اطفالنا مهددون بالانقراض

[Aya 7ekaya]

السلام عليكم
..
حاجة غريبه اووى لاحظتها
كلنا كنا بنتفرج ع كرتون ولحد دلوقتى والله
الموهيم يعنى ،، زمان مش كان فى تقريبا غير قناه سبيس تون و Mbc3
ودلوقتى بعد ما بقا فيه قنوات مصريه للاطفال بقى فى حاجات غريبه اووى
دى قنوات اطفال معقوله
حتى قنوات الاطفال بقا فيها مهرجانات واعلانات وكله كوم واعلان لولواه كوم تانى
فى المقابل القنوات التانيه رغم انها سعوديه ف حتى اعلانتها وبرامجها خاصه بالاطفال من العاب او فقرات مطبخ للاطفال
وبعد كده نرجع نقول الطفوله ضاعت
ماهو احنا ال ضيعناها علشان بنبنى ثقافه اطفالنا على المهرجانات والرقص
من وجهه نظركم ليه بقا الانحطاط ده موجود فينا حتى فى بيئه الاطفال ؟
ومين المسئول الاول عن الثقافه دى ؟

[big bốss]

دا فارس اخويا عنده سنه و بيرقص على مهرجانات ارتيجا

و سنه تانى هيمسك مطواه و يبلطج

بصراحه طفولتنا كانت هاديه زمان لان مكنش واصل او متدخل فيها اعلام او تكنولوجيا

دلوقتى الطفل له قنوات اطفال بتبوظ دماغه و بيعرف النت و بيمسك تابلت

و حاجات غريبه غيرت و شكلت كل براءته و افكاره

نايس يويو الطفوله فى الضيعون

[حـيـــــآة ❤]

لولواه هنا كمان
حبيبتي ف زماننا ده يمكن حتى الطفل ميكونش مايل ﻷكرتون
بيبئا ميوله للمهرجانات والكﻵم ده عشان ده الواضح ف مجتمعنا
يعني البيئه ألي بيتواجدوا فيها وتصرفاتهم بتأثر
يعني البيئه هي السبب يمكن
تقبلي مروري آيه
موضوع جميل

[مُنـــــايا]

المسؤال دور الثقافه والتوعيه والرقابه
والسماح لهذه النوعيه من القنوات
كنا زمان بنلعب العاب مفيده وكانت عندنا تسليه غير كده
اما الان باسم الحضاره والرقي والتكنولوجيا اصبحت عقول الاطفال فارغه
واصبح الطفل متلقي فقط وانغرس فيه عادات دخيله واصبحت عاديه
بالنسبه لنا..
لا والطفل يكون لسه كام سنتين ولا حاجه وتلاقيه حافط كل المهرجانات
اللي طلعت لنا في البخت ..
لا وكمان بيتخانقوا ع الريموت
بجد ربنا يهدي الجميع

طرح رائع حبيبتي
سلمت الايادي
دمتِ بكل خير

[أميرة الساكورا]

مميز و إبداع كالعادة شكراً يا قلبي

[A-rab3awya]

فعلا يا ايه هو دة الواقع

ف كام قناه كدة زى كوكى،،وغيرها

حاجات هابطه

والبيئه كمان بتعكس ع الاطفال جامد

دة كفايه صوت التوكتوك اللى بيوصل لحد كل جزء ف البيت

طبعا لازم الاطفال كلها تطلع كدة غيرنا احنا

كان مالها سيبس تون يعنى،،،كانت طفوله احلى من دلوقتى بكتير

تسلمى ايه ع النشاط دة،،،دمتى مميزة

[همس الحنين]

فتشى عن هدم اى ثقافه هتلاقيها بتبدأ من النشأ

الطفل ده مسئول المستقبل

للاسف افكار واعلام هدام

وصعب الطفل يفضل امام قنوات هابطه الفكر والبرامج

بس احنا بأيدينا ندور على الافضل

عندك قناة سمسم دى اطارها اسلامى حتى الانشاد فيها من غير موسيقى

يعنى المربى يقدر يتحكم فى القنوات

انما مين مسئول

دى منظومه اعلاميه فاشله

يويو
قيم موضوعك

[SaMa.]

الاطفال اتغيروا فعلا والحاجات دة الل بتعجبهم
والعيب ع الكبار موش هم

[العاشق الذى لم يتب]

انت سمعت زمان الشاعهراللى غنى وقال
يامصرفيك حاجة محيرانى
نزرع القمح فى سنين تطلع الكوسة فى ثوانى
مصرغريبة وعجيبة فى كل شيئ
مصرلازم تمشى فى نمط واحد
طول ماحضرات الحاكمين يردون هذا النمط
ومافيش حاجة اسمها اطفال ولامجتمع ولاحياة
فيه حاجة اسمها اسمع لمااقولك
وأطيع أمرى وإلا ستق5صف رقبتك
وإن تفوهت بكلمة فأنت عميل خائن إرهابى
وتحيا مصر
وشكرا آية