ردك موضوعك

[قلم بلا حبر]

بسم الله الرحمن الرحيم

السلام عليكم



**************

استمرارا لسللة التطوير التى يشهدها القسم مؤخرا خدمة للعديد من الاقلام المميزه فى المنتدى

اليوم اطرح بين ايديكم فكره اجزم انها حصريه

وهى كيف نحول الموضوع من طابعه العام الى طابع خاص ,,,

المسابقات والتميز تمنح للمواضيع بالرغم من ان الردود احيانا تكون اقوى من الموضوع نفسه ,,

وكلنا يعلم ما قيمة الردود فهى فكر ايضا قد يتجاوز احيانا كاتب الموضوع الاصلى

لذا كان لزاما ان يكون هنالك تكريما لكل صاحب رد مهما اكنت رتبته ,, سواء عضو جديد او ادارى فى المنتدى

لذا كانت فكرة


ردك موضوعك


يفتح المجال لك ان يكون تعقيبك ليس مجرد مناقشه فقط بل هو بمثابة فتح افاق جديده لافكار جديده فى الحوار الادبى من خلال المنتديات

جميعنا يعلم ان الفكره هى اصل الموضوع ,, والعديد منا قد تنتابه حيره عند اختياره لافكاره

فى (( ردك موضوعك ))

الفرصه والفكره متاحه امام الجميع ,, كل يكتب عنها كيفما شاء ,, ولا ينتظر صاحب الموضوع لابداء شكره عليها ,,,

فالجميع متاح له ان يسطر موضوعا مستقلا عن نفس الفكره المطروحه ضمن (( ردك موضوعك )) ولكن فى صورة رد فى هذا الموضوع

لتكون النتيجه مواضيع مختلفة الفكر لنفس الفكره ضمن موضوع واحد

وبالقطع لابد والا تخلو الفكره من محفز للاجتهاد

فكل اسبوع سوف نطرح فكره جديده من خلال (( ردك موضوعك ))

فلو اعتبرنا ان هذا الموضوع سيحصل على 10 ردود ,, فنكون قد تحصلنا على 10 مواضيع

وفى الاخير سوف يتم اختيار أفضل الردود ليتم طرحه فى القسم بشكل مستقل ومثبت


شروط الاشتراك

*************

ليس هنالك اى شروط فالموضوع مفتوح للجميع حتى المسجلين الجدد ,,, ولكن النصيحه هى :

اكتب ردك كأنك تكتب موضوعا وحاول ابراز كل ما لديك وكل ما يجول بخاطرك عن الفكره المطروح فى (( ردك مضووعك ))

فى حالة كتابة رد ((شكرا او ميرسى )) او ايا من هذا القبيل ,, او لم يتم فيه تناول الفكره المطروحه بالشكل المطلوب فى المنافسه سوف يتم حذفه دون سابق انذار

-- ينبغى العلم بانى لن اقوم بالردود على المشاركين ,, يكفى فقط ان تسطر ردك عن الفكره المطروحه بالشكل الذى تراه مناسبا لقدراتك الادبيه ,,



ردك موضوعك ,,,, الحلقه الاولى


************************

ولاد البلد

مصطلح لا شك فى اننا جميعا نعلم ماهيته ,,

قد تكون الصوره لدى البعض مشوشه ,, لكنها حقيقه وواقع نحياه

لكن ما استثارنى لطرح تلك الفكره فى اولى حلقات (( ردك موضوعك )) ,,

تلك الحاله التى يحياها المجتمع الآن

فبلا شك كلنا نتابع عن كثب الحركه الفنيه بشتى فروعها وليس الاعلام عنا ببعيد وهكذا ايضا الصحف والمجلات

كل ما هو مقروء او مسموع او مرئى نطالعه جميعا عن كثب

استوقفنى مؤخرا فكرة ذلك الاهتمام الغير مسبوق من شتى القطاعات بعالم (( ولاد البلد ))

واصبحوا هم فجأه وبدون سابق انذار البطل الحقيقى للمائده الاعلاميه

برامج هنا وهناك استطلاعات ود وتقرب مناقشة مشاكل افلام كليبات ,,,

انها ثورة اهتمام قمت بربط احداثها لآجد ان تلك الطفره الاعلاميه واهتمامها بهذا القطاع الكبير بالفعل لابد وان يكون مثار اهتمام


الجميع يتابع الحركه السينمائيه ويعلم جيدا كم الآفلام التى بدأت تهتم بتلك الشريحه وعلى راسهم اخر اعمال المخرج (( يوسف شاهين )) و افلام خليفته خالد يوسف

رأينا كيف يكون الآكشن مصرى بكل معنى الكلمه من خلال سلسلة الافلام التى تم طرحها مؤخرا فى دور العرض

