طعم شوارعنا

[™Amiliya]

لكل شارع في بلدك حكاية وكل حكاية ليها وتر خاص بيدخل جواك بيرن مع قلبك في اوتاره

كل شارع بتمر بيه كان فيه ضحكة همسة لعبة حركة

كان فيه حد وراح منه او لسة فاضل فيه

عيال بتلعب جيران حكاوي كتير فاضلة في شوارعنا الذكريات والاحلام والعشرة

العشرة مع شوارعنا حكاية طويلة عريضة كلها ملامحنا ومن غير ملامحنا مكنش لشارعنا طعم

/

ياترى ايه حكاية شارعكم ؟

فيه ايه مميز فيه وكان ازاي وبقى ازاي؟

ملامحه ناسه كل حاجة فيه شكلها ايه؟

احكيلنا عن شارعكم ؟

/

تحياتي المسائية لنور عيونكم

[ساحر الأحزان]

ملامح شارعنا

ناس بسيطة بتحب بعضها

احنا الاولاد بنلعب مع بعض

والامهات حابة بعض

والاخوات مع اخوتهم

ولا فى الاعياد او المناسبات سوء فرح او حزن تلاقى تجمع مع بعضهم قلب واحد

تحسى بالفة غريبة كدة بتحنى ليها

لما تبعدى عنها

ظريفة فضفضتك ايمى

[Lamees]

مش عارفة يا ايمي انا بحب جيرانا اوي
وبحب الناس في شارعنا بحب لهم الخير
ناس طيبة وبسيطة بس حالياً انا بعدت عنهم
وانتقلت بعيد في مكان معرفش فيه حد
بس لما بسمع عن حد من شارعنا اتوفى
بعيط عليك اوي وبحزن عليه اوي
ناس طيبة تحسي انهم اخواتك
وامهاتك مفيش فرق بينا

تسلمي للفضفضة ايمي

[phalsteen]

ماكنتش بشوفه
ههههههههههه
لانه كان علي الطريق
وماما الله يرحمها
كانت بتخاف تنزلني
وعلي ما اتغير كنت كبرت
فشوفت الشارع بنظرة مختلفه

[همس الحنين]

كل شارع فى مصر له ميزه

شوارع ميزتها الطيبه

وشوراع ميزتها الجدعنه

وشوراع الخفه والصحبه الحلوه

كل شارع فى بلدى له ميزه

شارعنا ميزته طيبة اهله

كلنا اسرة واحده ارياف بقه

والكل عيله ساعات بيكون في مشاكل بس امور اعتياديه

انما الاصل الطيب موجود

جميل ايمى

[الأميرة رودي]

شوارعنا فيها الطيبه والبساطه
حكمــه كبـار السن وشقاوه الأطفال
عفويه النساء ف حكـاوي العصاري
ودلع البنـات أكتر من الولاد
شوارعنا فى عز البرد مليانه دفـا.

جميله إيمي
عجبتنى بجد
تسلمى

[™Amiliya]

اقتباس المشاركة الأصلية كتبت بواسطة ساحر الأحزان ملامح شارعنا ناس بسيطة بتحب بعضها احنا الاولاد بنلعب مع بعض والامهات حابة بعض والاخوات مع اخوتهم ولا فى الاعياد او المناسبات سوء فرح او حزن تلاقى تجمع مع بعضهم قلب واحد تحسى بالفة غريبة كدة بتحنى ليها لما تبعدى عنها ظريفة فضفضتك ايمى

اقتباس المشاركة الأصلية كتبت بواسطة اطياف الماضي مش عارفة يا ايمي انا بحب جيرانا اوي وبحب الناس في شارعنا بحب لهم الخير ناس طيبة وبسيطة بس حالياً انا بعدت عنهم وانتقلت بعيد في مكان معرفش فيه حد بس لما بسمع عن حد من شارعنا اتوفى بعيط عليك اوي وبحزن عليه اوي ناس طيبة تحسي انهم اخواتك وامهاتك مفيش فرق بينا تسلمي للفضفضة ايمي

اقتباس المشاركة الأصلية كتبت بواسطة nefertiti ماكنتش بشوفه ههههههههههه لانه كان علي الطريق وماما الله يرحمها كانت بتخاف تنزلني وعلي ما اتغير كنت كبرت فشوفت الشارع بنظرة مختلفه

اقتباس المشاركة الأصلية كتبت بواسطة همسات فوق القمر كل شارع فى مصر له ميزه شوارع ميزتها الطيبه وشوراع ميزتها الجدعنه وشوراع الخفه والصحبه الحلوه كل شارع فى بلدى له ميزه شارعنا ميزته طيبة اهله كلنا اسرة واحده ارياف بقه والكل عيله ساعات بيكون في مشاكل بس امور اعتياديه انما الاصل الطيب موجود جميل ايمى

اقتباس المشاركة الأصلية كتبت بواسطة الأميرة رودي شوارعنا فيها الطيبه والبساطه حكمــه كبـار السن وشقاوه الأطفال عفويه النساء ف حكـاوي العصاري ودلع البنـات أكتر من الولاد شوارعنا فى عز البرد مليانه دفـا. جميله إيمي عجبتنى بجد تسلمى

تروقني ملامح شوارعكم فشوارعنا تشبه فينا شيئا اكثر حميمية

دام لي تواجدكم الذي احب

[الاميرة نورهان]

والله انت جميلة و موضوعك اجمل

الناسفى شارعنا طيبين اوى بيحبونا اوى ويا سلام لو حد من اصحابنا جه على شارعنا يشيلوه من فوق الارض شيل ويا سلام لما نصحى كل يوم على صوت الاطفال اللى بتلعب
بجد حاجة جميلة

[العاشق الذى لم يتب]

الشارع عندى
مش هيختلف كتيرعن شوارع مصرنا المحروصة
الشغل الشاغل دلوقتى
عند معظم الناس
وهو الكلام فى غلاء المعيشة وانقطاع الكهربة
والحالة السيئة للاحوال الامنية
وكترالمشاكل بسبب الفقروالحرمان
وكل واحدة مخطوبة وبتحب خطيبها
زعلانة علشان بطل يشتغل
وده بيخلى جوازهم يتاخر
بذمتك مش كده مش كويس
دى حكاية الشارع عندى
وشكرا ايمى
مودتى