احـــلـــى مــــســا مع (العاشق الذي لم يتب )

[انت احلى الناس]

مساء الحب والتسامح مساء الاخوه الجميله مساء الصداقه اللى متتعوضش مساء جميل مع ضيف جميل واحلى مسا على احلى اعضاء واحلى مساء مع مشرف الخزعبلات العاشق الذي لم يتب ازيك استاذ رفعت يا رب تكون بخير اهلاوسهلانورهان هانم ازيك انت واخبارك حبيت تنورني في برنامج احلى مسا ودي الاسئله أنورك صراحة النوربيقطع كتير وشوية النوراللى عندى يدوب على أدى فعذرينى مش هقدرأنورك وكمان اسمحيلى اشكرك لاختيارك لى وده شرف كبيرهصرفه من بنك المودة والاحترام 1/ اوصفلنا شخصيتك في جميلتين ؟ صراحة الجملتين قليلين جدا كان نفسى اوصف نفسى فى صفحتين على العموم أناالعبدالفقيرإلى الله أحب كل الناس ولاعمرى أكره حد ولاأحب الخصام ولانكد واكترمايضايقنى حكاية الخصام وأشوف حد زعلان منى بس دول كفاية 2/ هواياتك وطموحاتك في الحياه ؟ هوايتى أحب الناس والناس تحبنى وطوحاتى هى رضى الله ومحبة الناس 3/ حلم بيكبر كل يوم جواك ونفسك تحققه ؟ لوكان حلم دنيوى يبقى هو ربى يرزقنى بزوجة ودود حنون تعشقنى وأعشقها ولوكان حلم أخراوى يبقى رضى الله والفوزبالجنة 4/ اكتر قسم بتحبه في المنتدى وبتحب تشارك فيه ؟ فلم الاعضاءوالادبى والخزعبلات ويسبقهم الدينى 5/ اكتر حد في المنتدى قريب منك وصديق مقرب ليك ؟ كتيرربنايباركلى فيهم ذكورا وإناثا الحمدلله 6/ مدونتك بتمثلك ايه ؟ وايه اكتر مدونه بتحبها وبتحب تتابع كل جديد فيها ؟ مدونتى بحسها الأم الحنون اللى بشكيلها وهى بتسمعلى وبتمسح دمعتى بدون ماتعارضنى فى شيئ وكتيرمدونات بتابعها نسائيا جبل عالى سموالاميرةرودى ومروة وبسنت وبقاياصمت وآذار وشوية بنات وعاشقة الهدوء ورونى ونبض قلب وذكورا طبيب الهوى واحساس شاعر واحساسى صحيح والاميرالعاشق وشوية رجالة 7/ موقف جميل في حياتك ومش ممكن تنساه ؟ حينمارأيت الموت وأيقنت أنى ميت فنجانى الله 8/ موقف صعب مريت بيه ومش ممكن تنساه ؟ كتيراوى اوى اوى بس آخرهم لماحبيت وحدة لأكثرمن عامين وزلبحتنى واللى مش عارف زلبحة يسألنى 9/ كل انسان عندو شخص قريب من قلبو مين اقرب شخص لقلبك ؟ الحمدلله عندى كتيرقريبين من قلبى هنا وبرة المنتدى 10/ احكيلنا مغامره من مغامراتك في الحياه ؟ ولاعمرى عرفت حكاية المغامرة اناابسط مماتتخيلى بس تقدرى تقولى هى جرأة شوية مرة كنت فى مكان وبعدين شوفت شوية بنات وده فى أحدأرياف المنصورة سلمت عليهم وكلمتهم كلهم إلا وحدة وكانت هى أجملهم سألت عليها وعرفت أبوها وكان بيبيع فواكه وبيفرش فى سوق هذه القرية وفى وسط زحمة السوق روحت عنده وسلمت عليه وقولت له مباشرة أناطالب القرب منك قال فى مين قولت بنتك فلانة وكنت عرفت أسمها الراجل رد وقال شوف ياأبنى وقبل ماأسالك أنت مين ومنين والله بنتى مخطوبة وبعدشهرفرحها وقسمابالله لومش مخطوبة لزوجتهالك على طول علشان أعجبت بجرأتك 11/ مثلك الاعلى في الحياه ؟ خير ماخلق الله وهو سيدالبشرسيدنامحمدصلى الله عليه وسلم 12/ المظهر بيعكش جزء من الشخصيه هل انت من الاشخاص اللى بتحكم على النس من المظهر ؟ ليس مقياس حقيقى المظهر ولكن الحكم الحق هو تصرفاته وأقواله بعد معاشرته والقرب منه 13/ رفعت من الاشخاص اللى بتثق في الناس بسهوله وعمرك ندمت على ثقتك في حد ؟ صراحة هوده أكبرعيب فينى وثقتى العمياء وبسهولة أردتتنى المهالك 14/ كل انسان عندو نقطه ضعف نقه ضعف رفعت ؟ العاطفة والرومنسية كم أوجعتنى وأبكتنى كثيرا 15/ صفه موجوده في الناس بتكرهها وصفه تانيه بتحبها ؟ شيئان نقيضان وهما الصدق والكذب 16/ لو معاك 3وردات لمين تهديها داخل المنتدى ولو معاك كمان 3 وردان لمين تهديها خارج المنتدى ؟ صراحة اتمنى لو كانوا ثلاثين وردة لأهديتهم لأحبة هنا فى المنتدى فعلشان كده مش هقدراذكرثلاثة بعينهم أماخارج المنتدى الأولى لأمى والثانية لزوجتى والثلثة لصديق لى فى السعودية من مكة المكرمة أسمه محسن جهز المقاطى 17/ اخر حاجه بقا تحب تقول ايه ؟ أحب أقول للجميع والله ماقصدت ولولحظة واحدة أزعل أحدمنى فأعذرونى لو زعلتكم من غيرمقصد نورتني يا استاذ رفعت استنوني وحلقه جديده وضيف جديد نورهاااااااان

