الحلقه الثالثه من ( ليالى ) مع ( همسات فوق القمر )

[morshooo]

بسم الله الرحمن الرحيم

مزاج الخير

اهلا بيكم

وحلقه جديدة من



فعلا ربنا ادانا نعمه مهمه جدا وهى نعمه

( النسيان ) ولكن .

فى مواقف فى حياتنا اول لما تيجى اى سيره مشابه ليها

لازم نفتكر المواقف دى والليالى دى وبنرجعها بكامل تفاصيلها

وعشان احنا ( مصريين ) لازم ولابد اننا نفتكر المواقف والليالى

الى فيها حزن ^_^ .



ضيفه حلقه النهاردة

المتالقه دائما /

همسات فوق القمر



تعالو نشوف مع بعض

ياترى قالت ايه وافتكرت ايه



1 / ليله تقدرى تقولى عليها ( ليله بيضاء ) ؟

اى ليلة الانسان بيقضها من عمره بيضاء

ان كانت فى طاعة الله فجميع ليالى المسلم الحق راحه

وراحته بيضاء

فأكيد اى ليلة نقضيها فى طاعه قدر الاستطاعه فهى خير اليالى

وهى ما نطلق عليه ليلة بيضاء




2 / ايه الليله الى هتقدرى تقولى عليها ( ليله مرعبه ) ؟

كثيرا والله يا مورشو اليالى المرعبه

وليس الرعب بمفهومه الظاهرى ولكن

رعب داخلى لا يشعر به الا من تملك الخوف منه ووصل مبتغاه

فأصعب ليالى الرعب عندى كانت ليلة الامتحان لليوم الاول

والله من أصعب اليالى ليلة أى اختبار ادخل فيه

سواء مدرسى او بالكليه او حتى فى مجال الحياة

وليلة اخرى الرعب تملك منى عندما ذهبت امى للمستشفى

وقتها تملكنى الرعب وقضيت الليله والبكاء لا ينقطع حتى الفجر

رعب حقا ولكن يرجف القلب له




3 / ايه الليله الى سمعتى فيها ( خبر غير متوقع ) ؟

الاخبار الجميله كلها غير متوقعه

بس من الاخبار التى لم اكن اعمل لها حساب بالمره

عندما علمت بخبر ان بابا عمل تسوية معاشه مبكرا

وده كان بسبب مرضه الشديد ومنعه من ممارسة عمله

لم اتوقعه لانى اعلم ان بابا صعب يأخذ خطوه زى دى الا لان السبب اقوى منه




4 / ايه الليله الى تقدرى تقولى عليها ( ليله سوداء ) ؟

محبش لفظ ليلة سوداء فليالى ربنا كلها حلوه

بس نقول سمعت فيها خبر اسود

وهو الليلة اللى عرفت فيها بخبر وفاة والدى

وربنا يعلم حزنى مش لانه توفى فأنا على يقين بأن لكل انسان عمر مقدر

وان الموت نهايتنا جميعا لكن اكثر ما اوجع قلبى واتعبنى حقا

انه توفى بعيد عن البيت بالمستشفى وسبحان الله

الليله السابقه لوفاته كان عندى ظروف وانا الوحيده اللى مقدرتش ازوره اليوم ده

واليوم التالى علمت بوفاته فجرا نعم فالموت للانسان نهاية بعالم الاحياء

لكن بداية تواصل بعالم الاخره فربنا اعلم انى لم ولن اعترض

لكن قسوة الفراق حقا قاتله وكم تتألم الروح لفراق احبابها

فرحمه الله تعالى وغفر له وسائر المسلمين




5 / ايه الليله الى بتحاولى ترجعلها تانى ومع رجوعها هتتصرفى
تصرف غير الى اتصرفتيه ؟

