♥بنات أخر زمن♥

[محمود أبوزيد]

♥بنات اخر زمن ♥ السلام عليكم اخوتي الافاضل بصراحة النهارده حصل معايا موقف في قمة الغرابة فقلت اخد رأيكم فيه انا ساكن فبلد جمب بحر وفيها مصيف لكن مش بنزله خالص الا بقي مره او مرتين كل سنه لاني مبحبش الخروج بدون فائدة ومهتم بشغلي وبدراستي مبخدش اجازة جالي اتصال النهارده علي أذان العشاء رديت أتفاجأت ان واحد صاحبي كان معايا فالجامعه كان مسافر السعودية موجود فبلدي فالمصيف وعاوز يشوفني طبعا لبست وخرجت فقلتله هستناك عند كافتيريا وحددتله اسمها علشان نقعد مع بعض شوية فجأه قاعد مستنيه المصيف فيه ناس كتير جدا عدي عليا 3بنات طبعا لبسهم اوفر شويه لكن انا من النوع الديمقراطي كل واحد حر في نفسه لقيتهم رجعوا تاني وقعدوا بعيد عني بحوالي متر تقريبا راحت واحده معليه صوتها وبتقولهم يعني هنلاقيها دلوقتي ازاي مضيعين رصيدكم عالتشات .. وبعدين بقي فبصتلي وانا مش مركز معاهم اصلا قالتلي ممكن لو سمحت دقيقة من تليفونك اتصل بأختي علشان تعرف توصلنا قلتلها حاضر اتفضلي وقفت اودامي وكتبت الرقم وهيا بترن سألتني هو حضرتك من هنا قلتلها اه .. ولما ردت اختها قالتلي ممكن بعد اذنك توصفلها المكان كلمت اختها ووصفتلها تيجي المكان ازاي .. قالتلي شكرا وعطتني التليفون وقالتلي فرصة سعيدة لحد كده تمام جات اختها وبعدها بدقايق وصل صاحبي وقعدنا سوا رن عليا رقم غريب رديت .. ألو مين معايا قالتلي انا الي اخدت منك التليفون من شويه اتصل بختي .. قلتلها اهلا اوؤمريني حضرتك .. قالتلي كنت بس حابه اشكرك انت انسان لطيف جدا وعالعموم اسمي "شيري"سجل رقمي عندك وهبقي اكلمك بعدين .. لسه رايح ارد قفلت الخط .. انا حاليا حطيتها في القائمة السوداء .. مبدأيا مش غرور فنفسي او بتظاهر او بتجمل بالعكس انا حزين جدا جدا جدا من الي حصل هل البنات وصلت لكده ... "بتمني اخواتي البنات فالمنتدي ميزعلوش و يعزروني طبعا مش كله زي بعضه"

[phalsteen]

انا مش مستغربة الموقف ولا حتي زعلانه من كلامك
اصله بئه ببتكرر كتير
خلاص الحياء بئه موضه قديمه
شوفت مواقف مشابهه كتير لجوزي ولاخويا
وكنت بضحك وانا جوايا في قمه الحزن
معقول خلاص البنات اللي بقت بتعاكس
وفي ناس بالاخلاق دي

بس في الاول والاخر هتلاقيهم عينات مريضه
يعني منقدرش نعمم
وتصرفك راقي وسليم
ربنا يهدينا جميعا
ويوفقك في شغلك ودراستك اخي
تحياتي

ومنور القسم اخي

[Silver Flower]

ليش تزعل البنات ما انتا قلت الحق
صرنا في زمن تشوف وتسمع منه العجائب
بتعرف شو هو السبب الأهل
اليوم الام هي الي بتخلي بنتها تعمل هيك
هي الي بتحرضها على هادا العمل ظن منها انه راح تصيد عريس
اه خلينا واقعين هادا هو حالنا اليوم
بتفكر الام انه اذا بنتها وقعت شاب في حبها انه راح يتجوزها
وما بتعرف انه رغم قله الدين والأخلاق بس الدم الحر ليسا موجود في شبابنا
وانه الي بتجرد من دينها وأخلاقها وحيائها عمر ربنا ما راح يسترها
الانه ما بني على غلط فهو غلط
وياريت الأهل يراعوا ربنا في أولادهم
شكرًا لطرحك القيم

[ساحر الأحزان]

دى عينة

ويبقى ظلم انها تعمم على الجميع

زى ما فية شباب كدة برضة بيحب يعاكس


فية برضة بنات


بسى كويس ان نسبتهم مش عالية

وربنا يهدى

[ابوالبنات]

