لو كنتوا مكانها تعملوا ايه ؟

[phalsteen]

مساء الخير

من شوية لاقيت زن واحدة معرفهاش
اقصد يعني قريبتي للأسف

هي : اعاااااااااااااااااااا

انا : بتزني ليه كفايه عليا زن البيه

هي : اصلي بحب

انا : وايه اللي يعيط في كدة
هو الحب فعلا صداع بس العياط لسه بدري عليه
بكره تصوتي ويطلع روحك وتندمي ع اليوم الاسود

هي : اصلي مش عارفه اذا كان بيحبني ولا لاء

انا : يا سلام مش معبرك يعني

هي : بالظبط

انا : طب متحاولي تلفتي نظره او حتي اسـألي احساسك

هي : احيانا بحس انه بيحبني
واحيانا بحس انه شوية وهيخبطني بحاجة يكسر دماغي

انا : يا ساتر هو صعب كدة

هي : جدا تعرفي اكتر مرة كلمني كانوا كلمتين
وكل سؤال سألته كان اغنية يا بنتي وربنا
بس بحس اني لو زودت في الكلام هيسبني ويمشي

انا : بسيطه شوفي حد قريب منك ومنه يشوف احساسه
من ناحيتك

هي : افرد مطلعش بيحبني احرج نفسي انا
ومش هستحمل

انا : سيبنك منه ومتعبرهوش
ما يمكن حاسس بيكي وعامل اهبل
او في قلبه حد غيرك

هي : بحبه بقالي 3 سنين وحاولت ومفيش فايدة
حطي نفسك مكاني وقوليلي هتعملي ايه ؟

انا :

اكيد يعني مش هروح اقوله
وبعدين انا لو بحب حد محبنيش هولع في نفسي
انتقاما لكبريائي


انا بجد معرفتش احط نفسي مكانها
ومش عارفه السبب
يمكن لان الموضوع اخدته بهزار بس عارفه انها موجوعه
الحب احساس
وهو واضح ان احساس متبلد
ومعندوش دم

انا بقول تقتله وبكدة تضمن انه ميروحش لغيرها

لو كنتوا مكانها تعملوا ايه ؟

[SaMa.]

هانصحها من غير م افكر ابقا مكانها لان الل م يحسش بيا م يستحقش حبى
واى ولد البنت بتقربلو وتعبر عن مشاعرها وهو م يكنش بيحبها
موش هايتجاوب معاها لانو لازم يحبها لوحدو وموش هايتكسف ويتجبر انو يحبها
فتخليها زى ماهيا بدل م يجرحها
ويكون افضل لو تبعد عنو لانو موش حاسس بيها ودى فتره طويلة

[Stop Ana Eltop]

بصى اسما انا ليا رائ مختلف تماام تماام
هى تتكل على الله وتعتزم انها تنساه وتعوض دا بحب ربنا
من ترك شيئا لله عوضه الله خيرا منه
والكلام بسهوله والفعل بردك بسهوله لانه بستبدل الذى هو ادنى بالذى هو اعلى

ثانيا بقن تنساه عشان غلط اصلا انها تتكلم معاه او حتى تبصله ومابنى على باطل فهو باطل
هى تبدء حياتها صح عشان تنتهى صح

وكمان ايه بقن تدعى ربنا انه يقدملها الخير دايما لان الدعاء بيعالج القدر فى السماء

وعادى اصلا انى احب حد وهو مايحسش
اكيد ربنا ليه حكمه فى كدا
وخليها تتقين ان الحب مجرد تعود مش اكتر

وتسيبها على ربنااا هو كاتبلها الخير فى حد معين

[فروتى روتى]

انا لو مكنها هحاول مثلا اكلمو وافهم
منو واجر معاه كلام يعنى مثلا انت حبيت قبل كدا
طيب ايه اكتر حاجه بتحبها فى البنت يعنى من الاخر تحاول
تعرف هو عايزها ازاى وتتغير عشانو ولو بردو منفضلها وكدا
يبقى تسيبو دلوقتى ويجى منها احسن ما تيجى منو
اما بقى لو غير طرقتو وبدأ يسأل عليها ويهتم بيها بعد ما اتغير
يبقى تكمل معاه وربنا يهنيهم يااارب و تكونى استفدى منى

[♥SaRa]

آصل هي مش موضحة ي سما أصل فـ حاجات تختلف ومواقف تختلف
فـ كون انة بيبقي عايز يخبطها بحاجة يكسر دماغها ^^
فا ممكن يكون هو بيغير عليها او هي بتعمل حاجة غلط وهو عايز يقاومها
او مثلاً يعلمها ..فا لازم يكون في امور تدل عـ انة مش بيحبها
وبعدين ان الحب بيتحس اكيد هي لازم تحس بحبة ولو مش بيحبها هتحس
يا ريت توضحي شوية مثلاً هو اية المواقف الي بيعملها علشان نقدر نحكم اذا فعلاً
بيحبها ولا بيلعب بمشاعرها ..بس سؤال هو اتفقوا عـ الخطوبة او طب اهلهم عارفين ؟
.

[ŌиĹч.Ḿё]

مترخصيش نفسك هو لو بيحبك بجد هيحس بيكى
اصبرى وربنا هيكرمك لو هو نصيبك يبقى
خير لو مش كدا قربى لربنا وحبيه اوى
هيكرمك باذن الله

[Mind language]

جدعان الموقف لا يحتمل الكثير والكثير من الفلسفه والجغرافية
دى الموضوع اسهل عن كدا بكتير بصى ياقمر انتى قولتى انك
بتحبيه هنا بقى القصة ومافيها هتقدرى تستحملى الشخصية دى
بكل ما فية خاليكى جنبة لحد مايحس بيكى وياخد باله انك اقرب
حد لية وانك بتحبيه اما لو مقدرتيش تستحملى طبعه ومليتى من
الانتظار اعرفى انك مش هتقدرى تستحمليه فيما بعد اكتر من كدا
الخلاصة بتحبى بجد اعرفى انه هيجى اليوم اللى هيحس بيكى فية
سواء عاجلا ام اجلا المهم حبك هو اللى هيديكى القدره على تحمله
دا كان رائى لو كنت مكانك وبالفعل انا اتحطيت فى نفس الموقف
وحاليا هو جنبى وحاسس بيه جدا ولسة عامله خناقة من شوية .

[الاميرة نورهان]

والله مش تروح وتقوله لانى جربت مرة وكان شكلى وحش جدا

[مُنـــــايا]

هههههههههههههه
تقتليه وتخلصي منه عشان مش يروح لحد تاني

والله جدعه وجبتي من الاخر

يا بنتي افرضي هو مش بيحبها هيحبها غصب عني

من رأيي هي تحافظ علي كرامتها .. ومش تقوله حاجه

وهو لو بيحبها ربنا أكيد راح يجمع بينهم...وتسيبها علي ربنا

[العاشق الذى لم يتب]

انتى صراحة جيبتى المفيد
وعملتى الحل الصح
هى تقتله وتستريح
بس انااقترح عليها
تعزمه على واحدبيتزا وكمان كوبتشينو
وتشترى بخمسة جنيه ترمس
وتروح على النيل وبالتحديد
عند مبنى الاذاعة والتلفزيون
علشان لماتقتله هتلاقى حديصورجريمة حبها ليه بسرعة
بس الكلام ده بعد ماتساله وتتاكد
هوبيحبها ولالأ
مش كده ولاايه