ليس السينما فقط ,, بل البرامج الحواريه الكبى أصبحت تتودد الى تلك الشريحه والتى تفوق اكثر من نصف الشعب

انه اهتمام وان كان متأخرا ومثير للتساؤلات ,, الا ان الوضع الحالى يجعل الجميع سعيد بهذا

لكن ...... ؟؟؟؟

فى ظل الاعلام الحكومى كانت تلك الطبقه والشريحه مغيبه نوعا ما من اى مساحه اعلاميه ,, فكيف لرجال الاعمال الاهتمام بهذا القطاع من المواطنين بالرغم ان الجميع يعلم من هم رجال الاعمال ,, لا نعمم ولكن الكثره هى من اعطت هذا المسمى ذاك المفهوم السيئ

اذا فتلك الاضاءه التى بددت ظلام الاهمال والتجاهل لابد وان يكون لها ثمن ومقابل ,, كما هو قاموس (( الرأسماليه ))

لن اطرح ماهية المقابل او الثمن

ولكن هاهو الاستفسار بين ايدينا كمجموعه تتخذ من الكتابه الادبيه شعارا لها ,, ولنفتح المجا لامام اقلامنا للخوض فى قضايا مجتمعيه

------------

الموضوع ليس نقاشا ,, ويجب الانتباه ان الردود هنا سوف تكون بمثابة موضوع مستقل

خالص تقديرى للجميع

تحيااااااااااااااااااااااتى""""""""

[Mahmoud Mohie]

لا عزاء للرجال"!!!

قديما كان الرجال رجال بمعنى الكلمه
كانوا هم اولاد البلد<<
كان الرجل هو الذى يعرف ربه
هو الذى يعرف كل شيئ عن بلده
يعرف كل شيئ عن عالمه
كان ابن البلد يشتهر بالضحكـ والفكاهه
فما اكثر نكاته<<....!

"""""""""
""""""""

كان عند ابن البلد نخوه وشهامه ورجوله
فعند مشاهدة اى فيلم قديم
عن الانجليز وهم محتلون مصر مثلا...
نحس الشهامه عند المصريين فى الدفاع عن
شرف المرأة وعرضها حتى ولو افتداها بروحه

""""""""
"""""""

ابن البلد هو الذى يخرج ما فى جيبه لغيره
حتى وان لم يكن معه كثير
لا يبخل على احد ولا ينتظر اشفاق من أحد

""""""""""""
""""""""

ابن البلد يقف بجانب اخاه وقت الضيق
هو الذى يفرح لفرح اخاه
ويحزن عندما يحزن اخاه
يرشده عندما يخطئ

""""""""""
""""""""""

ابن البلد متواضع يكره الغرور
لا ينظر اعلى من مستواه
ولا يفكر فيمن هو افضل منه

""""""""
""""""""

ابن البلد يأكل الحلال
يعمل ليكسب من حلاله وعرق جبينه
يكره الحرام لأنه يخشى الله

""""""""
"""""""""

ابن البلد برده كان بيهتم بمظهره
مش لازم يجيب هدوم غاليه عشان يكون
مظهره كويس المهم انها تكون نظيفه طاهرة
من مال حلال

***********************
""""
ولكن اليوم تغير المفهوم 360 درجه
اصبح ابن البلد هو الولد الفقير
اللى مش لاقى يأكل اللى خلص دراسه
ومش لاقى شغل كل وقته فى الشارع
وعلى القهوة مع شباب بايظ

""""""""
""""""""""
اهم حاجة انه يكون بلطجى عشان يبقى ابن بلد
اهم حاجة يكون عمرو سعد فى فيلم <<حين ميسرة>>
مش مهم انه ينتهكـ حرمه ولا يهم انه يشرب مخدرات
ولا يهم اى شيئ من هذا القبيل

"""""""
"""""""""
لكن المهم انه يدافع عن نفسه بالسكين والشومه
مهما كانت الخسائر مهما كانت الضحايا
كده الكل يخاف منه كده بقى راجل صح

*****************
"""""
تغير حال الرجال الان
وهذا ان دل يدل على التأثير الكبير
للسينما والتليفزيون
فانظر قديما حال الرجال فى الافلام
بالطبع نجده فى الحقيقه
فهؤلاء الرجال اولاد البلد الذين يدافعون
عن اى امراءة مهما كانت
يدافعون عن بلدهم بارواحهم
كانت حياتهم عمل وكفاح

"""""""""""
"""
وانظرالان الى الافلام
فهذا حين مسيرة وهذا هى فوضى
هل يعقل لمثل هؤلاء المخرجين ان
ينقلوا لنا صورة اولاد البلد هكذا
فهذا البطل هو ابن البلد يفعل كل ما يريد
من قتل ونهكـ للحرمات وتشريد
ولا يهمه شرطه او بوليس او غيره
لا يخاف الله ولا يخشى احد
هكذا فى نظرهم سيكون ابن البلد بصحيح

