دكتورة النهاردة

[™Amiliya]

مسائكم عطر واكثر راحة

النهاردة مع نزلة البرد الي معرفش جتلي منين ضرسي وجعني ومخلنيش انام امبارح وبردو معرفش

ايه خلاه يوجعني اصلا مع اني مواضبة ع زيارة دكتور السنان زي مبيقولو كل 6 شهور ولا عندي تسوس

ولا خلافه من توابع امراض الفم والاسنان

وبقيت محتارة في الجهة الشمال هو انهي واحد فيهمب يوجعني مش عارفة ومن افتكاسات اخويا ربنا يحميه

راح الصيدلية الساعة 3 وجابلي زيت القرنفل انا حطيتو من هنا وتقريبا نمت من الحرارة الي عملها في فمي

لما فوقت الصبح ع الصداع والالم والبرد قلت يالله هو ايه كل دا طبعا دا بجنب ان الدنيا حر موت والحرارة

بسمعهم بيقولو تقريبا وصلت لـ 50 ( صيغة مبالغة من اهلي عشان الحر )

قلت مبدهاش اروح للدكتور يشوف هو انهي ضرس بيوجعني بالظبط لما رحت الريسيبشن قالت الدكتور

اجازة اسبوع وفي الدكتورة مرح قلت الله ايه الاسم دا

مع اني مبثقش في الدكاترة الستات وخاصة الاسنان لموقف حصل قدامي سببلي عقدة

زي زي معظم الناس يقولو الدكاترة الستات مبيعرفوش زي الرجالة مع انو مر عليا دكتورة كانت عبقرية

بس مع الاسف مش اسنان

قلت امري لله المهم توقف الوجع دخلت كانت العيادة بصراحة تحفة الوان ايه وريحة ايه قلت يامسهل

وفعلا كشفت عليا ومالقيتش حاجة قالتلي دا ممكن يكون تعب لثة هكتبلك مضمضة قلتلها عندي وبستخدمها

قالتلي ممكن يكون من البرد الي عندك فسمع في سنانك

طبعا ادتني مسكن وقالتلي هييرحك وابتسمت ابتسامة رهيبة

ومشيت من عندها لو اقولكم ان سناني خفت ومبقيتش حاسة بتعب ممكن متصدقوش بس دا فعلا

الي حصل معرفش ليه سكتت لما هي كشفت عليا ومبقاش في وجع اصلا

ولغاية دلوقتي

هو الاحساس الي الواحد بيحسو احيانا بيكون غلط ولا بيكون مبالغ فيه مع وجع تاني بيجي عليك وجع

استغربت اوي وقلت اكيد في ايدها الشفا كفاية بصراحة روحها الحلوة وريحتها الجميلة

/

هو ممكن المنا العضوي يسكت لما نرتاح من التوتر النفسي الي جوانا

صدقوني هي كدا واله اعلم

[A-rab3awya]

أوﻻ ألف سﻻمه عليكى
فعلا ممكن تكون حاجه نفسيه يعنى أنتى أرتحتى للعياده أو الدكتورة وكده
هو البرد لوحده رخم
وكمان وجع الأسنان معاه ....الله يكون ف عونك بجد و القرنفل حلو جدا ع فكرة بس لو ف ضرس معين وجعك
والدكاتره الستات حلوين جدا و ساعات بيبقوا أحسن من الرجاله كمان
وف جميع التخصصات
ألف سﻻمه عليكى تانى يا حبيبتى..وتابعى برضوا معاها لو أستريحتى معاها
:-)
تسلمى يا قمر

[™Amiliya]

اقتباس المشاركة الأصلية كتبت بواسطة a-rab3awya أوﻻ ألف سﻻمه عليكى فعلا ممكن تكون حاجه نفسيه يعنى أنتى أرتحتى للعياده أو الدكتورة وكده هو البرد لوحده رخم وكمان وجع الأسنان معاه ....الله يكون ف عونك بجد و القرنفل حلو جدا ع فكرة بس لو ف ضرس معين وجعك والدكاتره الستات حلوين جدا و ساعات بيبقوا أحسن من الرجاله كمان وف جميع التخصصات ألف سﻻمه عليكى تانى يا حبيبتى..وتابعى برضوا معاها لو أستريحتى معاها :-) تسلمى يا قمر

هو اول مرة الصراحة اكشف اسنان عند ست بعد الموقف الي حصل وعادة مببحبش اغير الدكاترة
الا لو سافر او حصل حاجة بس في تخصصات الستات فيها اريح واحسن واقرب ليكي

يسلملي قلبك ياعسل انتي

[ايمان طلعت]

الف سلامه عليكى ايمى
هو ربنا عمل مدة عشان تثقى فى الدكاترة الستات
شوفتى ايدها بس بتشفى
دلوقتى كل الشباب هيسئلوكى عن العيادة فين

[™Amiliya]

اقتباس المشاركة الأصلية كتبت بواسطة ايمان طلعت الف سلامه عليكى ايمى هو ربنا عمل مدة عشان تثقى فى الدكاترة الستات شوفتى ايدها بس بتشفى دلوقتى كل الشباب هيسئلوكى عن العيادة فين

هههههههههههههههه اه شفتي ازاي ياايم هو دا
مفيش عاوين كلو يروح لدكتورو ههههههههه

يسلمك يارب ياعسل

[كريم عاصم]

اولا الف سلامة عليكى ثانيا انتى بتقولى انك دكتورة انهاردة أنا مرهق جدا بقالى 24 ساعة مش نمت مفيش روشتة للعلاج والا الفيزة بتاعتك غالية لو غالية قولى من دلوقتى الف سلامة عليكى أختى إيمى دمتى في حفظ الرحمن كريم عاصم

[ساحر الأحزان]

هو العلاج النفسى بيكون افضل للوجع العضلى لان وقت التعب بتيجى التهيأت

والعقل بقى يودى ويجيب انا تعبان انا حزنان جدا

وساعة لما يروح لمختص ويقلة كلمتين حلوين


يبص يلاقى تعبة راح


فعلا العلاج النفسى مهم فى انك تقدلا تهدى من تعب والم الى قدامك


بسى انتى بقى حظك حلو

حد غيرها كان خلع الاتنين وريحك منهم خالص

[Stop Ana Eltop]

ايوووت

كله حسب الراحه النفسيه

[مُنـــــايا]

والله هو الواحد ساعات بيحس انه بيضخم الموضوع
ويوهم نفسه بغير اللي فيه..........

وساعات وجع الاسنان بيسمع لبعضه زي مره الدكتور قالتلي كده
كان في ضرس بيوجعني وأنا اقول لا الضرس المقابل ليه هو اللي واجعني

راحت قالت الدكتور الالم بيسمع في مكان تاني
وكمان مجرد الواحد بيروح للدكتور بيحس ان الالم راح
هي فعلا العامل النفسي بيلعب دور مهم هنا

الف سلامه عليكي حبيبه قلبي
وتسلمي من كل شر يارب

[محمود أبوزيد]

مبدأيا الف سلامة ايميليا
رائع طرحك دمجتيني فيه
وطرحتي سؤال بقمة الروعه
وكانت الاجابة اروع ..
تقبلي مروري