وصـــــايا امي (1)

[phalsteen]

مساء الخير في حاجات كدة بتعيش جوانا ممكن ننسي اسامينا ومننسهاش مش بس عشان عشنا بيها لا لانها كانت من ناس عايشه جوانا انا عمري ما كان ليا صحاب مش غريبه لان امي كانت بالدنيا ومن بعدها كانت نفسي صاحبتي لما توفت كان صعب اوي الاقي حد يشبهها عشان يحل مكانها ويعني محاولتش ادور عشان مكنش عاوزة كان كفايه الزماله بعيد عن جو الاسرار لاني صعب اثق في حد الله يرحمها كانت فعاده اقل كلمه بتقولها كان وراها قصه وانا مرتحش الا اذا فهمت معني وشرح الكلمه الوصية الاولي / خدي اللي بيحبك مش اللي بتحبيه اول مرة سمعت منها الجمله دي ضحكت وسألت : طب وليه الخيار يعني لو اخدت واحد بحبه وبيحبي هيبقي كتير عليا قالتي : طب ومين بيحب التاني اكتر نيجي بئه للسؤال دا لاني مفهتوش وقتها هو احنا ممكن نفكر في مين بيحب التاني اكتر دي ازاي ؟ يعني ازاي هقيس الحب ؟ بالكلام ولا بالفعل وحتي لو بالفعل ازاي هحدد حجم الفعل نفسه ايه النتيجه لو انا اللي بحب اكتر ؟ ولو هو اللي بيحبني اكتر ايه الفرق هنا ؟ اجــــــــــــابات اه الحب بيتقاس بس بمقياس مختلف بيبدأ من النظرة نفسها بقوة الحب باللي هيقدر يكمل للنهايه باللي فعله بيثبت عن كلامه لو انتي اللي كنتي بتحبي اكتر هتظلمي نفسك كتير لان الرجل ببساطه عقله اكبر من مشاعره فعمرك ما هتحسي بالراحه ولا هتعيشي مبسوطه ولو هو اللي بيحبك اكتر هتعيشي ملكه وطبعا اقصد ملكه في كل حاجه لانه ببساطه مش هيحس بالراحه الا اذا حبتيه اكتر ما هو بيحبك لو مش من كتر حبه هيكون انانيه الرجل لانه لازم يحس انه انتصر عليكي حتي لو بالحب طب لو الحب متساوي ودي صعبه شوية ؟ ممكن ناس تشوفها ملل لان الحب هيقف هنا وممكن يختفي او يقل عند طرف منهم والاغلب الراجل وممكن يكون بدايه لحياه مفهاش غير السعاده والحب انت هنا لو فكرت هتلاقي انت كسبان لو ارتبطت باللي بيحبك وكان عندك القدرة علي حبه والبدايه اتوجدت الوصيه التانية / قريبااااااااااااااا سيدة مصر الاولي

[™Amiliya]

جميلة الفضفضة والوصية نفرتيتي حمستيني استنى التانية

[مُنـــــايا]

وصيه جميله فعلا وفضفضه اجمل

رحم الله والدتك وجميع موتي المسلمين حبيبتي

في انتظار وصايا الغاليه

لروحك السعاده

[Stop Ana Eltop]

وصيه جمييله اوى

الله يرحمها

تسلمى لمجهوودك بقن

[محمود أبوزيد]

[A-rab3awya]

فعلا أول وصيه ديه حكيمه جدا
وعندك حق ف الأجابات و الفروض
والله يرحمها يارب
منتظرين الوصيه التانيه بقى
تسلمى حبيبتى ع مجهودك الراقى دة
:-)

[phalsteen]

اقتباس المشاركة الأصلية كتبت بواسطة ايميليا جميلة الفضفضة والوصية نفرتيتي حمستيني استنى التانية

انتي اجمل يا قلبي
نورتيني

[phalsteen]

اقتباس المشاركة الأصلية كتبت بواسطة مُنـــــايا وصيه جميله فعلا وفضفضه اجمل رحم الله والدتك وجميع موتي المسلمين حبيبتي في انتظار وصايا الغاليه لروحك السعاده

تسلميلي موني
اسعدني وجودك الراقي غاليتي

[phalsteen]

اقتباس المشاركة الأصلية كتبت بواسطة a-rab3awya فعلا أول وصيه ديه حكيمه جدا وعندك حق ف الأجابات و الفروض والله يرحمها يارب منتظرين الوصيه التانيه بقى تسلمى حبيبتى ع مجهودك الراقى دة :-)

تسلمي آلاء
وجودك اسعدني حببتي

[phalsteen]

اقتباس المشاركة الأصلية كتبت بواسطة محمود أبوزيد

ميرسي محمود
تسلم اخي