لـــــحظات خاصه لاعضاء بنات مصر

[phalsteen]

مساء الورد علي احلي اعضاء واحلي قسم انتوا متابعين انا كل فترة بحب اعمل حوار جماعي للاعضاء واخليهم يفضفضولي حبايب قلبي هما بئه الانسان فينا ايه غير كام لحظه فيهم الحلو وفيهم الصعب فيها اللي بتنسي وفيهم اللي بيفضل عايش جوانا وليه ذكري انا سألت عن اللحظه اللي جوا اعضائنا متنستش عشان صعب انهم ينسوها تــــــــــــعالوا نشوف : big bốss مشرف قسم النقاش لحظة رحيل روح نور و تسليم كل ذاتى لروح اخر قد سكنتنى و تملكتنى لحظه لن أنساها رغم مشقة المفارقه و عذاب الاحلال و سقوط رايت التسليم لحبآ قد تملكنى الآ اننى سعيد فى النهايه Safira من مبدعى المنتدى لحظه حزن وندم بسبب ناس غلطت لما اديتهم فرصه تانيه في حياتي حنان الجزائرية عضو سوبر مره وانا قعدى هون في المنتدى اتصلت بي العضوه سنابل مجروحة وقالتلي نتائج شهادة البكالوريا ظهرت دلوقتي شو عملتي فيها ووقتها خفت كتير من اني اخسراو اجيب معدل مو منيح المهم روحت بسرعة على الموقع تبع النتائج وكتبت رقم تسجيلي ولما ظهرت اسمي كان مرفق بنجاح مبروك ومعدل 15.20 ووقتها حسيت اني طايره في السماء من كثرة الفرح وعمري ماراح انسى اللحظة دي محمود أبوزيد من مبدعى المنتدى اللحظة التي حتي الان لم تمحي من ذاكرتي هيا لحظة تقدمت فيها بمسابقة في جامعتي بالشعر الغنائي والنسري والعامي وقدمت عدة اعمال لي وقبل ظهور النتيجة كنت برحلة لمكتبة الاسكندرية وقدمت عدة اعمال لي في كتاب وغابت نتيجة المسابقة واختفي اثر الكتاب وعند اتصالي بمكتبة الاسكندرية اخبروني بانه سيقدم ضمن عدة اعمال للجنة التحكيم وبعدها بفترة ظهرت نتيجة مسابقة الجامعة وطبعا اتصدمت بغياب اسمي وطبعا رحت للمدير قالي مش زمبي مش انا لجنة التحكيم فبصراحة كنت فقمة الغضب وبعد وصولي البيت بعد اتصال من امي بان هناك شخصا اتي بسيارة وترك لي جواب طبعا امي كانت فقمة القلق لاننا زي ما بيقولوا فحالنا والجواب ده حاجه كبيرة خصوصا ان حد يجي مخصوص ويسال اهل القرية عليا جريت طبعا مسكت الجواب من امي وفتحته وهيا واقفه جمبي وكانت المفاجأه بصراحة مصدقتش وقتها رحت اخدت الشهادة ورحت للمدير تاني يوم وقلتله لجنة التحكيم بتاعتك مش هتفهم احسن من دول وسيبتله نسخة من الشهادة ومشيت بجد وقتها حسيت اني اخدت حقي وربنا بيعوضني .. ايمان طلعت مشرفة قسم السويتش ماكس اللحظات التى لا تنسى كتيرة اوى وبتفضل فى ذاكرة الانسان مدى الحياه افتكرت انا دلوقتى لما قريت سؤالك يوم وفاه ابى الله يرحمه كان عندى 9 سنوات بس فاكرة كل حاجه عمرها ما اتمسحت من ذاكرتى الله يرحمه ويرحم جميع امواتنا يارب حاجه كمان كل ما افتركها افضل اضحك ايام الدراسه كنت متوفقه جدا فى الرياضيات كان المدرس بيتحدانى فيها يكتبلى مسائل ويقولى حليها واديكى جنيه كنت احلها ويكتب واحل لحد ما وصل لعشرة جنيه قالى خلاص كفايه و ادانى العشرة جنيه ياااااه اسما ايام بقى كانت جميله فعلا العاشق الذى لم يتب مشرف الخزعبلات لحظات كتيرة محفورة بالذاكرة لايمكن تمحى أو تنسى مهما مرالعمرمن سنين ولكنى لدآ لحظة هى التى فى مقدمة مخيلتى وذاكرتى ودائما تطاردنى وكأنها عدوغاشم هكذا أراها وتارة أراها وكأنها الحظ الباسم ألا وهى لحظة توديعى لحبيبتى لطيفة والتى لم ولن أجد مث4لها فى نساءالعالمين فى جمال خلقتها وجمال اخلاقها لحظة وداعى لها وأن أقول لها سوف اعود إليك وإلى مكة المكرمة فقط ايام قليلة وهى تنظرنى ودموعها تحكى عمابداخلها ولم يشأ الله لى لقاؤها مرة أخرى ومرت سنين وتلك اللحظة تطارنى فى نومى ويقظتى همسات فوق القمر مشرفة قسم قلم الاعضاء كثيره هى اللحظات التى لا تنسى ومهما مر العمر فلن تمحى من الذكرى اول ذكرى كانت يوم حصوولى على الثانويه الازهريه انا كنت علم علوم وقتها مجموعى كان 80 فى الميه وكنت اول فرحه لاهلى لانى الكبيره ورغم ان المجموع مكنتش سعيده به بس كان الكل مبسوط جدا ويومها والدى كان ناذر ذبح وحصل فكانت فرحه كبيره جدا وذكراها مستحيل انساه شاعر الحب الحزين مشرف ألأبـداعـات الأدبيـة والعـامية يعني اللحظات الخاصة كتيرة جدا ف حياتنا سواء الحزينة أو السعيدة منها بس صراحة مش فاكر حاجة أو لحظة محددة عشان اوصفها تقدري تعتبري بداياتي ف المنتدى كانت اجمل لحظاتي لما انسان يجتمع بناس أول مرة يعرفهم ويعرفوه ويلاقي تقدير واحترام اكيد بتبقى لحظات ما تتنسيش اخيرا بئه / عارفين انا بئه ايه اجمل لحظه عندي لما ببص في عيني ابني لما اصحي من نومي علي صوته ولما يسكت عشان جيت ويعيط عشان عاوزاني لما بحس يعني ايه انا ام وللحظات الصعبه من كترها قررت اتجاهلها وحتي مفكرش فيها هفكر بس في الاجمل اللي ربنا بعتهولي اشوفكم ع خير حبايبي مع لقاء جديد في رعاية المولي

