قتل الطموح

[ساحر الأحزان]

السلام عليكم ورحمة الله وبركاتة

الواحد لما يكون صغير بيكون تفكيرة فى الطموح على قد عمرة يعنى وهو طفل صغير
ولسة بيرضع بيكون عياطة كلة أنة يرضع من صدر والدتة أو رضع صناعى ويشوف صورة والدتة وكمان وهى بتداعبة ..

لما يبتدى يزحف على رجلة بيكون همة كلة أنة يلف البيت كلة وهو فرحان ويروح هنا وهناك ؟

ولما بيقى يبتدى يمشى على رجلية خطوة خطوة بيكون فى قمة الفرح ومبسوط خالص وخصوصا لما تجبلة لعبة حصان ولا عربية يلعب بيها قمة الأنبساط عندة ولو حد خد لعبتة منة يصرخ ويعيط ويقلب الدنيا ؛؛

ولما بقى يبتدى جسمة يكبر شوية شوية عاوز لعبة تناسب عمرة زى الدراجة او مسدس أو بندقية رش أو لعبة مكعبات وعند البنات عروسة كبيرة بتتكلم وبتلعب

وهكذا وكل ما الواحد عمرة يكبر يبص بقى للحاجة الأكبر ألى بتناسب تفكيرة وتنمى مواهبة والحاجة القديمة بتبقى ذكرى عندة ؟

بنبص للعيبة الكورة المشهورين ونقول لية ما طلعنا زيهم ولا النجوم المعروفين فى أى مجال ونقول برضة نفس الكلام

هو مفيش فرق بينك وبينهم فى حاجة غير الطموح والذكاء مع عامل التوفيق

مع طرد عامل الكسل والخمول والنظر تحت القدمين ياة لسة حذاكر لا ياعم دى مدرسة صعبة ولا كلية صعبة ولا مجال صعب الحلاوة فى انك تقدر تختار المجال

الصعب وما تستسهل بسى يكون صعب على قدر طموحاتك وأعلى منها بشوية

أنا حذكر مثال حقيقى بسيط للطموح ودى قصة حقيقية واقعية شفتها بعينى

كان فية راجل بسيط وعلى قد حالة الراجل دة كان كلة شغلتة بيع الحلويات واللب والسودانى والحاجة الساقعة فى القطار ودة مش عيب جدا طالما الراجل دة بيعمل عمل شريف يقدر يوفى بية مصاريف بيتة بدل الاعتماد على الغير ؟

الراجل دة كان عندة بنتين وولد البنات كبرت وربنا وفقة وعانة وقدر يجهز ليهم جهاز محترم وهما دلوقتى سعداء فى بيوتهم مع أزواجهم

أنما الولد الصغير دخل فى التعليم الأزهرى وطبعا أحنا عارفين أن دراسة الأزهر بتبقى صعبة شوية لأن فية مواد دراسية بتنضاف لطلابة منها تفسير الأحاديث وحفظ كتاب الله كاملا مع كل مرحلة دراسية

ربنا وفق الشاب دة لحد لما وصل لمرحلة الثانوية العامة الأزهرية وبرضة ربنا وفقة فى أنة يدخل المجال ألى حبة وهو كلية الطب بجامعة قناة السويس

هنا الفقر عمرة ما يقتل الطموح بالعكس بيزودة لما بتسمع كلام حلو من والديك فى أنك ترتقى أعلى المناصب وأنك مش شوية المهم أنك تعتمد على نفسك وما تفقد ثقتك بربك وفى قدراتك مع بذل مجهود تحس وقتها بطعم النجاح الحقيقى

رؤية بسيطة

تحياتى

[الأميرة رودي]

كل انسان منا بيكون فى قلبه وعقله طمــوح
ومهما كانت العقبات والتحديات بس بيفضل الحلم جواه يكبر
وهنا دور الاصرار والعزيمـه
ماتيأسش مهما كان تحقيقه صعب..
الواقع اللى بنعيشه حاليا يخلى أغلب الشباب تتخلى عن طموحها فى ظل الظروف الاقتصاديه الصعبه
وللآسف دي حاجه بكون حزينه عليها
ولكن مش بيحاول يفكر انه ممكن مع اقل الاسباب تزول كل العقبات دي وتلاقي ف لحظه حلمك اتحقق
ومثال لكده الرجل الفقيـر اللى احسن تربيه أولاده..
عُمـر الفقر ماكان عائق لشئ
يمكن الفقير ربنا بيرزقه بالرضا والصبر
وعشاه صبره ورضاه بقليله عوضه خير فى اولاده

فضفضه جميله أمجد
تسلــم

[حالمة باميرى]

احلى حاجة لم تحلم وتقدر تحقق حلمك ودةعمرة ما هيجى الى بالطموح
زىما بتقول
موضوع راقى وجميل
انا كان حلمى ادخل اعلام بس اخرى جة تجارة الحمد الله دة طموح برضة ههههههه

[♥SaRa]

كلامكـ كلة صح فعلاً ي آمجد
و الطموح محتاج ثقة محتاج آيمان بالله محتاج صبر
محتاج انكـ يكون عندكـ امل ونظرهـ للغد مشرقة
وعمر ما الطموح يقتلها الفقر او الوسطات او العقبات
الطموح محدش يقدر يقتلها غير نفسكـ الانسان هو الي بيقتل طموحة
مش حد تآني ..
فا كون طموح وهتوصل لهدفكـ مهما كآن صعب
تسلم عـ الفضفضة ي امجد جميلة يدوم النشاط .

[همس الحنين]

قد يقتل الطموح الفقر

وقد يقتله الضعف

وقد تكون عوامل المجتمع عامل قوى

لقتل اى طموح

لكن من ايقين انه لابد من المحاوله لتحقيق اهدافه

بيصل بالنهايه رغم تعثره

فالامر بيعود على الانسان قبل المجتمع

راقيه تلك الفضفضه

احترامى

[™Amiliya]

ع قدر حلمك وطموحك تتسع الارض

كلما كبرنا يامجد اتسعت احلامنا وطموحاتنا تكبر معنا
ان عرفنا قدراتنا وامكانياتنا اكيد هتفرق في تحقيق اي طموح ولا يمكن يتقل طموحي طالمل عارف قدراتي ومقدرني كويس

فضفضة جميلة منك امجد

[حمص باشا]

فضفضه جميله أمجد
تسلــم

[Lamees]

الفقر عمره ما يقتل الطموح
بالعكس يمكن يكون حافز لزيادة الطموح
والتمسك بتحقيق الحلم

راقية فضفضتك ساحر
دمت بود ..~

[العاشق الذى لم يتب]

الطموح شيئ مطلوب ومرغوب
وهو ايضا شيئ مباح وحلال
والاسلام امرنابالعمل والامل
وليس الفقردليل لتحطيم الطموحات
وامشوافى مناكبها وكلوا من رزقه وإليه النشور
وكم كثيرة هى النماذج والتى ذكرت إحداها
فى مجتمعنا بل كل الدنيا
رائعة هى فضفضتك امجد
سلمت يمناك
مودتى

[اميرة الحب الضائع]

فى ناس بتشوف الفقر عائق لتحقيق الاحلام

بس الى بيبقا عندو هدف وحلم وواثق من نفسو هيحققو

حتى لو كانت ايه ظروفو مفيش حاجه اسمها ظروف فى انا عندى

حلم هحققو وعندى اصرار على كدا واهم من كل شىء عندى ثقه فى الخالق

انو ديما معيا وهيقف جنبى

تسلم امجد على الفضفضه