هو انتي علي طول بتعشقي النكد ..!

[الآمير العآشق]

.

صاح في وجهها : هو انتي علي طول بتعشقي النكد

تركها وحدها تبكي وكلماته ترن ف اذنها

وهو خارج مرددا / انتي نكديه

.

ورسالتي الي كل شاب وكل رجل

رسول الله اوصانا خيرا بالنساء

قال رسول الله صل اله عليه وسلم ــــ( من كان يؤمن بالله واليوم الاخر

فلا يؤذي جاره واستوصوا بالنساء خيرا فانهن خلقن من ضلع

وان اعوج شئ بالضلع اعلاه فان ذهبت تقيمه كسرت

وان تركته لم يزل اعوج فاستوصوا بالنساء خيرا )

.

انا موش هعطي قول كون البنت او المراه نكديه او غير نكديه

لكن هي تهمه وصمها بها الرجل بمناسبه ومن غير مناسبه

.

ليه الشاب او الرجل يستغل حب المراه له

ويبدء ف معاملتها كانها مخلوق اقل منه

ويكون اسلوبه معها فيه كثير من التكبر

يعاملها كانها اقل منه بالتفكير / او انها عاطفيه

لاتتحكم في عقلها / لكن انا الرجل والاقوي

وافهم اكثر منك في امور الحياه

.

حتي في حبها وغيرتها عليه / يري ف هذي الغيره

هواجس تاتيها بدون عقل او تفكير

وحتي وان كان هو بتصرفاته يدفعها الي هذي الغيره

لكن يفضل يري انه هو الرجل / ويفعل مايحلو له

وان غيرتها حماقه ف التفكير منها

واذا ماازداد الامر بينهما وعاتبته علي تصرفاته

والتي تثير غيرتها / وقتها قد يصيح فيها مردداا

هو انتي علي طول بتعشقي النكد

حتي عتابها علي سوء تصرفه / اعتبره هوونا

باب لفتح النكد

.

فهل المراه حقا نكديه في غيرتها / ام انك

انت ايها الرجل من تدفعها الي ان تصير في نظرك

امراه تعشق النكد

.
.

ولكم مني كل الحب

[Lamees]

عارف يا ماجد انا شايفة ان تصرف الرجل بالشكل ده
هو هروب من مواجهة الموقف مع شوية تكبر وتعالي على زوجته
اساساً الرجال يفتقدون للرومانسية ودي دراسة عندهم 20 % فقط رومانسية
والباقي غريزية عكس المرأة فهي تتمتع بـ 80 % من الرومانسية
مستني ايه بقى من رجل فقير في المشاعر مش بيلاقي قدامه طريقة
عشان يهرب بيها من حاجة هو فاشل فيها غير كده انه ينكد عليها ولما تعيط
يقلب التربيزة ويقولها انتي نكدية عارف المثل اللي بيقول حجة البليد مسح السبورة
هو كده بالظبط دي حجته عشان يهرب من حاجة مش فاهمها ولا عارف يعملها
مع ان لو مراته غارت في مرة عليه المفروض يفرح بكده وياخدها في حضنه
ويقولها حبيبتي مفيش غيرك يملى عيني كلمة وحركة بسيطة جداً
ومش هتكلفه حاجة ممكن يخرج ويرجع يلاقي مراته زي الاميرة اللي مستنية اميرها
طيب هو بعد ما نكد عليها وزعلها وقالها انتي نكدية مستني ايه بقى
تفرح وتبطل تغير عليه بالعكس ده كده الغيرة هتزيد اكتر وهتنكد اكتر واكتر
وهتضغط على اعصابها وممكن يجرى لها حاجة وحشة لقدر الله
انا شايفة انها رجالة مش فاهمة ومش عارفة ومش حاسة بحاجة

مجرد رأي

تحيااتي لطرحك الهادف والرائع ماجد
ابدعت واكثر في نشاطك
الله يعطيك العافية
ويزيدك تميز فوق تميزك
روني ..~

