احـــلـــى مــــســا مع (ايــــمـــيـــلــيــــا )

[انت احلى الناس]

مساء القلوب الصافيه مساء الحب الصادق مساء الورد والياسمين على عيونكم واحلى مسا على الناس الكويسه ضيفتي النهردا بنوته عسوله جدا ذكر اسمها كفايه لنستنشق رائحه القهوه العربيه الرائعه مشرفه قسم الفضفضه الجميله ايــــمـــيـــلــيــــا 1/ اوصفلنا شخصيتك في جميلتين ؟ شخصيتي اممم بنت منكهة بتوابل شرقية وقهوة عربية / 2/ هواياتك وطموحاتك في الحياه ؟ هواياتي كل مرة تزيد واحدة بس في ثوابت زي القراءة مستمرة السباحة مستمرة الخيل مستمرة والسفر مستمرة في هوايات اتغيرت زي الاشغال اليدوية جربتها وفشلت فشل زريع فاتجهت للتصوير ودي اخر هواية حاليا ليا / 3/ حلم بيكبر كل يوم جواكي ونفسك تحققيه ؟ الهجرة لبلد غير عربي وتقريبا هيفضل حلم غير قابل للتحقيق لكنه موجود لو جتلي الفرصة لكدا اكيد هعملها / 4/ اكتر قسم بتحبيه في المنتدى وبتحب تشاركي فيه ؟ الفضفضة واقلام الاعضاء اكتر قسمين قريبين لقلبي وعقلي / 5/ اكتر حد في المنتدى قريب منك وصديق مقرب ليكي ؟ الفت ( سندريلا ) وامل ومنة / 6/ مدونتك بتمثلك ايه ؟ وايه اكتر مدونه بتحبها وبتحبي تتابعي كل جديد فيها ؟ مدونتي ذاكرة معطلة بجمع فيها كل معطل جوايا وحواليا احيانا وبتكون مصدر راحة وتفريغ مهم لبعض الي بحس بيه تباعا في مدونات كتير بحب اتابعها وادخلها واعمل لايك او تقييم / 7/ موقف جميل في حياتك ومش ممكن تنسيه ؟ لما كنت في فترة التدريب بتاعتي كنت مسئولة عن 3 اطفال تدريبات خاصة كان في بنت اسمها فجر كانت قريبة مني اوي كنت كل يوم الصبح اجيلهم ويقعدو مدة ربع ساعة يضفرو شعري ويلعبو وبعدين نبدا الدرس الموقف الجميل فعلا معاهم انهم في مرة جابلولي هدية كل واحد جبلي هدية وفجر جابتي ورقة مكتوب فيها بنحبك ورسمة وردة ورسماني معاهم طويلة ودراعي طويل اوي ومساكهم في ايدي هي وندى ومرام الورقة دي من كتر محبيتها فضلت فترة طويلة اوي ابوس فيها لاعمري هنساهم ومازلت متواصلة معاهم بالسؤال والاتصال واحيانا اروح المدرسة اشوفهم لدرجة امهاتهم بيتصلو عليا لو في موقف واحدة فيهم عملته / 8/ موقف صعب مريتي بيه ومش ممكن تنسيه ؟ موت جدي كان اصعب المواقف الي في حياتي مريت فيها / 9/ كل انسان عندو شخص قريب من قلبو مين اقرب شخص لقلبك ؟ اخويا يامن هو صديقي واخويا وابني احيانا وبنتو ع طول انا ومش بعرف اخبي عنه اي حاجة حتى لو صعب اقولها بيتحملني اوي وبيسمعني بدون ملل وع طول في كل احداث حياتي ربنا ميحرمني من نور عنيه / 10/ احكيلنا مغامره من مغامراتك في الحياه ؟ هما مش كتير اوي بس حسب اهلي مشيفين انها كتير فهقول زيهم كتير ههههه صحبتنا ناني كانت هتتخطب والناس جايين يشوفوها وهي مالحقتش تروح لكوافيرة واتصلت علينا انا واتنين من صحباتنا وقالتلنا ننقذ الموقف ورحنالها وانا تطوعت اني اعملها شعرها وهي شعرها خفيف وقصير مسكت السيشوار وكان عالي اوي حرارته وبعملها القصة وطولت وانا مسكاها في ايدي راحت اتنحلت وقصرة اوي وهي في الاصل قصيرة وخفيفة ووقع شعرها من الحرارة قعدت تسوط وتضربنا وتشتم ونسكتها مفيش فايدة اقترحنا عليها فلبست الطرحة وفي اليوم دا كان حجابها بسببي وعدت الخطوبة الحمدلله والعريس وافق عليها وعجبته بالحجاب اصلا اكتر من غيره / 11/ مثلك الاعلى في الحياه ؟ جدي الله رحمه من الرجال وجدتي من النساء الله يرحمها / 12/ المظهر بيعكس جزء من الشخصيه هل انتي من الاشخاص اللى بتحكم على الناس من المظهر ؟ المظهر في الانطباع الاول مهم عندي اوي لاني بقرا شخصية الي قدامي من لبسو ومش معنى دا يكون لابس واو لا بس يكون متناسق ومترتب والالوان والنظافة بتدي انطباع كويس للشخص عند الناس / 13/ .... من الاشخاص اللى بتثق في الناس بسهوله وعمرك ندمتي على ثقتك في حد ؟ لا مبثقش بسهولة باخد وقت كبير لغاية ماأبني ثقتي في حد الثقة مش سهلة لانها لو ادتيها لحد واتصدمتي بتسببلك عقدة من الناس وانا مبحبش العقد فباخد وقتي وبرحتي خالص بس الحمدلله مندمتش في يوم اني اديت حد ثقة ومصنهاش / 14/ كل انسان عندو نقطه ضعف نقطه ضعفك ايه ؟ نقطة ضعفي الاطفال الصراحة الاطفال بيخلو جوايا احساس عميق بين العاطفة والحب والضعف الكامل وخاصة ولاد اخواتي تقريبا انا مش عمتهم انا صحبتهم الصغيرة عمري مزعقت لحد فيهم ولا دايقته ولا خليته يعيط بسببي مستحيل تحصل سواء ليهم او اي طفل تاني / 15/ صفه موجوده في الناس بتكرهيها وصفه تانيه بتحبيها ؟ الصفة الي بكرها في الناس الفضول والقيل والقال وسيرة الناس الي عاملة زي اللبانة في فم البعض والصفة الي بحبها هي المشاركة في الحزن والفرح المنظر دا بيخليني مبسوطة ان الدنيا لسة فيها خير / 16/ لو معاكي 3وردات لمين تهديها داخل المنتدى ولو معاكي كمان 3 وردات لمين تهديها خارج المنتدى ؟ داخل المنتدى وردة لزميلتي نفرتيتي تستحق الاكثر لساحر الاحزان شكرا ليك ساحر ع كل نصيحة وكلمة حق قلتهالي لكل المنتدى يتقسمو الوردة بقا هههه لطيب اخلاقهم وزوئهم خارج المنتدى لاهلي ربنا اكرمني بحبكم وخوفكم عليا لصحبتي غادة الي بتعتبرني بنتها وبتعاملني زي الاطفال بحب اوي طريقتها معايا لاخويا الكبير اياد وحرصة المستمر اني اكون احسن / 17/ اخر حاجه بقا تحبي تقولي ايه ؟ احب اقول لكل من قرأ وتابع اللقاء شكرا بعرض السماء

