قسم لبيس وباتشات كره القدم

[Îäm-ñøt ßèst ßût Âm-dîffèrèñt]

بسم الله الرحمن الرحيم


انا عندي اقتراح انشاء قسم جديد



مخصص لبيس وجميع ما يخص العاب البلاستشين علي الكمبيوتر


مستني الرد من الاداره

[ساحر الأحزان]

مش فهمت قصدك كويس


ممكن توضح اكتر على شان نفهم كويس

[Îäm-ñøt ßèst ßût Âm-dîffèrèñt]

يعني هيكون قسم متخصص للعبه الكوره علي الكمبيوتر

يعني كل حاجه ليها من تحميل


والباتشات دي يعني الاستايل بتاع اللعبه هيكون موجود هنا برضو في قسم التحميل


كل حاجه متعلقه بالعبه هتبقا فيها

[ساحر الأحزان]

طيب مهو موجود عندنا القسم دة

قسم تحميل الالعاب

فى قسم البرامج

[Îäm-ñøt ßèst ßût Âm-dîffèrèñt]

لا مش زيه خالص ده قسم مخصصص لبيس


وكل مستزماته


من وجه لاعبين سراعات


استايل اللعبه


الشعارت كل حاجه يعني وكمان لعبه الاون لاين

[phalsteen]

طب
واللي مش بيعرف يلعبها
مش تعلمها للاعضاء الاول
عشان نلاقي رواد للقسم
انا ضد الفكرة دي
عشان مش هيبقي ذل في البيت وهنا
انا عاوزة اتعلم ^_^

اجمالا الفكرة حلوة
بس صعب تنفيذها
انا بقول نعمل قسم فرعي في قسم الالعاب
وبكدة تبقي سهله
لو مش مشيت الفكرة نلغي القسم

[عاشق متيم]

اولا لازم تعرف طبيعه المكان اللى انت فيه ؛ واهتمامات الاعضاء
المنتدى هنا اغلبه بنات ومش لهم فى الكوره خالص فأعتقد ان القسم
مش هينجح وهيبقى قسم زى باقى الاقسام اللى محدش بيدخلها خالص
لان فى منتديات بتبقى متخصصه فى كده وعندهم ناس على درجه عاليه
من الاحترافيه ؛ يعنى عندك مثلا قسم الستالايت محدش بيدخله خالص
لكن فى منتدى تانى كل الاقسام اللى فيه خاصه بالستالايت
فأنت عارف لو سألت على اى حاجة هتلاقى جواب فى الحال
كذلك البيس والفيفا عندك بدل المنتدى عشره وفيه ناس احترافيه
زى ده مثلا وشوف عدد الاقسم مش قسم واحد






فالمنتدى تم انشائه علشان اللعبه دى ؛ زيه زى منتديات الستالايت
ولو انت عاوز برنامج هتدخل قسم البرامج فى المنتدى والا هتروح اى موقع من مواقع تحميل
البرامج ؛ انا هروح موقع من مواقع تحميل البرامج ...
وشوف رأى امجد
وبالتوفيق

[აα∂ Ԑγεა]

انا شايف القسم ملهوش اي مكان هنا ولا يمكن ينجح
اذا كان قسم كرة القدم نفسه مش ناجح :d

المنتدي هنا له طبيعه مختلفة عن باقي المنتديات للاسف
فانا مع رأي عاشق متيم

بالنسبالي انا فانا مدمن الالعاب دي بالاخص لعبة فيفا وبلعبها من سنين
وبسببها اصلا عرفت المنتديات والانترنت :d
لكن لو حابب اجيب باتش بتلاقيني لازق في مودينغ واي ولا سوكر غايمينغ
مش بستني منتديات عربية تنزل من الاساس بروح للاصل والمصدر
ونفس الوضع اكيد اغلب الناس المهتمة بالحاجة دي
او ع الاقل هتلاقيهم عايشين في البرو العربي ولا كونامي ولا الدي في دي
حتي مازيكا وماي ايجي وعرب سيد بينزلوا الباتشات الكبيرة عندهم :d

خلاص النوعيه دي اتعرف امكانها واثتبت خلاص ومفيش جديد عنده القدرة انه يطلع وسطهم