[✿ Celiηα]

الراجل بتصرفه وعدم لامبالاته هو اللي بيدفعها
لأنها مثلا يصعب عليها وكده فممكن تبكي
يقول عليها دي نكدية

طب انت مفكرتش ايه السبب اللي مخليها مضايقة ؟
مفيش مخلوق بيحب النكد وبيحب يفضل زعلان من كل الناس وميكلمهمش
لكن اللي حواليك بمعاملتهم بيفرضوا عليك كده

الراجل دايما عايز يعيش فيها دور سي السيد
المتحكم المسيطر البارد اللي كلمته ماشية
لكن انه يتنازل مرة ويقولها كلمة حلوة ازاي يا عم
انا راجل ولازم اتقل عيب لما اقول كده -_-

انت السبب الرئيسي اللي هتخليها سعيدة او نكدية
واختار انت ومتلومهاش

تسلم للطرح ..

[الآمير العآشق]

اقتباس المشاركة الأصلية كتبت بواسطة اطياف الماضي عارف يا ماجد انا شايفة ان تصرف الرجل بالشكل ده هو هروب من مواجهة الموقف مع شوية تكبر وتعالي على زوجته اساساً الرجال يفتقدون للرومانسية ودي دراسة عندهم 20 % فقط رومانسية والباقي غريزية عكس المرأة فهي تتمتع بـ 80 % من الرومانسية مستني ايه بقى من رجل فقير في المشاعر مش بيلاقي قدامه طريقة عشان يهرب بيها من حاجة هو فاشل فيها غير كده انه ينكد عليها ولما تعيط يقلب التربيزة ويقولها انتي نكدية عارف المثل اللي بيقول حجة البليد مسح السبورة هو كده بالظبط دي حجته عشان يهرب من حاجة مش فاهمها ولا عارف يعملها مع ان لو مراته غارت في مرة عليه المفروض يفرح بكده وياخدها في حضنه ويقولها حبيبتي مفيش غيرك يملى عيني كلمة وحركة بسيطة جداً ومش هتكلفه حاجة ممكن يخرج ويرجع يلاقي مراته زي الاميرة اللي مستنية اميرها طيب هو بعد ما نكد عليها وزعلها وقالها انتي نكدية مستني ايه بقى تفرح وتبطل تغير عليه بالعكس ده كده الغيرة هتزيد اكتر وهتنكد اكتر واكتر وهتضغط على اعصابها وممكن يجرى لها حاجة وحشة لقدر الله انا شايفة انها رجالة مش فاهمة ومش عارفة ومش حاسة بحاجة مجرد رأي تحيااتي لطرحك الهادف والرائع ماجد ابدعت واكثر في نشاطك الله يعطيك العافية ويزيدك تميز فوق تميزك روني ..~

وهي دي المشكلهـ روني
خوف الشاب او الرجل من المواجهه
لانو بيكون عارف ان هو مخطئ
بس للاسف موش بيقدر يواجه اخطاءه
وحتة مواجهة الاخطاء
بردو اوقات بتتصف بها النساء مثل الرجال
بس مع الفرق
موش لازم يخلي جبنه او خوفه من مواجهة اي موقف
انو يقلب التربيزه كما وصفتي روني
ويحط نفسو بموقف المظلوم بدل الظالم
وفجاه يصير هو الي بيعاتبها علي انها
بتخلق جو من النكد

وبردو موش راجعه لرومانسيته
عشان نسبه 20 % رومانسيه للرجل
انا موش معترف بها
هي موجود وبنسبه اعلا بكتير
بس يمكن افكار الرجل وتكوينه البيولجي
بيخليه يحس ان اظهار الرومانسيه ضعف او تقليل من رجولته
وهو دا للاسف المفهوم الخاطئ
عند كثير من الشباب والرجال

ميرسي روني
مرورك الجميل بالتوبيك
انرتي موضوعي
بافادتك الجميلهـ ورايك المميز

[الآمير العآشق]