[™Amiliya]

الف شكر ليكي ع المسا الجميل يااحلى واحسن الناس

[Lamees]

أيمليا شخصية هادية وخلوقة ومنبع الذوق
شكراً للأستضافة نورهان

[™Amiliya]

اقتباس المشاركة الأصلية كتبت بواسطة اطياف الماضي أيمليا شخصية هادية وخلوقة ومنبع الذوق شكراً للأستضافة نورهان

انتي الي كلك زوء وشياكة روني

[A-rab3awya]

جامده أوى الحلقه ديه
وأجابات جميله جدا
وأنا معاها ف كل كلمه قالتها..ف صفات الناس
ربنا يسعدك حبيبتى
تسلمى نورهان منتظرين الضيف الجديد
:-)

[™Amiliya]

اقتباس المشاركة الأصلية كتبت بواسطة a-rab3awya جامده أوى الحلقه ديه وأجابات جميله جدا وأنا معاها ف كل كلمه قالتها..ف صفات الناس ربنا يسعدك حبيبتى تسلمى نورهان منتظرين الضيف الجديد :-)

منورة ياعسلية انتي وتسلمي حببتي لمتابعتك

[محمود أبوزيد]

لقاء في قمة الروعه من انسانة رائعة
مع انسانه اكن لها كل الاحترام والمحبة
والموده الغالية ايميليا ورده من اروع الورود
وعطر نستنشقه حين مرورنا بالمنتدي
رائع الحديث تقبلي مروري

[™Amiliya]

اقتباس المشاركة الأصلية كتبت بواسطة محمود أبوزيد لقاء في قمة الروعه من انسانة رائعة مع انسانه اكن لها كل الاحترام والمحبة والموده الغالية ايميليا ورده من اروع الورود وعطر نستنشقه حين مرورنا بالمنتدي رائع الحديث تقبلي مروري

شعور متبادل محمود انت كلك اخلاق واحترام وطيب اصل

شكرا بجد ليك

[شاعر الحب الحزين]

يا عيني يا عيني

نورهان انتي استضفتي إنسانة بعتبرها

ركن أساسي من أركان المنتدى

هي صنعت نفسها هنا ومش كلام الناس عنها

هي انسانة تملك من الرقي ما يكفي واكثر

أما هنا فما زادتها الإستضافة إلا أناقة ورشاقة ورقي

بأننا علمنا عنها بعض التفاصيل التي تختبئ خلف هذه الشخصية الرائعة

بحق يا نورهان أصبتي جدا بهذه الإستضافة الجميلة

أشكرك لاختيار الضيفة الراقية بنظر الجميع هنا

وف انتظار الضيف القادم بإذن المولى سبحانه وتعالى

احترامي وتقديري

[™Amiliya]

اقتباس المشاركة الأصلية كتبت بواسطة شاعر الحب الحزين يا عيني يا عيني نورهان انتي استضفتي إنسانة بعتبرها ركن أساسي من أركان المنتدى هي صنعت نفسها هنا ومش كلام الناس عنها هي انسانة تملك من الرقي ما يكفي واكثر أما هنا فما زادتها الإستضافة إلا أناقة ورشاقة ورقي بأننا علمنا عنها بعض التفاصيل التي تختبئ خلف هذه الشخصية الرائعة بحق يا نورهان أصبتي جدا بهذه الإستضافة الجميلة أشكرك لاختيار الضيفة الراقية بنظر الجميع هنا وف انتظار الضيف القادم بإذن المولى سبحانه وتعالى احترامي وتقديري

شاعرنا
كلامك بجد خلاني ابتسم ابتسامة بيسموها عريضة جدا جدا

يارب اكون دايما كما تراني بذات الصورة

الف شكر ليك