الحلقه الاولى من خارج حدود العقل

[Aya 7ekaya]

السلام عليكم ورحمة الله وبركاته ازيكم عاملين ايه ان شاء الله تماام بعد طول انتظار كنا اعلننا عن الحلقه من زمان بس اتاخرت لظروف الكسل وكده المهم انا وهبه هنتكلم عن النجاح ونقيضه الفشل هبه كلامها باللون الاسودواناالابيض الــفــشــل من اصعب الامور التى تمر فى حياة الانسان هــو الفشل فالطبيعة الانسانيه تدل على ان الانسان انانى نفعى لا يحب الخساره فكيف اذا كانت الخساره فى شئ يتمناه هو ,,,,, !! لطالما تمنى الشخص اشياء واشياء عده ولكنها فى نهاية المطاف لا تتحق بسبب ان الله لم يكتب له فيها الخير ويسبب الله الاسباب ليحدث هذا الشىء ربما لم يسعى كفاية فى هذا الامر ربما انه بدأ الامر بمعصية الله ,, ربما اغصب منذ البدايه على هذا الامر ربما ....,, ربما ....,, تتعدد الاسباب والنتيجه بالنهاية واحده هى الفشل يختلف الفشل باختلاف انواع التجارب فهناك فشل فى الدراسه واخر فى الصداقه واخر فى الحب واخر فى الحياة العمليه او الحياة الاجتماعيه وتختلف استجابة الفرد للفشل فهناك من يرفض الفشل ولو كان ذريعا وهناك من يتقبل الفشل ولو كان بسيط فكم من رجل انهار بعدما انهى السلم وقام لينى السلم من جديد ومن من رجل سقطت منه طوبه فيأس ولم يكمل الطريق ملاحظة: - رسب الصغير وينستون تشرتشل في اختبارات الفصل السادس الابتدائي، وانهزم بعدها في كل الانتخابات العامة التي دخلها، حتى فاز أخيرا وأصبح رئيسا للوزراء في إنجلترا وعُمره 62 سنة، وهو يقول: لا تيأس – أبدا أبدا، لا تيأس من إعادة المحاولة للنجاح في أي شيء، صغيرا أم كبيرا، عظيم الشأن أو قليله. وكم هو الفرق الكبير بين الامل واليأس عندمى نتحدث عن رجل يعيش بروح التفآؤل والأمل والاخر تضج حياته بانهزاميه ويأس فتلك النظرة هى التى ترسم المستقبل لكل منهمى فـ تفآئلوآ فتلك بدآية النجآح ملاحظة: - - كان رأي مُدرس الطالب توماس إديسون فيه أنه طالب شديد الغباء، لن تجدي محاولات تعليمه شيئا، وجاء سبب طرده من أول وظيفتين عمل فيهما أنه قليل الإنتاجية، لكنه كمخترع، استمر يحاول ألف مرة قبل أن يصل إلى تركيبة المصباح الكهربي، وعندما سأله صحافي يوما: كيف فشلت ألف مرة حتى وصلت للمصباح الكهربي (وكأنه استكثر الألف مرة!) فرد عليه إديسون: إن اختراع المصباح الكهربي استلزم ألف خطوة للوصول إليه. ملاحظة: رأى اديسون انه الف خطوه للوصول الى الاختراع اى انه لم يعتبر محاولاته فشلا ولكنها خطوات كى يصعد سلم النجاح استطلاع لرأى الاعضاء عن الفشل اقتباس السلام عليكم اقتباس ممكن حضرتك تقولى تعريف الفشل من وجهة نظرك وكمان ايه الحل ليه ولو ليك قصه مع الفشل والنجاح ممكن تحكيها ؟؟ دا السؤال الى تم ارساله لمجموعه من الاعضاء وكان الرد كالاتى اقتباس ايميليا الفشل من وجهة نظري حفرة نحفرها بايدنا ونقع فيها بسبب عجزنا عن امور لم نتداركها في بادئ الامر الحل ان نعيد تخطيط الشيء مرة اخرى مع تفادي ماسبق من اخطاء وبدراسة امكانياتك وقدراتك حصل معايا مرة في الكلية كان عندنا بحث في مادة الصوتيات وهي عبارة لقاء هتعملو كمجموعة مع بعض مع سيدة اعمال وكنا 4 وجيه زميل لينا عامل شو في الكلية والتحق بالمجموعة بتاعتنا وكنا فعلا واثقين جدا اننا طالما معانا فادي يبقى الامتياز في جيبنا وكنت انا ريسة المجموعة ووزعت الاعمال ع الكل وخليت لفادي الاعداد والتقديم طبعا الكل بيثق في اختياري واني هنجح المجموعة واعتمدو عليا وبدينا الشغل ومن كتر الثقة في فادي مارجعتش الاعداد بتاعه واعتمدت ع الي هيقدمو وانه هيبهرنا وفي وسط اللقاء وهو قاعد مع الست بيسالها الاقي الاسئلة عبيطة جدا وتافهة اوي لدرجة الست قالتلو ايه الاسئلة دي واعتزرت عن اكمال اللقاء وطبعا وشي في الارض ومكنش هينفع اعادة الا بعد منخلص المرحلة دي من البرنامج والامتياز الي كنا بنحلم بيه طلع 0 لاننا مقدمناش حاجة طبعا الفشل لما بيكون مع الاخرين واعتمادهم عليكي في شيء بيكون اصعب حاجة وغرور الواحد وعدم استشارته للمجموعة بردو بيسبب الفشل واتكسفت من تانيب المجموعة و عشان ترجعي الثقة مرة تانية مجهود واضطريت اني اغير الخطة للمرحلة التانية وادي فادي المونتاج