اخــــــر كتاباتي || متصدقيش ||

[phalsteen]

الكلمات دي اخر حاجة
هكتبها
او هنزلها
لاني اعلنت اعتزالي



متصدقيش
الحب وهم
متضعفيش
خليكي وحدك
متقربيش
هتاخدي ايه
من صدق قلبك
غير ضعف
يسرق كل عمرك
عيشي وقتك
مـ الحياه
ودوسي علي
كل اللي راح
هتكشي ايه
من عشق خانا
وهنبكي ليه
ع دنيا فانيه
خلينا ننسي
ومن سٌكات
نرجع الحلم
اللي فات
لو حتي يقتلنا الجراح
هنعيش ويسعدنا النواح
اصل الحكايه متساويش
في ناس بتبكي
عشان تعيش
وناس بتدبح قلبها
عشان ميبش ضعفها
لو مرة نقسي
او حتي ننسي
هنعيش ونبقي
ولا جرح يقدر
ولا حزن يقتل
طيف الغرام


بقلم / سيدة مصر الاولي
معتزل جديد

[شاعر الحب الحزين]

حلوة الكلمات يا سما وجميل احساسها

بس ايه حكاية الاعتزال دي

انتي فاكرة نفسك لعيبة كورة هههاي

لا طبعا هتفضلي تكتبي وتكتبي على طول

وهتفضلي ف مكانك دايما اللي محدش يقدر يعوضه بعدك

خلي بالك من نفسك بقى

احترامي وتقديري

[مُنـــــايا]

ال اعتزال ال

ليه يا بنتي كده ايه حصل

بس كلمات جميله جدا

واحساس أجمل


لروحك السعاده

[العاشق الذى لم يتب]

ضيعتى فرحتى
بجمال الكلمات
يعنى لازم تقولى هعتزل
بذمتك ده وقت اعتزال
مش تستنى لغاية الموسم الشتوى مايخلص
بلاش الهزاراللى بيزعل ده ياسما
حلفتك بالله بلاش كلمة اعتزل
وعلى رأى خالد
هو انت فاكرة انك حرة تعتزلى متى شيئت
لا طبعا
احنالايمكن نوافق على اعتزالك
ولايمكن يكون المنتدى من غيرك
ولاعاوزة تعرفى غلاوتك عندنا
انت اغلى الناس كلها

[♥SaRa]

جميلة اووي كلماتكـ بجد لدرجة اني لحنتها اهـ وربونا
بجد كلماتكـ كلها احساس ومشاعر من قلب فقد الحب وبقي جرح مفتوح
لكن دائماً ما يبقي الامل فلا تيأسي مع الله
تسلم ايدكـ عـ الكلمات بس احزنتيني لية الاعتزال قلمكـ مميز .

[SaMa.]

كلامك حلو وفيه حقيقه لام نفهمها
وخسارة تبطلى كتابه اومال مين الل هايكتب

[همس الحنين]

جميله يا سما

ومش جديد من قلمك الابداع ده

ومتصدقيش غير قلبك

تسلمى

[Words Whisper]

عارفة
هي الفكرة انه مع الحب يفضل المنطق
وتفضل منطقة أمان لاتقاء لؤم الحب ..


جميلة
تسلمي حبيبتي ..

[جبل عالي]

دائما تبقى الروعة التي تلازم الحروف
حتى وان غاب اصحابها وراء الغيوم

كوني بكل الخير وبأمر الله يكون العود القريب