الاحسن االحذف النهائي
ولا نحكم على الانسانة يمكن قصدها شريف
تتجاوب معها بحالة واحدة فقط
اذا معجب بالبنت وتعتقد ممكن التوافق بما يرضي الله
فنصيحتي ومن مبدأ حسن الظن تواصل معها واذا وجدت لاقدر الله هدفها غير نبيل انصحها واقطع الاتصال واستر عليها ومهما يكن من تطورات اقطع صلتك بها والله يستر على اناثي المسلمين
طلبت الرأي وهذا رأيي والله اعلم

[محمود أبوزيد]

اقتباس المشاركة الأصلية كتبت بواسطة nefertiti انا مش مستغربة الموقف ولا حتي زعلانه من كلامك اصله بئه ببتكرر كتير خلاص الحياء بئه موضه قديمه شوفت مواقف مشابهه كتير لجوزي ولاخويا وكنت بضحك وانا جوايا في قمه الحزن معقول خلاص البنات اللي بقت بتعاكس وفي ناس بالاخلاق دي بس في الاول والاخر هتلاقيهم عينات مريضه يعني منقدرش نعمم وتصرفك راقي وسليم ربنا يهدينا جميعا ويوفقك في شغلك ودراستك اخي تحياتي ومنور القسم اخي

تسلمي اختي الغالية راقني مرورك العطر
ولكن اصبح المصيف تجمع للتعارف والهزل
وليسلتقضية وقت مع العائلة والاصحاب
دمتي بخير تقبلي مودتي

[محمود أبوزيد]

اقتباس المشاركة الأصلية كتبت بواسطة silver flower ليش تزعل البنات ما انتا قلت الحق صرنا في زمن تشوف وتسمع منه العجائب بتعرف شو هو السبب الأهل اليوم الام هي الي بتخلي بنتها تعمل هيك هي الي بتحرضها على هادا العمل ظن منها انه راح تصيد عريس اه خلينا واقعين هادا هو حالنا اليوم بتفكر الام انه اذا بنتها وقعت شاب في حبها انه راح يتجوزها وما بتعرف انه رغم قله الدين والأخلاق بس الدم الحر ليسا موجود في شبابنا وانه الي بتجرد من دينها وأخلاقها وحيائها عمر ربنا ما راح يسترها الانه ما بني على غلط فهو غلط وياريت الأهل يراعوا ربنا في أولادهم شكرًا لطرحك القيم

راقني جدا كلماتك اختي الغالية
واسعدني مرورك العطر واضيف
الي كلماتك "ليت كل قصص الحب
تبدأ بالجواز "ولا تتعجبي من تبدأـ
فالحب الصادق ليس له نهاية الا الموت
وبدايته الجواز "
لا تحرميني من روع مرورك تقبلي مودتي

[محمود أبوزيد]

اقتباس المشاركة الأصلية كتبت بواسطة ساحر الأحزان دى عينة ويبقى ظلم انها تعمم على الجميع زى ما فية شباب كدة برضة بيحب يعاكس فية برضة بنات بسى كويس ان نسبتهم مش عالية وربنا يهدى

اكيد اخي الغالي فليس الجميع متشابهون
ولكن اتمني ان تنقرض تلك النوعية
راقني مرورك العطر لك مني فائق الاحترام
تقبل مودتي

[محمود أبوزيد]

اقتباس المشاركة الأصلية كتبت بواسطة ابوالبنات الاحسن االحذف النهائي ولا نحكم على الانسانة يمكن قصدها شريف تتجاوب معها بحالة واحدة فقط اذا معجب بالبنت وتعتقد ممكن التوافق بما يرضي الله فنصيحتي ومن مبدأ حسن الظن تواصل معها واذا وجدت لاقدر الله هدفها غير نبيل انصحها واقطع الاتصال واستر عليها ومهما يكن من تطورات اقطع صلتك بها والله يستر على اناثي المسلمين طلبت الرأي وهذا رأيي والله اعلم

اخي الغالي راقني مرورك العطر
ولكن اتمني ان تقرأ مضمون كلماتي
فلم اقل اني معجب بها نهائيا او حتي
اعطيها زرة من الاهتمام فقط انا .....
بعتذر لن ينطق قلمي ولكن شكرا
لردك الراقي احترامي لك ومودتي

[SaMa.]

دى اخدت رقمك بذكاء وبيقلدوا الشباب
تصرف بايخ منها وانت اتصرفت صح غيرك كان ممكن يكلمها
ربنا يهديها