[ساحر الأحزان]

حلقة ظريفة نورهان

مع الحج رفعت

وموقف ظريف بتاع السوق دة يا حج

ربنا يوفقك

بشكرك نورهان

على الحلقة الظريفة

[مُنـــــايا]

حلقه جميله مع ضيف خفيف الظل
وشخصيه خلوقه يحترمها الجميع

ربنا يوفقك أخي وييسر لك الحال

مجهود جميل نورهان
لروحكم السعاده

[العاشق الذى لم يتب]

كل الشكرلك نورهان
وسعيد اكون ضيفك
ومنون اوى لاختيارك لى
ربنايسعدك
ويوفقك
وكمان نشوف البرنامج ده من انجح البرامج ان شاءالله
مع دعواتى بالاستمرارفيه
تحياتى لك

[♥SaRa]

بجد حلقة جميلة جداً
رفعت منور بجد ورفعت من الناس
الطيبين والمتميزين فـ السايت دائماً نشيط ماشاء الله عليكـ ^^
وآكيد مش حد يقدر يزعل منكـ لأن الناس الطيبة مش حد بيزعل منهم
موفق ي رفعت فـ حياتكـ لكـ السعادهـ.
وتسلمِ نورهان عـ الحلقة ي قمرهـ .

[حالمة باميرى]

ابن عمى فى الحلقة عشان كدة الحلقة منورة
شخصية اخلاق جدا
ربنا يوفقك يا ابن عمى ويحققلك الى فية الصالح

[شاعر الحب الحزين]

مساء جميل بطعم السكر

مساء بلون الورررد الأحمرر

مع رفعت الجميل منورررررر

مساء مليان حب واكترررررر


نورهان استضافة جميلة جدا

واختيارك لرفعت ف محله

انسان جميل وكل الناس بتحبه

لأنه فارض احترامه ع الجميع هنا

وإنسان مرح وروحه جميلة


بحييكي على مجهودك نورهان

وف انتظار الضيف الجاي بإذن المولى سبحانه وتعالى

احترامي وتقديري

[الأميرة رودي]

زلبحتك يعني ايه أرفعت ههههههههه
وبعدين رايح تطلب ايد بنت وهى مخطوبه
ده كلآم برده
يعني سألت على اسمها وعرفته ومش عارفه تسأل اذا كانت مخطوبه ولا لاء

حلقه جميله جدا جدا
ورفعت انسان طيب ودود
ان شاءالله تحقق طموحك وهو رضا ربنا عليك
و ربنا يرزقك ويرزقنا الجنـه
تسملي نورهان مجهود مميز حبيبتي
ف انتظار كل ضيوفك

[اميرة الحب الضائع]

حلقه رائعه و ا/رفعت من الاعضاء المميزين

الاسئله روعه والاجبات اروع

تحياتى يا قمر على البرنامج الرائع

[™Amiliya]

رفعت من الشخصيات الجميلة والمحترمة بجد هنا

اجابتك عفوية وحلوة زي حضورك

تسلمي يااحلى البنات ع اللقاء