وحشتينى من اول لحظة

[الاميرة نورهان]

والله انا مفيش حد يقدر يتصور حالتى النفسية وانا بكتب الموضوع ده

الموضوع انى مش ليه خوات بنات اكبر منى بس كان فى حد بيحل المكان ده وهى بنت عمى اللى اتجوزت قبل ما اكتب الموضوع بيوم واحد فقط لاغير والله كنت منهارة من كتر العياط انا مش بنكر انها فى نفس المحافظة بس المسافة بعيدة جدا بينا وبينها بس انا مش هنسى الصورة الخاصة بسبوعى وانا عندى 7 ايام بس كانت واقفة جنبى ولاهنسى قد ايه حبتنى وعرفت كل حاجة عنى مش كانت مجرد بنت عم دى كانت اختى وصحبتى

المصيبة ناى وانا اكتب كان كل البيت نازل رايح لها الا انا لانى كان عندى درس مهم جدا انا دلوقتى مش متمالكة نفسى من العياط ارجوكم ساعدونى

[شاعر الحب الحزين]

أنا لو بحب حد اروحله الهند

انتي بتقولي انها ف نفس المحافظة

لو مقدرتيش تروحي النهارده تروحيلها ف أي وقت تاني

هي اللي عملته معاكي بيثبت قد إيه هي انسانة طيبة وبتحبك

وكانت زي اختك الكبيرة وصاحبتك بالله عليكي بتستخسري فيها

مسافة زي دي وهي ف نفس محافظتك

روحيلها دايما واطمني عليها هي دلوقتي متجوزة مش هتقدر تهتم بيكي زي الأول

عندها مسؤوليات اكبر وعندها زوج تهتم بيه

رديلها الجميل بقى وابقي زوريها واطمني عليها دايما

ما تعيطيش افرحيلها انها اتجوزت وربنا ستر عليها

عقبال عندك بقى يا نورهان

اتمنالك السعادة والتوفيق

احترامي وتقديري

[حنان الجزائرية]

ياه صعب اوي
كمان انا عندي عمتي من سني قريبه مني كتير

ولما تزوجت صارمعي هيك وحسيت الحياة ملهاش معنى من غيرها

بس بمرور الوقت تعودت ودلوقتي عادي

مع الوقت راح تتاقلمي مع الوضع

بالتوفيق حبيبتي

[الاميرة نورهان]

شكرا ليك على نصيحتك بس يا ريتنى اقدر اروحلها دروسى ومدرستى ده انا مظبطة مواعيدى بالعافية انا نفسى اسمع صوتها تانى مش كان مهم الدرس بس المشكلة انى عندى امتحان حاولت مع الاستاذ انه يرجع الامتحان لميعاده التانى مش رضى اتمنى لو انها تسجل هنا وتشوف انا قد ايه بحبها

[الاميرة نورهان]

يااه انا اتأقلم مع الوضع ده مستحيل ده انا ليه 3 اخوات ومش بعز حد منهم بقدر ما بحبها دلوقتى عيلتى كلها تحت رايحة لاحلى بنت عم فى الدنيا وانا فوق بعيط واكتب واطلع اللى فيه


اه يا صفية هتوحشينى اوى

[شاعر الحب الحزين]

خلاص روحيلها أيام الجمعة ولما تبقي فاضية

او كلميها ف الفون دايما واطمني عليها

[حنان الجزائرية]

كلميها دلوقتي وقللها انك بتحبيها اوي

وانك نفسك تشوفيها يمكن زوجها يطلع حنين ويجيبها عندكم

يلا اتصلي بقى

[الاميرة نورهان]

هحاول على قد ما اقدر بس مش هاروح لوحدى
هى جوزها بيشتغل 15 يوم فى مكان بعيد فى الاجازة هابقى اروح اقعد
معاها

[حنان الجزائرية]

اقتباس المشاركة الأصلية كتبت بواسطة الاميرة نورهان هحاول على قد ما اقدر بس مش هاروح لوحدى هى جوزها بيشتغل 15 يوم فى مكان بعيد فى الاجازة هابقى اروح اقعد معاها

والله فكره حلوه

انا كمان عندي بنت خالتي لما يسافر زوجها مشان الشغل

تناديلي وابقى معاها ونقضي وقت حلو اوي

لما تشوفيها سلميلي عليها بقى

[العاشق الذى لم يتب]

يانورهان
يعنى علشان بتحبى بنت عمك
ماتتزوجش ولايبقالها بيت يعنى
انت طيبة اوى وحنانك كبير
ماشاءالله عليك
وان شاءالله
بكرة تروحى انتى كمان بيت زوجك
وهكذا الدنيالابد من المفارقة
تسلمى
ولك تحياتى وودى