احـــلـــى مــــســا مع ( اطياف الماضي)

[انت احلى الناس]

مساء الامل والتفاؤل مساء المحبه والقلب الصافي مساء معطر برائحه الورد والياسمين احلى مسا مع احلى بنوته ... اطياف الماضي طبعا مش محتاجه اقول انها محبوبه من الكل وصديقه الكل واخت الكل هنا .. 1/ اوصفلنا شخصيتك في جميلتين ؟ طيبة وقنوعة 2/ هواياتك وطموحاتك في الحياه ؟ هواياتي القراءة وطموحاتي حياة كريمة 3/ حلم بيكبر كل يوم جواكي ونفسك تحققيه ؟ حتى لو جوايا حلم مش في ايدي احققه مفيش غير الدعاء 4/ اكتر قسم بتحبيه في المنتدى وبتحب تشاركي فيه ؟ يعني انا بحب قسم الابداعات ده غير قلم الاعضاء 5/ اكتر حد في المنتدى قريب منك وصديق مقرب ليكي ؟ كلكم اصدقائي وحبايبي 6/ مدونتك بتمثلك ايه ؟ وايه اكتر مدونه بتحبها وبتحبي تتابعي كل جديد فيها ؟ مدونتي اكتر مكان احب اروح احكي فيه اللي في نفسي من غير ما حد يقولي الموضوع هنا مش مناسب أكتر مدونة بتابعها " احاسيس صادقة " 7/ موقف جميل في حياتك ومش ممكن تنسيه ؟ يوم نتيجة الثانوية العامة خدت كمية أحضان وقبلات تكفي العالم 8/ موقف صعب مريتي بيه ومش ممكن تنسيه ؟ وفاة والدي 9/ كل انسان عندو شخص قريب من قلبو مين اقرب شخص لقلبك ؟ المشرفة سلينا 10/ احكيلنا مغامره من مغامراتك في الحياه ؟ بعد دخول الجامعة بشهر واحد طلعت عندنا رحلة للقاهرة والقناطر الخيرية طبعاً بسرعة اشتركت معاهم وكان يوم لذيذ بس اللي مش لذيذ اننا رجعنا قرب الفجر من الرحلة وكانت ليلة ما يعلم بيها اللي ربنا أهم حاجة اني مش اتلطشت زي اصحابي 11/ مثلك الاعلى في الحياه ؟ والدي رحمه الله 12/ المظهر بيعكش جزء من الشخصيه هل انتي من الاشخاص اللى بتحكم على الناس من المظهر ؟ أه طبعاً من أول نظرة بكون فكرة عن الشخصية 13/ .... من الاشخاص اللى بتثق في الناس بسهوله وعمرك ندمتي على ثقتك في حد ؟ للاسف أه وندمت كتير على الثقة الزايدة دي 14/ كل انسان عندو نقطه ضعف نقطه ضعفك ايه ؟ حساسةاوي عشان كده تعبانة في حياتي 15/ صفه موجوده في الناس بتكرهيها وصفه تانيه بتحبيها ؟ الحقد اكتر صفة بكرها والطيبة اكتر صفة بحبها في الناس 16/ لو معاكي 3وردات لمين تهديها داخل المنتدى ولو معاكي كمان 3 وردان لمين تهديها خارج المنتدى ؟ الـ 3 وردات هديها لأعضاء المنتدى كلهم الـ 3 وردات التنيين ههديهم لأهلي 17/ اخر حاجه بقا تحبي تقولي ايه ؟ احب اقول لأعضاء المنتدى ياريت نرجع للخير والطيبة اللي جوانا نرجع لطبيعتنا الخيرة ونتعامل بحب تحياااتي للجميع وشكراً نورهان على الأستضافة أسعدتني جداً نورتيني يا قمرايه انا اللى سعيده بانك نورتيني

[™Amiliya]

روني اجمل روح في المنتدى بهدوئها وزوئها الغير متناهي

ربنا يحميكي

اختيار جميل ياجميلة

[مُنـــــايا]

حلقه جميله نورهان مع ضيفه مميزه وراقيه بتعاملها مع الكل ربنا يسعدك حبيبتي لروحكم السعاده

[Ŗăήćy]

حلوة جميلة
رونى بنوتة هادية وطيوبة ^^
عجبتتى اجاباتك تسلم ايدك..نورتى الحلقة
وربنا يرحم باباكِ ويخليلك باقى اسرتك يارب

تسلمى يانورهان عالمجهود،،يدوم النشاط

[العاشق الذى لم يتب]

تسلمى نورهان والبرنامج الجميل ده
وربنايرحم والدك رونى
منورة الحلقة وتعيشى وتروحى رحلات
وترجعى الفجر ولايهمك الدنيا أمان
ربنايوفقك ويسعدك ان شاءالله
وتحياتى لكما

[همس الحنين]

حلقه جميله يا نور

ورونى من احب الاشخاص عندى

روعه الفكره والاسئله والاجابات

موفقين

[♥SaRa]

حلقة جميلة بجد
وروني من الشخصيات الهادية وروحها خفيفة وجميلة
إجاباتها كآنت حلوهـ ..تسلمِ نورهان عـ الحلقة واحسنتِ الاختيار
دمتم بود .

[morshooo]

هلا اطياف ^^
انا احب اقولكم ان اطياف بتبدع فى صفحاتها
هتلاقو شويه تهييس انما ايه عجب ^_^
طبعا منورة اليوميات والتوبيك
واتمنالك التوفيق

برنامج مميز كالعادة
فى انتظار الضيف القادم

[حافظة القرآن]

حلقة جميلة جدا
الضيفة مميزة طبعا روحها جميلة كدة وهادية

تسلمى نورهان ع الحلقة

[احساسى صحيح]

واذا الطيبه تكلمت
واذا الروح تهذبت
واذا بالتواضع تبسطت
فهى رونى
حلقه جميله مع رونى اجابات سهله وروح جميله
اشكرك نورهان على اختيارك ضيفه رائعه بكل المعانى
تحياتي لكما ..