واخلي زميلتي مع الضيف بس بعد تدريب والكل شارك في الراي والقرار تعريف ايمى للفشل رغم انه بسيط جدا كلمآت قليله قردت تعبر فيها باختصار عن المعنى الحقيقى للفشل وازاى ان احنا اللى بنصنع الفشل ده لنفنآ بنفسنآ م حد تانى بأيدينا ننجح وبادينآ العكس الثقه فـ النفس حلوة لكن لو وصلت لمرحله الغرور بتنقلب عكس لآزم نعمل حسآب لكل خطوة علشاىن النحاج بمقاييس والأهم ان ايميليا وقفت على رجلها من تانى ومن أول لحظة فشل كآنت بتفكر ازاآى تصحح الأخطاء اللى وقعت فيها .. اقتباس M@HMOUD وعليكم السلام الفشل هو الشعور بالاحباط بعد عدهـ محاولات وتجارب لم يكلل لها النجاح واحيانا الفشل هو عدم اعطاء الشي حقه والاكتفاء بمجهود معين لم يكن ع قدر الجهد المطلوب الحل عدم الياس والمحاوله والعزيمة والايمان بالله والقدره ع تحليل وتحويل الاخطاء الى نجاح اما بالنسبه ليا فتقريبا مفيش حاجه الا وفشلت محمود عرف الفشل كاحساس بس مش فعل او واقع وفى نهايه كلامه حكم على نفسه بالفشل فـ كل حاجة مع ان اكيد مش دى الحقيقه حتى اللى احنا بنعتقد انه فشل ساعات زى الدراسه احيانا بتكون خطوة او بدايه لنجاح مش متوقعينه لو كملنا من غير مانستسلم للياس اقتباس حلم عمري الفشل تجربة لازم تمر بيها في حياتك انا بعتبره بداية النجاح يعني مش عيب انك تفشل في بداية حياتك ولكن مش لازم تخلي الفشل دا يسيطر عليك ولا تستلم له يعني مش معني اني فشلت في حاجة اني استسلم لا لازم احاول تاني واقوم واحاول اني احقق هدفي وانجح انا بالنسبة ليا النجاح بيكون في الدراسة يعني لما اذاكر واجيب درجات كويسة يعني مثلا من فترة الشيخ عملنا امتحان في درس القران وعمل بينا تحدي وقال اللي هيجيب درجة كويسة له جايزة انا بقا صممت وروحت مسكت المصحف وحفظت بضمير الصراحة وفعلا امتحنت وجبت اعلي درجة كنت فرحانة اووي يومها بصراحة ^^ ومليش قصص في الفشل تذكر يعني اقصي فشل بالنسبة ليا لما اجيب درجة وحشة مثلا وبس ^^ وفاء جت عكس محمود خالص تعريفها وكلامها واقعى جدا وكلامها وضح انها مركزه ومحدده مهمتها فى الحياه اللى بتقتصر فى سنها على الدراسه دى اول خطوة ليها علشان توصل لقمه النجاح وفى كلامها قالت مليش قصص فى الفشل وذكرت قصه بتدل على اصرارها وحبها للنجاح وده يدل على انها مش بتحط ف دماغها اى مشكله صعبه واجهتها ف حياتها علشان تقدر تكمل اقتباس حافظة القرآن وعليكم السلام ورحمة الله وبركاته الفشل ساعات كتير بتكون حاجة قبل النجاح وهو بيبقى عبارة عن عقبات او بمعنى اصح تحديات قدام اللى عايز ينجح ولما يواجه الفشل قدامه حاجة من اتنين يا يصيبه اليأس ويبعد عن حلمه او انو ياخدها بـ افادة ويتعلم من اللى حصله ويستعين بالله كدة وممكن كمان يجرب طريق تانى ويحاول انو يحقق حلمه وان شاء الله هينجح * بعض من الكلام دة من كلام الدكتور احمد عمارة انو بيبقى فى الطريق تحديات وكدة والباقى من كلامى بس بجد حساه اوى اسراء عجبنى من البدايه انك بتقرى عن النجاح ودى لوحدها خطوة مهمه بتدى دافع كبير وكلامها قريب كتير من كلام وفاء ان الفشل بدايه للنجاح بس لو استغلينآ ده واستعنآ بالله ودى اهم حاجة ذكرتهآ اسراء اقتباس محمود أبوزيد الفشل كلمة تحمل الف معني ووراء كل حرف الف قصة الفشل من وجهة نظري ان الانسان يحس بالضعف والعجز حينما يري امام عينه احلامه تتساقط وليس بيده سوي ان يشاهد فقط.. اما فيما يتعلق بحلوله فدا بالاراده وان في شئ اسمه اولويات ولو قلت نعلم قلوبنا متبكيش علي حد حبيته وجرحها هبقي بكدب عليكي.... اما فيما يتعلق بقصة ليا طبعا اكيد في "انا الحمد لله كنت من الاوائل منذ نشأتي وكنت كل يوم يتم تكريمي وكنت مميز وطالب مثالي لدرجة ان عائلتي الحقوني بقسم علمي علوم بالثانوية العامة لثقتهم التامة بكوني سأحصل علي طب بسهوله حتي لاحظ علي اساتذتي انني باقل مجهود بارع فالاجابة ولكن لم يكن علي الحسبان فقد قامت انسانه بالتعرف علي لانني ما كنت افهم بالعلاقات اصلا واخدت رقمي من اصحابي وبدات تكلمني وبصراحه بعد كلام اصحابي قلت ااجرب مش هخسر اهملت دراستي وكنت اسيب الدروس لمقابلتها ووقت الامتحانات كانت تتعمد ان تكلمني فكنت لا اذاكر ففجأه اكتشفت انها خائنة لا