""""""""""""

"""

فى الاخير اود ان اخبركم
ان اولاد البلد قله
ولا نجد اليوم ابن البلد << مثلما كان موجود
فاليوم لا عزاء لابن البلد
تحيااتى
m@7m0ud

[Transporter]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين



ابن البلد دا مفهوم كبير اوي مبني على اسسه صعبة وراسخة وليها مقومات تناطح اكبر ناطحات سحاب في العالم كله وكله نابع من الاسر ومن التربية بصرف النظر عن اللي كنا بنشوفه في السينما من شخصيات بتجسد ولاد البلد لانها جسدت اشكال كتير وتعابير اكتر

ولاد البلد يعني الشرف يعني يخاف على عرضه وعاره يعني الكرامة يعني نخوة الراجل بجد اللي اختفت خلاص عند كتير مننا وتاهت في زحمة الدنيا واصبحت من المكملات وبلاش اقول من المقبلات وفواتح الشهية لما بنحب نعمل ولاد بلد ابن الواحد حاسس إننا ماعدناش زي زمانك ان زمان كده الواحد يسمع إن لو واحد عاكس واحدة في الشارع ياخد علقة محترمة ماخدهاش سجين سياسي في معتقل والناس تتلم وكله يشارك وتحيا الوحدة العربية والعنب العنب والحاجات دي حتى واحنا زمان في الجامعة كانت خناقة محترمة تحتوي على كل اللي قلبك يحبه من الأسلحة البيضا والسودا والسيوف بتاعة مسرورفاكرينه والا نسيتوه بتاع الف ليله وليله يا مسرور مش عارف كانت بتدخل ازاي دي عشان واحد عاكس واحدة فجابت قرايبها ده بالنسبة للجامعات العادية يعني أما بالنسبة للجامعات التانية اللي عمرنا ما هنشوف شكلها فكانت الخناقة دايما بسبب إن الواد ميمي عاكس البنت سوسو حبيبة الواد لولو فقام لولو جمع كل أصحابه اللي في السيبر بيلعبوا شبكة واللي بيلعب على الجيتار على السلالم واللي بينظم رحلة لشرم الشيخ وطلعوا كلهم على شلة الزعيم ميمي وخاصموهم جامد قوي يعني وحطوا صابعهم الصغير في صوابع التانيين الصغير أهو رد فعل وخلاص

انما اليومين دول مش عارف ليه حاسس ان المسألة انقرضت أو على الاقل قلت يعني بنات كتير بتتعاكس وماحدش بيتكلم ولا بيوقف اللي بيعاكس وماحدش يقول لي البنات لابسين وعاملين احيانا بتبقى البنت لابسة زي الفل وبرضه بتتعاكس وده اللي حصل قدامي وكان هذا الموقف انا كنت راكب المترو زحمة جدا يا ناس كنت حاسس ان اللي بينزل في محطة بييجي ومعاه قرايبه في المحطة اللي بعدها اتحشرت في حتة بين وفضلت واقف في مكاني ولا حد حاسس بيّ اساسا المهم وأنا واقف لاقيت راس شاب كده ده اللي انا شايفه منو قدامي وهو بيلعب في الموبايل بتاعه ابو كاميرا والواد شكله مؤدب هادي قلت يا واد اتفرج جايز بيلعب جايز بيشوف كليب للفنانة خالدة الذكر روبي او النفانة المثقفة هيفا وفرصة بقى قربت منه وفجأة شفت العجب لشاب مشغّل الكاميرا وجايب صورة بنت في اخر عربية المترو وظبّط الزوم لحد ما الصورة قربت جدا واستنى لما البنت كمان بتبص فين عشان يبقى الوش كامل وكليك لقط الصورة

الغريب في الموضوع بقى ان الواد مابصش للبنت خالص ولا كانه بيعمل حاجة هو شغال في الموبايل كانه بيلعب فعلا ومستحيل حد يتخيل انه بيصور ولا حتى اظن انه شاف البنت بره الموبايل انا شفت اللقطة دي بقى واتجننت وكل الكلام اللي فوق ده انفجر في دماغي اعتبر انها اختك خطيبتك مراتك بعد عمر طويل ستك الله يرحمها اي حد يعني وعلى طريقة ولاد البلد انفجرت الغدة اللي مش عارفها وطلعت كمية من الادرينالين تكفي منتخب مصر عشان يفوز بكأس العالم.