[حنان الجزائرية]

تعرفي ياسما كلامك عمل لخبطة عندي ههه وتاثرت بيه اوي

نفسي اصير ام حنونه زيك كدى

[phalsteen]

اقتباس المشاركة الأصلية كتبت بواسطة حنان الجزائرية تعرفي ياسما كلامك عمل لخبطة عندي ههه وتاثرت بيه اوي نفسي اصير ام حنونه زيك كدى

ههههههههه
وهو في ام قاسية
ربنا يحميكي ونفرح بيكي قريب
ويبعتلك امورة صغنونه
اجوزها لحمني
وتحيا الوحدة العربية المصرية الجزائريه
ويا خوفي سارة تعرف تدبحني
انا خطبت بنتها ودي فلسطنيه
يعني قلب العرب
نورتي غاليتي

[A-rab3awya]

اعضاء كلهم مميزين وشاركونا لحظتهم،،،

بجد فضفضه جميله،،عجبتنى اوى

تسلمى حبيبتى ع مجهودك وع جديدك الرائع دة

[Stop Ana Eltop]

لحظات جميله اووى يا سما منها السعيد ومنها الحزين
لحظة الاستاذ محمود فرحتنى اوووى

تسلمى لمجهودك بقن
بالتوفيق

[phalsteen]

اقتباس المشاركة الأصلية كتبت بواسطة a-rab3awya اعضاء كلهم مميزين وشاركونا لحظتهم،،، بجد فضفضه جميله،،عجبتنى اوى تسلمى حبيبتى ع مجهودك وع جديدك الرائع دة

تسلمي الاآء
نورتي حببتي

[phalsteen]

اقتباس المشاركة الأصلية كتبت بواسطة stop ana eltop لحظات جميله اووى يا سما منها السعيد ومنها الحزين لحظة الاستاذ محمود فرحتنى اوووى تسلمى لمجهودك بقن بالتوفيق

تسلميلي حببتي
نورتي بئه

[سيناا]

الله يجعل كل ذكرياتكم ولحظاتكم حلوووة وسعيدة ي آصدقاء


ام محمد آبليتي ويخليلك محمد يارب


دمتي بود

[phalsteen]

اقتباس المشاركة الأصلية كتبت بواسطة سيناا الله يجعل كل ذكرياتكم ولحظاتكم حلوووة وسعيدة ي آصدقاء ام محمد آبليتي ويخليلك محمد يارب دمتي بود

سامر فينك يبني
مش باين من زمن
نورت سامر
تسلم يارب

[♥SaRa]

لحظآت جميلة من الاعضاء بعضها لحظات فرحة
واآلاخري لحظات حزن وندم ولكنها فـ النهاية لحظات
وتمر هذهـ اللحظات ولكنها تبقي ذكري خآلدهـ حاضررهـ
فـ اذهاننا ..جميل روحكـ الطيبة سما ..تسلمي ي قمرهـ.