اكذب انني ما كرهت بحياتي سواها وانني لم اكن معلق بها بالقدر الكافي فكانت بالنسبة لي مش مشكلة مش هنخسر لو جربنا فلحظة فشلي "لما قليت في نظر نفسي والنتيجة بتظهر وافتكرت ساعة تكريمي كطالب مثالي فندمت وحظها الوحش ههههه بتتصل بيا ساعتها متسالنيش قلتلها ايه لاني مش فاكر بس من يومها بتخاف مني بس الحمد لله الان انا هناقش ماجستير في القانون لاني مش من النوع الي بيقف ويتفرج "وشكرا من الجميل اننا نعرف الاخطاء اللى وقعنا فيها ومانستسلمش للمشاكل حتى مانبصش لورا ونقف من جديد نتعلم من اخطائنا وهو ده معنى النجاح الحقيقى لانه كان ف اوله صعب اقتباس Tّz Fë Kُl Hâgه II الفشل من وجه نظري هو ان الفرد لا يستطيع النحاج في بعض امور الحياه مش التعليم وبس لا لان فيها ناس كتير يمكن مقدروش يكملو تعليمهم لكنن اثبتو وجودهم في حاجه تانيه لكن الفشل بقا بيبقا عند الفرد العاجز عن استعياب مستوي تعليم او عدم القدره علي تخطي مراحله او عدم القدره علي التطور في عمل يعمله سواء كان زراعي او صناعي وغالبا الفشل بيكون عند الاحباط من الولدين او المدرسين في المدرسه بوصفه بعده صفات لكن الفشل ممكن يكون في حاجه بس لو الانسان عرف يقدر ده ممكن انه يتجه لشي اخر يستطيع اثبات نفسه فيها الحل بقا للمشكله دي هي طبعا غالبا المرحله دي بتبقا في عده مراحل طبعا هنبعد عم مراحله الطفوله ونبداء في مراحله المراهقه في المراحله دي فيه جزء كبير علي الاباء لتخطي الفشل للابن وهي تعزيز ثقه المراهق في نفسه من الحساسيه الشديده التي يعنياها واسناد له بعض الاعمال واذا اخطاء لا نحسبه بعنف معامله المراهق معماه الشخص الكبير ومساعده علي اللجوء الي احلام اليقظه اذا وجهته صعوبه في الحياه اما بقا في بعد 35 سنه واكثر بتكون المراحله الفشل في دي بسبب قصور ذهني او بدني والحل في هذه المرحله هو تزيد هذا الرجل او العمل الذي يعمل فيها الرجل بعنصر شباب لكي يستطيع تعويض النقص عنده سواء كان ذهني او بدني انا قصتي مع الفشل كان السنه الا فاتت وهي تانيه ثانوي لان في السنه دي كان معظم وقتي خروجات مشاهده التلفزييون وطبعا ده كله من غير مذاكره لحد ما االقوت فضل يمر من غير ما انا حاسس وجيت الامتحانات في الترم الاول قولت اعوض في التاني ونفس الحكايه فضلت اقول لسه بدري لحد ما جه يوم الامتحان وانا معرفش حاجه خلصت وظهرت النتيج لقيت نفسي ناجح بدرجه ساعتها حسيت بالفشل وشوفت ده في نظر كل الا موجود في البيت حقيقى احلى كلام انت قولته تعريف شامل مفصل لكل مرحله والفشل فعلا مش مقتصر على التعليم ابدا حياة الانسان كلها بتتحدد بالنجاح والفشل وبدايه الفشل بتبدأ من المراهقه لانها اول مراحل المسؤليات اللى بتمر بالانسان اقتباس فتحى عيسى وعليكم السلام ورحمة الله وبركاته ده موضوع يطول شرحه بس ها أحاول أبسطه الفشل في نظري أن لا تعرف قدراتك في بدايات العمر أي أن تعرف ماذا تتميز به عن غيرك هل تحب الرسم مثلا التصوير الكتابة بتحب الرياضيات أو لا تحب شئ ويوم أن تدرك إن تفضل هذا عن ذاك وتتمسك بهذه الموهبة وتمشي وراءها أي تعمل علي تنميتها والتزود بكل ما يجعلك متميزا حاضرا فيها والأهم أن تكون الدراسة خصوصا في الجامعة مرتبطة بميولك لإنها هتنفعك في مسيرة حياتك أما الفشل بيكون دراسة بدون فهم بدون وعي كل المطلوب الحصول علي شهادة وبعدين البحث عن عمل حتي لو مالوش علاقة بنوع الدراسة وعلي فكرة لو بصيتي لكل المتخرجين من الجامعات أكتر من تسعين في المية واخدين مقبول تفتكري ده يؤدي لنجاح استاذ فتحى اتكلم عن الفشل والنجاح من ناحيه القدرات والمواهب والمسيرة الدراسيه بالاخص ودى يمكن أهم شىء ف حياة الانسان او اللى بتحدد حاجات كتير لكن مش كل فاشل ف الدراسه بيكون فاشل ف حياته لان لكل انسان طريق يناسبه يعنى مش شرط يكون دكتور وناجح ! فى النهايه النجاح هو اروع احساس ممكن يحسه اى انسان لان ليه طعم خاص بعد تعب بنحس اننا انجزنا حاجة كنا بنسعى للوصول اليها ووصلنا ليها بمجهودنا الحلقه اعداد Stop Ana Eltop تقديم وتعليق Aya 7ekaya انتظرونا فى حلقة جديده مع موضوع جديد واعضاء جديده وبرنامج خارج حدود العقل مع هبه وآيه فى امــــــــااان الله