قولت لنفسي هي موتة ولا اكتر مستحيل الناس يسيبوك اكيد النخوة دي موجودة عندهم بس محتاجين اللي يوجّههم وبعدين على الاقل هاضرب واتضرب او حتى هاتضرب وهمّ هيلحقوا يحوشوا حاجة يعني بس ماقبلش الكلام ده وبعدين يعني من مات دون عرضه فهو شهيد يا سلام لو الواحد مات شهيدوقعدت اقنع في نفسي لحد ما قلت خلاص هافرتكه خبطت على دراع الشاب خير اللهم اجعله خير ايدي خبطت في كمية من العضلات ولا حديد الدخلية والله وشوية عضلات بقى متبعترين الجهة دي والجهة دي وايه ولا كانه فيلم تصريح بالقتل يعني استغربت معقول يعني كل العضلات دي علشان تعمل الغلط ومحدش يكلمك استحقرت الموقف جدا بصراحة وعرفت ان معدش فيه اصلا حاجة اسمها ولاد بلد وخفت الوضع يتطور وخصوصا ان كان معايا بنات ومحبتش انهم يتبهدلو لو قامت خناقة وانت عارفين قلة اللادب اللي بتحصل وقتها

وفجأة واحنا نازلين اتخبطت فيه وقالي مش تحاسب شوية قولت له معلش اسفين احنا ولاد بلد..........

ومعلش متفتكروش ان لسه فيه ولاد بلد كتير موجودة لكن فيه ولاد...................................ولاد الايه وبس.

تحياتي ليكم

[أنثـے مًنْ الّخٍـْيـِالْ→♀]

اصحاب الطرابيش ... رحتم على فين



راحت ايام الزمن الجميل
والنغم الاصيل
وراحت ايام

الشهامه والجدعنه والواجب والأصول

، تصدقم الألفاظ دى خلاص بنقرأها فى الكتب والمقالات الحلوه
التى ترجعنا للحنين للأصاله و كمان بسمعها من حكايات جدتى


اصحاب الطرابيش

، لقد هاجرتم واحتفظتمم بحلاوة الأيام دى فى مخيليتكم
دون أن يمسها سوس ولا جراثيم التخلف والفساد من الثمانينات الى يومنا هذا

وعايزنا نرجع زى زمان قول للزمان يرجع يارزمان


لقد فقدنا الأصاله
..
أصالتنا يا أستاذى
..
بل فقدنا معها كل حياتنا
..
حتى أغانينا
..

حتى نسمات الرقة والرومانسية التى كنا نتسم بها فقدناها أيضا
..
ولم تبق لنا سوى قلوب جرداء
..
وشرايين صحراويه
..
جافه
..
ليست بها حركه
..
ونسينا
..
نسينا أنفسنا
..
وقلوبنا
..
ونسينا أن نحب
..
نسينا نبضة القلب
..
وكيف تكون
..
نسينا
..
حتى ملّ النسيان منا
.
.نسينا أنه لايستطيع الإنسان أن يعيش إلا إذا كان إنسانا
..
لايهمس الحب إلا أذا كنت إنسانا
...
لا تشعر بأسى أخاك إلا إذا كنت إنسانا
..
وأين الإنسان
..
لقد مات الإنسان منا
..
وأصبحنا نعيش حياة جافه
..
بلا حب وبلا إنسان
...
حقيقي وحشنى الإنسان

و الله انا كطمطم خايفة اصحى فى يوم

ملقيش مصر !!

خايفة اصحى القيها لمت هدومها

و شالت هرمها

و طفشت من عمايلنا

خايفة اصحى الفجر و لا حتى بعد العصر

القى مصر جف نيلها لعنة ع اللى بيحصل منا

بس بصراحة عندها حق

دلوقت انعدمت الشهامة و الجدعنة الا فى القلة القليلة

كان فين ولاد البلد يوم لما اختطفت سيدة من منزلها و اغتصبها 10 رجال فى عز النهار

فين ولاد البلد لما تلاقى البنات ماشية بلبس ميتلبسش

و غيره و غيره



الكل هنا بيقول يلا نفسى

و فى الاخر نفسى اشوف شهامة المصريين كما كانت تحكى دايما عنها لى جدتى

شهامة لما كانوا بيشوفوا بنت بتتعاكس .. بيمنعوا الكلام ده

شهامتهم لما كانت بتحصل مشاجرة .. بيفكوها فى لحظتها

شهامتهم اللى عرفها على العالم


صحيح يمكن ان ده نتاج بعدنا عن ديننا

مهو احنا بعدنا عن ديننا و انعدمت الشهامة مع بعدنا

يمكن لما نرجع لديننا تانى يرجعوا ولاد البلد


نفسى يرجعوا ولاد البلد تانى .. حتى لو رجع معها عصر الطرابيش