بريــــــد الفضفضه ( برنامج جديد )

[حَرفُُ هجآءّ]

بريد الفضفضة كتير من الاشخاص يفتقد من يفتح له قلبه بكل ما يشغل باله .. ويؤلمه .. ويعكر صفو حياته ويقول لنفسه ليه اشارك حد تانى بتعبى وحزنى أو حتى بزعلى وغضبى وهمى مش ممكن يكون شخص غير أمين يحكى باسرارى للغير ؟ مش ممكن احرج نفسى وافضحها ادام الناس ؟ مش ممكن افقد احترام الناس ليا ؟ لا مش هتكلم واكيد مع الوقت هنسى أو ممكن ابطل افكر أو خلينى عايش فى الحياة مغييب أو ممكن انهك نفسى فى العمل أو أو أو ............. وكتير وكتير من الاسئلة اللى بتدور فى رأسك واجابتها العقيمة بس عايزة اقولك حاجة حل المشكلات يبدء من الفضفضة هتقولى يعنى هى الفضفضة هتغير الواقع ؟ هقولك ممكن الفضفضة متغيرش الواقع ولا هتغير من نشكو منهم بس هتغيرنا احنا وهتغير واقعنا الداخلى وادام وصلنا اننا هنتغير اكيد هنغير الواقع عارفة أن الفضفضة ممكن تكون صعبة خصوصا لو الكلام متعلق بألم أو اساءة أو فقدان غالى أو خزى فى الدنيا بس الكلام مع ناس أنت عارفهم وعارف تقديرهم لقيمة الانسان وبتقدر احساسه ومشاعره هيخليك اكتر وعى وادراك وسيطرة على الافكار العقيمة اللى جواك وفكرة برنامج بريد الفضفضة أنت بنفسك حافظ كرامتك وحافظ لسرية شخصيتك زى الغير مسجل كده بس بريد الفضفضه خاص بالبرنامج فقط بس هنا فى البرنامج هنخصص لك من المخضرمين فى الحياة لحل مشكلتك أو معاونتهم لك على تقبل أمراً ما فى الحياة هيكون فى 3 حلول لمشكلتك من 3 اشخاص معانا على قدر كبير جدا من الوعى بالحياة ومشاكلها عضو هيكون مرافق للبرنامج وعضو تختاره أنت للرد على مشكلتك وعضو ضيف للبرنامج متغيير كل حلقة ده غير أراء الاعضاء اللى هتناقش مشكلتك وتناقش أراء الـــ 3 اعضاء هتقولى وده هعملة أزاى ؟ هقولك فى حساب خاص بالبرنامج اسمة ( بريد الفضفضه ) والباص ورد بتاعه 123456789 منتديات بنات مصر - الملف الشخصي: بريد الفضفضه هتدخل بحساب بريد الفضفضة وتبعت مشكلتك رسالة خاصة ليا أنا وأنا هعرضها على الــ 3 اعضاء وتنزل حلقة ولو حبيت توضح حاجة تانية بعد نزول الحلقة ارجع تانى وابعت رسالة خاصة بالتوضيح لعرضه مره تانية لكن فى حاجة مهمه وهى أن تكون المشكلة شخصية وغير خادشة للحياء وبعيدة تماما عن السياسة وبعيدة عن التلقيح على الاعضاء تنبيه: فكرة برنامج بريد الفضفضه لا تتعارض مع غير المسجل لان البرنامج يخصص اشخاص لحل ومناقشة المشكلة وصاحب المشكلة له حق الاختيار من يثق بأرائة اتمنى الفكرة تعجبكم واتمنى التفاعل معها واول حلقة من البرنامج هتكون مع اول بريد يوصل للبرنامج

[phalsteen]

الفكرة جميله اوي يا اسيل
واتمني تلاقي قبول وتفاعل من الاعضاء
وهيا فعلا تختلف عن الغير المسجل
ويمكن انا شيفاها مكمله ليه
وليها جوانب مميزة عنه
الفكرة مثبته بئه
واحلي تقييم لام لولو

[A-rab3awya]

فكره برنامجك رااااائعه بجد،،،

بجد فكرة جديدة و عجبتنى،،

حبيبتى تسلملنا افكارك الروعه ديه

انتى اصلا روعه،،،

منتظرين بقى اول بريد..^_^

[Ṕřǿḟ_ṦęήίŏŘ]

فكــــــــرة روعه آسيـــل
بجد تسلم ايدكـ على المجهود
وشايف انها مناسبه لحل مشكلات اى حد
حابب ياخد اراء موثوق فيها بدون ما يتعارض مع خصوصيته مثلا

[Stop Ana Eltop]

فكره جمييله جداا يا سيلو

انا عاوزه اشترك هههههههههههههههههه

تسلمى ع الافكار الجميله دى بقن

فى انتظار البدايه

بالتوفييق

[حـيـــــآة ❤]

فكره جميله أوي يا أسيل
يارب الكل يتفاعل معاها
تسلمي ع اﻷفكار بئا

[مُنـــــايا]

ا فكره رائعه بجد سلمت أفكارك

وربنا يستر من افكارك لما نشوف هتودينا لحد فين

بجد سلم فكرك حبيبتي

مودتي

[ساحر الأحزان]

حلو التعاون برضة

ولو شمل اكتر من قسم

حيكون كويس


موفقين

[كريم عاصم]

فكرة جميلة أخت أسيل ربنا يوفقكـ الف تحية

[ايمان طلعت]

فكرة رائعه جدا اسيل
وهتخلى الناس تفضفض بدون خوف او خجل
وكمان فيه حلول
بالتوفيق ان شاء الله للبرنامج
وفى انتظار اول رسايل بريد الفضفضه