اتصال تليفوني لـــــ دمعه حائرة

[phalsteen]

مساء الخير احيانا كتير الواحد بيمر بحاجات مبيفهمهاش زي ليه وايه السبب في التعلق الجنوني بالمنتدي رغم الكآبه اللي بيكون سكاناه اغلب الاحوال آه بتختلف مع بعض وآه سياستنا مش واحده واسلوبنا وعاداتنا مختلفه بس عمرنا ما هننسي الذكري الحلوة اللي مرينا بيها ولا اللمه الحلوة والكلمه الطيبة المواقف اللي كانت الكلمه والسؤال لو غبت يوم ولاقيت سؤال بمجرد كلمتين انت فين وحشتني غيابك طال بتفرح اوي ان وجودك مؤثر وغيابك بيتلاحظ دمعه حائرة انسانه محبوبه من الجميع اسلوبها مميز وطريقتها مليانه بساطه وحب كانت قريبه من الكل وبتهتم بكل تفاصيل الاعضاء زعلهم غيابهم حتي خلافاتهم غيابهم اثر فينا جميعا وانا عن نفسي وحشاني اوي وجودها وبراءتها حتي عصبيتها البريئه اللي مبتغيرهاش بالعكس بتزدها جمال انا قررت اسبلكوا الفرصه تقولوا لدمعه اللي نفسكوا فيه من خلال مكالمه تليفون هيا بتحب قسم الفضفضه وقريب ليها ياتري منه لما تيجي هتلاقي كام عضو اتصل بيها هنا وسابلها مسج وقال ليها ايه انا هقولها بس وحشني وجودك والمكان ناقص كتير من غيرك

[حـيـــــآة ❤]

فكره جميله أم حمني
تسلمي

المنتدى ناقص حاجات كتير من غيرها
ومع اني بقالي فتره قصيره هنا إﻵ ان أسلوبها شدني فعﻵ
وياريت ترجع بسرعه بئا وبالسﻵمه ..

[حنان الجزائرية]

منه وحشتيني كتير وغيابك دى زعلنى كتير
ارجعينا في اقرب فرصة
بحبك اوي

[حَرفُُ هجآءّ]

جميل جميل جميل بجد
فكره التوبيك رووعه
واكيد منه وحشتنى انا كمان
بتمنى رجوعها بسرعه
لان ده مكانها بيننا فى المنتدى
وهى انسانه خلوقة ومحترمه وعاقلة

ربنا يطمنا عليها ديما
وترجع من تانى


تسلمى سما على الموضوع
تستحقى 5 ستارز + وتقييم

[مُنـــــايا]

بصراحه موضوع جميل جدا بكل معني الكلمه

منه انسانه خلوقه لأبعد حد

والمنتدي ناقصه كتير من غيرها بجد محتاجين وجودها معانا

لاننا افتقدنا معاها حاجات كتير


اتمني انها ترجع بالسلامه تنور مكانها تاني

ويارب ييسر لها الحال في حياتها

تسلمي سما للفتتك الجميله

مثل روحك

[احساسى صحيح]

منه انسانه بمعنى الكلمه
كتير اختلفت معاها وانتقدتها
بس احيانا الواحد بيحب يعاتب الناس اللى بيحترمهم ويقدرهم
علشان من جواه نفسه يشوفهم فى ابهى صوره
اكييد اكييد حبنا لها ليس فيه نقاش او جدال
اد ايه مفتقدينها فعلا واولكم انا
حتى وانا كنت زعلان منها
بس حقيقه لما كنت بسجل دخول والاقى اسمها
كانت نفسيتى بترتاح اوى
وكأن المكان ده ارتبط وجدانياََ بوجودها
ومنذ غيابها وكأن الروح ماتت فى المنتدى
لأن بعد غيابها حسيت فعلا بمدى الفراغ اللى تركته فى نفوس الجميع
بتمنى من كل قلبي ترجع تانى
واوعدها انى مش هزعلها مني تانى ابداََ

توبيك اتى بوقته سما
تسلمى على روحك وطيبة قلبك
تقيمى ونجومى

[موري كول]

منه وحشاني والله ولسه كنت بفكر فيها امبارح
ولقيتها بقت اداريه سابقه استغربت معرفش ايه السبب لاني كنت غايبه فتره عن المنتدي
ياريت ترجع تاني وتنور المواضيع بردودها المشجعه والجميله

[مروة مغربية]

شكرا جزيلا رائع جدا

[۩۩ elMagic ۩۩]

دمعه
من الشخصيات الراقيه وصاحبة حضور مميز
اكيد غيابها سلبي ولكن بنتمنالها التوفيق دايما
وتكون بأفضل حال واول ما الظروف تسمحلها ترجع
ترجع وتنور منتداها ..
تسلمي سما لمبادرتك ,,

[Silver Flower]

موضوع حلوا كتير
منه يمكن من الأشخاص المحبوبين هون وأكيد ابتعادها بيآثر فينا انا بصراحه بزعل عليها زي ما زعلت على ناس كتير هون حبيتهم وحبيت وجودهم رغم معرفتي الخاصه بيهم قليله بس
انك تعرف حد محترم جداً وقريب منك او بتفرح لوجوده معك دايما اكيد شي بيحزن وبيقهر
ورغم مر الأيام ورغم الحياه العمليه الي بنعيشها وابتعادنا عنهم
بيظلوا في ذاكرتنا وفي بالنا وما بننساهم
اكيد عمري ما راح أنساها لا هي ولا الي قبلها