[™Amiliya]

راااااائع بجد ومتكامل
احسنتم بنات واراء اﻻعضاء جميلة وفعلا مفيدة

احسنتم

[phalsteen]

انا دخلت اشوف الفكرة
بس بجد
واووووووووووووو
اجمالا يعني الفكرة ممتازة والطريقه مفيش اجمل من كدة
اسلوب مميز فعلا
هبه وآيه احسنتوا بجد
ليا عودة
هرجع أقرأ كلام الاعضاء بئه
واقول رأيي انا كمان بئه

تقييمي ونجومي

[mohamed hosny]

كلام جميل جدا
وحقيقى وواقعى وعلمى جدا
مجهود جميل تسلم ايدكم هبه وايه

[فروتى روتى]

بجد كلام جميل جدااااا

[♥SaRa]

التوبيكـ من بدايتة لنهايتة حاجة فخيمة الصراحة
سواء كلام هبة او ردود الاعضاء او تعليقاتكـ
حاجات كويسة جداً ومفيدهـ اوي بصراحة
تسلم ايدكم ي بنانيت ومنتظرهـ الحلقة الجآية بشغف
سلمتم .

[Stop Ana Eltop]

ايمى سما فروتى ساره استاذ محمد

تسلموا ع المرور الجميل
اكيد انا وآيه كنا نتمنى ان الحلقه تطلع احسن من كدا بس النصيب بقن
وكمان الحلقه دى يمكن من رمضان وتأخيرها يعنى حرقها شويه


تسلموا ع المرو نورتوواا


ايه حكايه تسلمى ع التعليقات الجميله وتسلمى ع المشاركه المتميزه بقن
كل التوفيق ليكى فى حياتك

[احساسى صحيح]

فكره رائعه بجد ايه انتى وهبه
واحلى حاجه كل واحده وضعت وجهة نظرها عن النجاح والفشل
بطريقه مختلفه ورؤيه مختلفه عن الاخرى
تسلموا ومنتظرين الجزء التانى
تحياتى

[Stop Ana Eltop]

تسلم ع المرور

نورت