هههههههه طب ليه الفضايح يا مورشو

بص انا طبيعتى بفكر قبل اى كلمه بقولها وصعب جدا انى اخلى اى انسان

يزعل منى ولو حصل بسعى جاهده انى اصلح ما افسدته بالخطأ

وكان اول إنسان يزعل منى زعل شديد مع الاسف كانت أمى

والسبب كان خطيبى السابق

لانى اتخطبت وانا لسه فى ثانيه ثانوى واحنا ازهر يعنى مافيش هزار

ورغم انى كنت اصلا معترضه على الخطوبه لانى كنت حاسه انى لسه بدرى

بس رغبة امى منعتنى طبعا مرحلة فى عمرى من اسوء المراحل

خطوبه وانا لسه بدرس وكمان كانت كلها مشاكل وقلق فكانت النتيجة

فشل الخطوبه بعد سنه تقريبا طبعا كان ضد رغبة امى وكانت بسبب اصرارى

انها تعبت جدا وانا بصراحه مراعتش جزئية انها ام ومش حابه

انى اكون مخطوبه واسيبه والكلام ده فطبعا لو الايام رجعت

كنت برضو هصمم على ترك الخطوبه بس كنت هراعى امى اكثر

وفعلا من الليالى اللى كل ما بفتكرها احزن انها بكيت ادامى

وانا ولا عندى دم تربست دماغى بشكل مستفز

فلو كنت اتصرفت بحكمه كنت هقنعها بطريقه افضل واستحاله كنت اخليها تبكى




6 / ايه الليله الى نفسك ترجع تانى حتى لو للحظات ؟

ليلة واحده نفسى ترجع ولو ثوانى

يوم ما خرج بابا من المستشفى اول مره بعد اقامه فيها شهر

غايب عننا بنروح نزروه ونطمئن بس فى الاخر بنرجع وهو وحده

الليله دى كانت حلم اشتياق الاب لبيته واشتيقنا احنا البنات

لحنية الاب والام سوا

ولاول مره كنت بلمح فى عيون والدى دمعه فرحة

اولا انه ربنا شفاه وثانيا انه معنا وضاممنا بعد فراق

يااه

سبحان رب العالمين بعدها بمده اتكرر الامر بس دخل المستشفى

وللاسف كانت النهاية

اللحظه دى بتمنى رجوعها ولو مره لان برودة غيابة شعرنا بها

من اول يوم عرفنا خبر وفاته




7 / ايه الليله الى فى حياتك الى حافظه تاريخها لان فيها حدث مش ممكن تنسيه ؟
ايه التاريخ وايه الحدث ؟

