ونشر السكينة في روحها إن الرجل الحقيقي هو القادر على التعامل مع المرأة بصدق وبأسلوب إنساني بحت.. وبرقي حقيقي دون ادعاء.. وبتحضر دون تظاهر زائف هو القادر على الغوص في أعماق المرأة وسبر غورها وتفهم معاناتها.. واستيعاب أفراحها وأحزانها على حد سواء..إنه القادر على قراءة عينيها وفهم صمتها الرجل الحقيقي..هو الذي يحترم المرأة ويقدرها كإنسانة ذات كيان لها عقل وقلب ...ووجدان يقدر مشاعرها ويحترم تفكيرها ويعاملها المعاملة الكريمة التي أمر بها ديننا الإسلامي في العديد من الأحاديث ايه ده كله ايه العقبات اللي ممكن تقف قدام تحقيق حلمك ؟؟ متهيالى مافيش غير القدر والنصيب لانه من عند ربنا إعاقتك عن تحقيق طموحاتك واهدافك ، حكمة بليغة تقول: “سِرْ خلف حلمك مع رغبةٍ جادةٍ وعزمٍ وتصميم، فإما أن تنجح، وإما أن تتعلم وتكبر”. ويقول “دينيس ويتلي”: “الفشل ينبغي أن يكون معلماً لنا وليس مقبرة لطموحاتنا وتطلعاتنا”. كتير بيشوف ان دموع ادم ضعف انت بتشوفها ايه؟ لا مش ضعف عندما يبكى الرجال فاعلمى ان الهموم فاقت ققم الجبال لكن لدمعة الرجل معاني لايعرف مدلولاتها سوى الرجل نفسه دمعة الرجل ليست بالرخيصة الهينه عجبني اووي الرد ده ايه رايك فى الشباب الى بتاخد المنتدى كوسيله للتعارف واللعب بالبناات؟ اممممممممم بصراحه هى حاجه مش وحشه وبس دى زباله يمكن انا مريت بيها قبل كده بس لما نفكر كويس هنلاقى ان الحكايه دى منتشره جدا وعلى فكره زى ما الولاد بتاخد وسيله لتعرف على البنات البنات بتعمل كده برده وبصراحه البعد عن البنات نعمه والبنت لو تبعد عن الولد نعمه برده تقبل اختك تسجل فى المنتدى هنا وايه ؟السبب؟ لا بصراحه ماقبلش لان الصعايده ما تسمحش بكده وده مش تخلف والله لا ابدا ولا جهل ولو ده جهل كان ايام الرسول والخلافاء الراشدين تخلف برده السبب يعنى ان انا ولد وعارف ان لما تدخل هتحتك بولاد طبعا وده ما ينفعش بصراحه ايه الحاجه الى عملتها فى المنتدى وادايقت انك عملتها؟ اممممم انى زعلت ناس غلطت فى حقى نصيحة منك لكل شاب عنده حلم وعايز يحققه ؟؟ كلنا عندنا احلام عاوزين نحققها طبعا بس لازم تسعى ورى حلمك وتعمل المستحيل علشان تحققه اهم حاجه تبعد البنات الوحشين الشريره اهم حاجه تركز انت عاوز ايه ملحوظه مش هتحقق اى حلم وانت بعيد عن ربنا بيس يا شباب نورتنا بقي ^^ دا نورك يا جهاد ثاااااااااااااانكس وكدا خلصت الحلقه وسوري لعد تنسيق الخط كل ما انسقه واعمل معاينه الاقيه بايظ خالص واستنونا الحلقه الجايه

[حـيـــــآة ❤]

إستضافه كميله مع عضو مميز
وكميله أسئلة البوت هبه ووفاء
تسسلموآا بئا

[Stop Ana Eltop]

اقتباس تقبل اختك تسجل فى المنتدى هنا وايه ؟السبب؟ لا بصراحه ماقبلش لان الصعايده ما تسمحش بكده وده مش تخلف والله لا ابدا ولا جهل ولو ده جهل كان ايام الرسول والخلافاء الراشدين تخلف برده السبب يعنى ان انا ولد وعارف ان لما تدخل هتحتك بولاد طبعا وده ما ينفعش بصراحه

هو دا التناقض ولا ابن عمه :d
منين انت بتدخل تحتك ببنات الناس وفى نفس ذاك الوقت رافض الفكره لاختك
ممم منتاش مؤمن بفكرة كمان تدين تدان ولا ايه
وكمان طالما شايف انه التعامل هنا مابين البنات والشباب فى اطار غير محترم
بدليل انك بترفض فكرة تسجيل اختك فى المنتدى
ليه انت جزء من المستعمره دى

بيعجبنى اوى الوجه والوجه الاخر دا

تسلمى يا جهاد ع الحلقه
بالتوفيق

[bobaOo]