اقتباس المشاركة الأصلية كتبت بواسطة ✿ celiηα الراجل بتصرفه وعدم لامبالاته هو اللي بيدفعها لأنها مثلا يصعب عليها وكده فممكن تبكي يقول عليها دي نكدية طب انت مفكرتش ايه السبب اللي مخليها مضايقة ؟ مفيش مخلوق بيحب النكد وبيحب يفضل زعلان من كل الناس وميكلمهمش لكن اللي حواليك بمعاملتهم بيفرضوا عليك كده الراجل دايما عايز يعيش فيها دور سي السيد المتحكم المسيطر البارد اللي كلمته ماشية لكن انه يتنازل مرة ويقولها كلمة حلوة ازاي يا عم انا راجل ولازم اتقل عيب لما اقول كده -_- انت السبب الرئيسي اللي هتخليها سعيدة او نكدية واختار انت ومتلومهاش تسلم للطرح ..

سي السيد !
هو دا سيلينا
اادي الي جالكم من افلام قصر الشوق وبين القصرين

الافلام دي ماثره مع شباب كتير
يحني كتير بيكون احلام بعض شباب
انو يعيش دور سي السيد / الحاكم الآمر الناهي
نفسي اكون راجل ف بيتي << انا بقول ف بيتي

بس تعرفي موش بتدوم
هو بس كام يوم يعمل فيها سي السيد
وبعدها بتمسك له المقشه ع الباب لو اتاخر

ميرسي سيلينا
مرورك الجميل
انرتي موضوعي بافادتك

[Stop Ana Eltop]

لاء المرأه بطبعها نكديه

وانا معترفه بذلك

[حـيـــــآة ❤]

المرأه نكديه بالفطره ياماجد
بس تصرفات الي قدامها بيعود عليها
يعني الي قدامها ممكن يخليها مش نكديه
موضوع جميل

[انا دنيته وهو حياتى]

المرأه بطبعها مش نكديه خاالص على فكرا ^_^
بالعكس
دى المرأه دى الطف الكائنات على وجه الارض

بس تصرفات اللى قدمها هى اللى بتخليها تتنرفز وتتعصب وتنكد عليه

لا وغير كدا
بيحلل حاجات لنفسه
ويحرمها على غيره
تيب ليه ؟
اللى مش بتحبه لنفسك
متحبهوش لغيرك

زى مانت بتقول كدا

لكن يفضل يري انه هو الرجل / ويفعل مايحلو له
وان غيرتها حماقه ف التفكير منها
واذا ماازداد الامر بينهما وعاتبته علي تصرفاته
والتي تثير غيرتها / وقتها قد يصيح فيها مردداا
هو انتي علي طول بتعشقي النكد

نعمل ايه فيكو بئا
ربنا يصبرنا عليكو يحنى

وياسلام بئا لو كانت عصبيه
يبئا عينك ما تشوف الا النور هههههههه

بس طيبين خالص بردو
ومن اقل كلمه بنرضى بيها على طول



توبيك رائع جدا يا مجووود
تسلم بئا

يدوم تميزك~

[الآمير العآشق]

اقتباس المشاركة الأصلية كتبت بواسطة stop ana eltop لاء المرأه بطبعها نكديه وانا معترفه بذلك

هههههههههههههه

وشهد شاهد من اهلها

نورتي التوبيك هبه

[الآمير العآشق]

اقتباس المشاركة الأصلية كتبت بواسطة °ﻵ يفهمني سوآي° المرأه نكديه بالفطره ياماجد بس تصرفات الي قدامها بيعود عليها يعني الي قدامها ممكن يخليها مش نكديه موضوع جميل

هههههههههه
بيعجبني ف البنات الصراحه
يحني الحين فيه اجماع منكو فيكووو
ان انتو نكد

وزي ماقلتي جوجو
الي ادامها يقدر يخليها نكديه بتصرفاته
وممكن يخليها بردو علي طبيعتها النكديه

ميرسي جوجو
مرورك الجميل
انرتي بافادتك