هما تاريخين

21 :6 ده كان تاريخ العالم كله تحدث عنه طبعا

يوم ميلادى استحاله انساه اكيد

تاريخ تانى

يوم فض اعتصام رابعه 14 اغسطس

استحاله فى عمرى هنساه والامر هنا مايخصش اخوان

الامر يخص احتراق وقتل ناس مسلمه كان منظر استحاله هنساه

لانى روحت الاعتصام اكتر من مره لحد ما امى منعتنى خوف عليا

صعب تلاقى الناس اللى كنت معاهم والنار من كل اتجاه فى نفس الوقت

اعلام بيكذب والله التاريخ ده حتى لو حاولت انساه

استحاله هنسى بكاء الامهات

او الجثث عند مشرحة زينهم رحمهم الله



8 / ايه الليله الى فى المنتدى الى حسيتى ان محدش مهتم بيكى فيها ؟ ايه الموقف ؟

محدش مهتم بيا ازاى

لو قصدك ردود او تفاعل فالامر هنا بيكون حسب الحاله المزاجيه للاعضاء

يعنى ساعات تلاقى ردود تتجاوز 10 وساعات 2 ومش اكتر

فانا دائما بحسن الظن والامر ده مش بيزعلنى

انما اللى بيزعل وحقيقى خلانى اطلب من ساحر الاحزان ترك الاشراف

لما حسيت ان الاشراف ده عملى مشاكل مع اعضاء انا بحترمهم

يعنى ان يساء الظن بيك امر محزن وفعلا كنت مقرره اسيب المنتدى

كله لاكثر من مره والسبب سوء ظن الاعضاء



9 / ايه الليله الى حسيتى انك خلاص بتطلبى الموت فيها وكان بسبب ايه ؟

كتير والله يا مورشو بتمنى فعلا اموت

يمكن لما بييأس

او بالاخص علشان الوضوح لما عمى قرر انى لازم اتخطب لحد من العيله

وده كان بعد وفاة والدى بحجة المسئوليه وماما دائما تعبانه ربنا يشفيها

فالحمل عليا كبير شئ جميل انك تلاقى حد شيل عنك المسئوليه

بس انك تؤمر وتجبر على تنفيذ امر ضد رغبتك دى قمة اليأس

وقتها فعلا تمنيت اموت يمكن ارتاح من كل شئ حزن زهق الم

بس الحمد الله الامر اتحل بفضل الله




10 / اخيرا ايه الليله الى نفسك تجيلك فى المستقبل ؟

مش عارفه والله الامانى كتيره يا مورشو

وتحقيقها صعب حتى لو كانت رغبتك قويه فيها

بس بتمنى ليلة اشوف فيها امى واخواتى متجمعين سوا

بس تكون ماما ربنا شفاها من المها يارب بتمنى بس اشوفها فى ليله

مش بتتألم ولا اسمع صوتها بيئن بالليل

بالنهاية شكرا يا مورشوا على الاستضافه لو انك قلبت المواجع عليا

بس يكفى وجودى بينكم



طبعا بتمنى لوالدتك الشفاء العاجل

ان شاء الله

واتمنالك التوفيق

فى حياتك

دى كانت حلقه النهاردة

انتظرونى وضيف جديد

واسرار وليالى جديده

فقط فى برنامجكم

[آآهآت]

حوار لزيز متألق دائماَ
بحضورك المميز
وضيفة رائعة
متميزة بحضورها الهادء
تحيآتي

[العاشق الذى لم يتب]

وحلقة راقية بضيفة راقية
وبرنامج راقى
راق لى كث3يرا مواجدته
وماعزفته الفاضلة بسنت
أسعدك الله
وشفى والدتك
ولاحرمناتواجدك
تحياتى لكما

[حافظة القرآن]

حلقة جميلة
مع ضيفة اجمل

ربنا يشفى والدتك
ويرحم والدك
آمين يارب

[احساسى صحيح]

حلقه جميله ومؤثره اوى
حسيت الصدق والدفء العائلى الجميل فى كلامك همسات
ربنا يشفى ماما يا رب ويرحم والدك ويجعل مثواه الجنه اللهم امين

شكرا ابو محمود
وعودا حميدا

[همس الحنين]

شكرا مورشو على الحلقه

واسئلتك

والبرنامج كله ممتاز

الف شكر على الاستضافه

يدوم تميزك مورشو

[همس الحنين]

اقتباس المشاركة الأصلية كتبت بواسطة آآهآت حوار لزيز متألق دائماَ بحضورك المميز وضيفة رائعة متميزة بحضورها الهادء تحيآتي

تسلم اهات

اسعدنى وجودك

ومرورك القيم والراقى

تسلم يارب

[همس الحنين]

اقتباس المشاركة الأصلية كتبت بواسطة العاشق الذى لم يتب وحلقة راقية بضيفة راقية وبرنامج راقى راق لى كث3يرا مواجدته وماعزفته الفاضلة بسنت أسعدك الله وشفى والدتك ولاحرمناتواجدك تحياتى لكما

تسلم يا أ.رفعت

ووربنا يتقبل منك

اسعدنى مرورك القيم

[همس الحنين]

اقتباس المشاركة الأصلية كتبت بواسطة حافظة القرآن حلقة جميلة مع ضيفة اجمل ربنا يشفى والدتك ويرحم والدك آمين يارب

امين يارب

مرورك اسعدنى كتير حبيبتى

تسلمى يارب

[همس الحنين]

اقتباس المشاركة الأصلية كتبت بواسطة احساسى صحيح حلقه جميله ومؤثره اوى حسيت الصدق والدفء العائلى الجميل فى كلامك همسات ربنا يشفى ماما يا رب ويرحم والدك ويجعل مثواه الجنه اللهم امين شكرا ابو محمود وعودا حميدا

امين يارب

تسلم ياسر على وجودك القيم

وكلماتك الغاليه

احترامى لك