إنتـــــــي حياتـــــــــي

[شاعر الحب الحزين]

إنتي الورد بعطره وبأجمل ألوانه

بيت الحب قلبك وعيونك سكانه

في قلبك نبع من الوفا

قلبي بيستمد منه الدفا

في الجهر بشتقلك وف الخفا

من عطفك من ودك قلبي بيكتسب حنانه

إنتي الورد اللي صعب حد يقطفه

إنتي قمر الكل شايفه بعينه ومستلطفه

قمر منور عليا غير القمر اللي بنعرفه

قمر تاني بشكل تاني محدش غيري يعرف مكانه

عمرك ما اتغيرتي عليا في يوم

زي ما إنتي متعرفيش عتاب ولوم

من حقه قلبي يشتاقلك وعنيا تنسى النوم

إنتي الي يعرفك تضحكله الدنيا ويعيش سلطان زمانه

عمري ما نسيتك هو أنا اقدر أنسى

أنا انسى اللي يجرح قلبي ويقسى

بس إنتي طيبة قلبك ملهاش مرسى

عمرك ما جرحتيني رغم البعاد والهجر اللي كانوا

عايزك تعرفي إني مليش غنى عنك

وعارف إنك عمرك ما خاب فيا ظنك

إنتي حدود مدينة حبي وصعب انسحب منك

وأنا انسان داق الحزن من غيرك ووجودك بيقويه على أحزانه



شـــــــــــــــــــــــــــــــــــــــ . حــــــــــــــــــــــــــــــــــــــــــــ

[حنان الجزائرية]

ياسلام ياسلام على روعة قلمك

ماكنت بعرف انوا ......ساكن في مملكة ...... طلع يكتب اهو ههههههههههههههه

بجد تحفة

تسلم

[حـيـــــآة ❤]

ههههههه إنتي بتشرشحيلوا هنا كوماآن أحنون
الله يعين

أكيد كلماتك روعه كالعاده أ.خالد
سلمت يمناك ي أستاذنا

شوف بئا الي فوقي دي
تقبل مرورئ ~

[شاعر الحب الحزين]

اقتباس المشاركة الأصلية كتبت بواسطة حنان الجزائرية ياسلام ياسلام على روعة قلمك ماكنت بعرف انوا ......ساكن في مملكة ...... طلع يكتب اهو ههههههههههههههه بجد تحفة تسلم

منورة يا حنان منورة يا



إنتي ضيفة هنا منقدرش نقول حاجة

نورتي يا حنان

[شاعر الحب الحزين]

اقتباس المشاركة الأصلية كتبت بواسطة °ﻵ يفهمني سوآي° ههههههه إنتي بتشرشحيلوا هنا كوماآن أحنون الله يعين أكيد كلماتك روعه كالعاده أ.خالد سلمت يمناك ي أستاذنا شوف بئا الي فوقي دي تقبل مرورئ ~

معلش يا هاجر آجي على نفسي واستحملها

دي مهما كان ضيفة عندي ف القسم

نورتيني يا هاجر بوجودك

أستاذ ايه ما خلاص حنان خلتنا

نورتي يا هاجر تسلمي

[مُنـــــايا]

أخي \ خالــــد



جميل تناغم الايقاع الداخلي والخارحي للخاطرة
يزيدها جمالاً وصدى عطر أنيق
كل الشكر لسحر كلماتك وفيض إبداعك
كن دائما ً بخير
لروحك السعاده

[شاعر الحب الحزين]

اقتباس المشاركة الأصلية كتبت بواسطة مُنـــــايا أخي \ خالــــد جميل تناغم الايقاع الداخلي والخارحي للخاطرة يزيدها جمالاً وصدى عطر أنيق كل الشكر لسحر كلماتك وفيض إبداعك كن دائما ً بخير لروحك السعاده

الأجمل هو تواجدك المنير

أختى الفاضلة منايا

لتواجدك نكهة خاصة تضفي قيمة كبيرة للكلمات

وحضورك يحمل أسمى معاني الصدق والإحساس

فهنيئا لي هذا التواجد الكبير بين سطوري القليلة

احترامي وتقديري

[SaMa.]

يسلام عليك الكلام حلو اوى النهاردة

[شاعر الحب الحزين]

اقتباس المشاركة الأصلية كتبت بواسطة sama. يسلام عليك الكلام حلو اوى النهاردة

الأحلى مرورك وكلامك الجميل يا سما

تسلمي انك دايما بتسعديني بوجودك الجميل

احترامي وتقديري

[phalsteen]

طب ما انت بتكتب رومانسي حلو اوي اهو
امال ليه قلبها نكد ع طول
ولا اروع خالد
تحياتي