منغير عنوان

[شموع الروح]

السلام عليكم

بعد تفكير طويل من وقت تسجيلى
لحد دلوقتى فكرت كتير ادخل هنا
لكن مش عادتى انى اكلم
بس قولت دلوقتى
هفضفض واكون مع نفسى هنا بعيد عن الكون كله
وزى ما ليا فى الهوايات مكانى الخاص
خلي ليا هنا مكانى الخاص

[شموع الروح]

نفسي أصحي مبتسمة
ولو حلمت ربنا يكرمنى بحلم سعيد
وأهي مقتطفات من أمنياتى الكتيرة
جوا مني ومستنياها

أصبحنا وأصبح الملك لله

صباح الخير

[شموع الروح]

شكرا لكل للي قيموا
ورحبوا بيا

[شموع الروح]

للأسف
حاجات كتيرة مبنخترهاش
وحاجات كتيرة بنرضي بيها وبنرفضهاش
بس أننا نحلم دا بتاعنا أحنا
بس حتي دا بيه متهنناش

[شموع الروح]

ياربي
احساس بشع انهم يكلموا عن مصلحتك من خلال اختيارتهم و ذوقهم وتجاربهم وميولهم ونظرتهم واخيرا قرارتهم
بالزمه مش بتبقي عايز تقولهم
هااا انا هنا موجود وليا صوت ولو حتى مش مسموع بس اهو صوت بيعافر للوصول

[شموع الروح]

يارب أنت للي عالم بأسرار القلوب
وأدري بالنفس
فلا تحملنى ما لا استطع

[شموع الروح]

ليه الدنيا مكنتش بسيطه
وحشونا >>>نسئل عليهم
ليه كل الامور معقده
ليه مينفعش وعيب وميصحش
ليه كرامتى وكرامتك
اذا كانت ظروف وأحوال ودوام الحال من المحال
ليه عشان ناس مصعبه كل حاجه
نقطع ما بينا حتي الأرحام
ليه

[شموع الروح]

مستنيه أيه مش عارفه
يمكن بكره للى ديما بقول أنه هيكون أحسن
بس فعلا بكره الخميس
ان شاء الله يكون يوم حلو
مسافره لصحبتى تغير جو
يارب تبقى سفريه حلوه
بس مش متفائله
يارب خير

[شموع الروح]

خلاص تمام كدا
انا جاهزه للسفر
يارب يكونوا يومين حلوين
المنتدى هيوحشنى بكل للي فيه
الي اللقاء

[شموع الروح]

ومن القاهرة اتحدث
لحد دلوقتى تمام
والحمد لله
وشكرا جدا ليكى يا ساره انتى وآيه
وتسلمولي يارب