شريط الإهداءات؟؟؟؟؟

[همس الحنين]

	الاداره كانت بتمنع النقاشات السياسيه لانها بتصنع جو من الشد والجذب والتوتر بين الاعضاء دلوقت انتقلت العدوى لشريط الاهداءات والله امر غريب وغير مرغوب فيه لما نقلب شريط الاهداء اللى هدفه اهداء رقيق للاعضاء او تهنئه او اى كلام للمحبه بقالوا فتره شريط دمار يا اما كلام سياسى يا اما تهديد بين الاعضاء وتلقيح كلام فين قيمة شريط الاهداءات المعنوى وليه كل شئ جميل بنستخدمه غلط وليه دائما بنلاقى القلوب كلها غل لا فى موده ولا فى حتى روح التسامح بينا يبقى ايه لازمة شريط الاهداءات انا بدخل منتديات بستغرب على المنتدى هنا يا اما اشوف تذكره بدعاء بصيام بترحيب بعضو او عضوه غايبه عكس الجو هنا شريط الاهداء اصبح خاص للمشاحنات نقاشى ايه رأيكم فى من يستخدم كل شئ جميل لقلبه لامر سئ؟ وياترى الاداره لما تشوف ده من الاعضاء الافضل تغلق الشريط كنوع من لفت نظرنا؟ وليه من الاساس بنعمل كده اصبحنا مرضى ولا الكره عشش جوه القلوب خلاص همسات فوق القمر

[الآمير العآشق]

للاسف بسنت
كما قلتي الكره اصبح معشش داخل بعض النفووس
الحقد والكره اصبح اسلوبهم
وهو الي بيحرك اقلامهم

لما اقرا اهداء بيقول /
يامستني مرسي يرجع للسلطه يامستني الرقاصه ترجع النقطه

ايه مستوي الاخلاق ف صياغ الكلام الي انحدرنا له دا !!

للاسف الانقلاب الدموي جر علينا انقسام رهيب
بين الشعب المصري
واصبح مؤيد كل طرف بيحقد ويكره الطرف التاني
حتي بشوف اخوات ممكن يتخانقو مع بعض
عشان واحد بيايد السيسي
وواحد قرفان من هذا السيسي

اللهم ارحمنا برحمتك التي وسعت كل شئ

طرح راقي وجميل بسنت
دمتي متالقهـ

[world]

هاهاهاهاهاهاهاهاها والله انا بالنسبالي عمري م بستخدمو اصلا
بس هو فعلا اسمه اهدااااااااااءات يعني لاا يليق انه يتحول لمشاحنات وخناق

[ساحر الأحزان]

موضوعك كويس همسات

الواحد مش عارف الشحن النفسى دة أخرتة أية ؟

أحنا بنقول خلاص ربنا يصلح الحال والأمور تستقر بنبص بنلاقينا بنرجع ورة من تانى

وعموما تم تنزيل أعلان أدارى بخصوص التحكم فى الأهدائات

موفقة

[اذار .]

انا ب اشوف ان لو زاد الشد في الكلام في الاهداءات
يتقفل شريط الاهداءات ،
لان شريط بيتعرض حتى للزوار ،
و ماراح يكون كويس لسمعه المنتدى الي بيحصل فيه ،

شكراً همسات .

[SaMa.]

كلامك صح مفروض الاهداءت تكون لحاجات كويسة
لانك هاتشوفيها غصبن عنك غير المواضيع بتدخليها بمزاجك

[فتحى عيسى]

شريط الإهداءات نلجأ إليه عندما نجد الإدارة ليست مهتمة بما يحدث
في بقية الأقسام وعندما نسأل ونكتب شكوي ويتم الرد عليها
دائما ما يكون المشرف غائبا عن الرد ويترك غيره للرد علي الشكوي
وهذا ماحدث معي قبل الأمس وأضطررت إلي مناشدة المسئول
والنتيجة لعب بالكلمات وهلفطة وغياب عن الواقع ولم يرد علي ما فعله
لذا لجأنا إليه
شكرا علي الموضوع

[العاشق الذى لم يتب]

شريط الاهداءات
مغتصب من قبل قلة قليلة
وهى تتباهى بماتكتبه من سفاهة وقلة ذوق
وألفاظ نابية وشتم وسب
وتلقيح وتلميح
وهم يظنون انفسهم انهم بذلك مشهورين ومثقفون
بينما العكس تماما
كل من رأى سفاهتهم وقلة ذوقهم
وسوء أخلاقهم زادهم ذلك مقتا وكرها وبغضا من الجميع
وكذا زاد غضب الله عليهم
مما يحصدون من ذنوب ومعاصى
وأنهم لايكفيهم قذارتهم ومايكتبون فى الأقسام
وهم يشتمون ويسبون خلق الله
ويهجهوهم وأسوبهم الرخيص من التلقيح والتلميح
فلجأوا لشريط ال÷داءات
حينما رأوا أن القوم عرفتهم ولفظتهم وعقت كلماتهم القبيحة
وقد أحسن صنعا أمجد
حينماقررمنع تلك السفاهات على الشريط
شكرا لك
بسنت
تحياتى وودى

[۩۩ elMagic ۩۩]

هو فعلا الاهدائات المفروض يتم إستخدامها بشكل أرقي من كده
لانها من واجهات المنتدى للزائرين
عموما أمجد نزل إعلان علشان نحكم على الاهدائات دي شويه
ربنا يسهل

[محمود الصاروخ]

لو جينا نتكلم مانتى هتلاقى ان واحد بيكتب ويبص ان مش من حق حد يرد عليه
يعنى كل واحد بيكتب مفكر نفسه صح