جامده الاستضافه دي

تسسلمو جميعا

[شهيده تحت الطلب]

اقتباس المشاركة الأصلية كتبت بواسطة stop ana eltop هو دا التناقض ولا ابن عمه :d منين انت بتدخل تحتك ببنات الناس وفى نفس ذاك الوقت رافض الفكره لاختك ممم منتاش مؤمن بفكرة كمان تدين تدان ولا ايه وكمان طالما شايف انه التعامل هنا مابين البنات والشباب فى اطار غير محترم بدليل انك بترفض فكرة تسجيل اختك فى المنتدى ليه انت جزء من المستعمره دى بيعجبنى اوى الوجه والوجه الاخر دا تسلمى يا جهاد ع الحلقه بالتوفيق

كنت عايزه اعلق عالحته دي
بس قولت بلااش
وانا رأيي من رأيك
طالما في حدود في الكلام
يبقي عادي
بس اكيد الضيف له وجهة نظر تانيه

نورتي يا هبه
تسلمي^^

[شهيده تحت الطلب]

اقتباس المشاركة الأصلية كتبت بواسطة boba0o جامده الاستضافه دي تسسلمو جميعا

الله يسلمك
منوره اهبه^^

[شهيده تحت الطلب]

اقتباس المشاركة الأصلية كتبت بواسطة °ﻵ يفهمني سوآي° إستضافه كميله مع عضو مميز وكميله أسئلة البوت هبه ووفاء تسسلموآا بئا

انتي اكمل اهاجر
منوره^^

[Magic Dreams]

اقتباس المشاركة الأصلية كتبت بواسطة stop ana eltop هو دا التناقض ولا ابن عمه :d منين انت بتدخل تحتك ببنات الناس وفى نفس ذاك الوقت رافض الفكره لاختك ممم منتاش مؤمن بفكرة كمان تدين تدان ولا ايه وكمان طالما شايف انه التعامل هنا مابين البنات والشباب فى اطار غير محترم بدليل انك بترفض فكرة تسجيل اختك فى المنتدى ليه انت جزء من المستعمره دى بيعجبنى اوى الوجه والوجه الاخر دا تسلمى يا جهاد ع الحلقه بالتوفيق

بصى سنورتيا انا اى واحده هنا بعاملها كاخت مش اكتر تمام
ومقدر احكم على اى بنت وقولها ما تسجليش هنا تمام لانى ماليش الحق اطلب منها كده اصلا
وتفكيرك غير تفكيرى وهو وجه واحد على فكره
ومن ناحيه الاحترام فالناس اللى هنا كلها متحرمه بس انا بغير على اهل بيتى مش اكتر

[Stop Ana Eltop]

اقتباس المشاركة الأصلية كتبت بواسطة silver heart بصى سنورتيا انا اى واحده هنا بعاملها كاخت مش اكتر تمام ومقدر احكم على اى بنت وقولها ما تسجليش هنا تمام لانى ماليش الحق اطلب منها كده اصلا وتفكيرك غير تفكيرى وهو وجه واحد على فكره ومن ناحيه الاحترام فالناس اللى هنا كلها متحرمه بس انا بغير على اهل بيتى مش اكتر

تمام

على اساس انه اهالينا مابيغيروش علينا
مع كامل احترامى اكيييد لوجهة نظرك بس انا شيفاها وجهين

اكيد مالكش حق على اى بنت انك تقولها ماتسجليش
بس كذلك فى ايديك انت انك ماتسجلش طالما مش راضى عن الى هنا

يعنى انا ادخل كباريه واقول انا مش فى ايدى اقول للبنات الى بترقص ماترقصيش
بس انا داخل وماليش دعوه بيهم وهما فى حالهم << مع الفرق فى التشبيه بقن

اكيد تفكير كل شخص بيختلف عن تفكير غيره

وفكرك والله يحترم
ووجهة نظر بردك

[Magic Dreams]

اقتباس المشاركة الأصلية كتبت بواسطة stop ana eltop تمام على اساس انه اهالينا مابيغيروش علينا مع كامل احترامى اكيييد لوجهة نظرك بس انا شيفاها وجهين اكيد مالكش حق على اى بنت انك تقولها ماتسجليش بس كذلك فى ايديك انت انك ماتسجلش طالما مش راضى عن الى هنا يعنى انا ادخل كباريه واقول انا مش فى ايدى اقول للبنات الى بترقص ماترقصيش بس انا داخل وماليش دعوه بيهم وهما فى حالهم << مع الفرق فى التشبيه بقن اكيد تفكير كل شخص بيختلف عن تفكير غيره وفكرك والله يحترم ووجهة نظر بردك

هقول حاجه واحده بس على كلامك
هو طبع عندى او عند غيرى ماشى
وانى سجلت هنا ماليش دعوه باى بنت سجلت او لا ماشى
وكل واحد اولى باهل بيته