اتبرع وانقذ الكهربا

[همس الحنين]

السلام عليكم ورحمة الله وبركاته

كل يوم خطاب يجنن

من خطابات معالى سيادة رئيس الجمهوريه

بس المره دى بجد انا احترت اقول ايه

من كم الابداع فى الخطاب

ماشى

المهم

تبرعوا

ياناس طالبين تبرعات

مره لانقاذ مصر

ومره لقناة السويس الجديده

ومره للكهربا

بس اعتقد عيب من رئيس جمهوريه

يقول مافيش حل

محتاجين كام مليار

بدل تبرعات لبناء مدارس اتبرع للكهرباء

طيب من الاخر يا معالى الرئيس

ما ترجع فلوس مبارك اعتقد امريكيا اعلنت ان ثروة مبارك تعدى 33 مليار

ودى فى بنوكها وبس

طيب خد من احمد عز

ولا لازم الفقير بس يدفع

لازم الفقير بس يتعب

لازم البنزين يغلى والمواصلات والعيش

ويشيل كمان الدعم

وغير مصاريف المدارس

كان الله فى عون الشعب

هى دى افكار رئيس بلدنا

تبرعات ومافيش

فين الحلول يا ناس

وفى الاخر اتبرع وانقذ زميلك

ياترى لسه بنقول

هو ده منقذ البلد

ياترى فى حلول اخرى غير مافيش

ياترى فى حد غير الفقير يتبرع

نقاش بجد محتاج كلام غير التبرعات ايه الحل

همسات فوق القمر

[Stop Ana Eltop]

انا لو معايا مش هتبرع بس للاسف مش معايا

بصى لو مكنش الناس دول بيجوا ع الغلابه مكنوش بقى معاهم الفلوس دى

ولو مكنش الغلابه بيطبقوا كلامهم مكناش وصلنا لحالنا دا

محتاجين اصلاحيات كتير لنفوسنا وعقلياتنا قبل الرئيس

ولو ع الفلوس يمسكونى وزارة الماليه اسبوعين هخلى الناس تاكل ددهب

محتاجين عقول فكرييه بجد تدير البلد

ناس اقتصاديين فلته كداا مش اعوان الزيزى

[Lamees]

تقريباً هو مش بيقدر غير على الفقير
ده كمان بيجبر الموظفين على التبرع
من غير ما يوافقوا باعتبار أنهم مش هيقدروا يقولوا لأ
انا خايفة يجي في شهر ويقولنا مفيش مرتبات الشهر ده
وكله من أجل مصر
يا بسنت انتِ حاقدة ليه الراجل عايزنا فوق فوق اوي
في السما بس ده بعد ما تطلع روحنا
ويقولك أل نرد جزء من جمايل البلد علينا
طيب انا راضية زمتكم البلد قدمتلي أيه
ولا حاجة ده انا حتى لو تعبت ماليش تأمين
فين وظيفتي فين حقي فين وفين
يا حبيبتي الحاجة الوحيدة اللي لسه مبنحاسبش عليها هي الهوا
واكيد بيدرسوا انهم يعبوه في ازايز عشان يبعوه
وربنا يتولانا برحمته

[♥SaRa]

هو مش عايز تتمد ادينا لبرهـ ودهـ شئ كويس معلش أحسن ما نستلف من دولة تآنية والدولة
دي قصاد الي هتديهولنا سواء مبلغ مالي او معونة بتطلعهم علينا كلنا فيما بعد .
بصي انا مش هقدر اقولكـ انة صح ومش هقدر اقولكـ انة غلط هو مش صح لأنة رفع علينا
الاسعار وكمان عايزنا نتبرع طب ما ترخص الاسعار علينا فا هنتبرع ^^
وهو مش غلط بردوا لأنة مش خلاهـ فرض يعني الي معاهـ وعايز يساهم اوكـ مش فية اي
مشكلة يتبرع ..والي مش معاهـ خلاص بردوا مش فية مشكلة خليكـ قاعد فـ بيتكـ ي حج .
واحنا مش هنيجي يعني نكسر البيت فوق دماغكـ ونقلكـ هات التبرع ^^ ..آصلها مش ضريبة
فا هو لما عمل حكاية التبرعات دي كان علشان نقدر نكمل قناهـ السويس وفـ نفس الوقت هما
بيشغلوا الفلوس وبعدها بيترجع لينا بزيادهـ يعني زي نظام البنكـ كدهـ بيستثمروا فلوسكـ وبعيدين
بيرجعوها وعليها بوسة
وكمان المبالغ مش كبيرهـ يعني كا طالب 10جنية وآظن احنا الـ 10 جنية دي بنشحن بيها كرت
مش هيحصل حاجة لو خليناها لصالح البلد واهو نشوف حظنا امكن يتعدل .
وكمان دي حاجة كويسة خلي الناس الاغنية الي عـ قلبهم قد كدهـ يعملوا حاجة تنفعهم واهو
يتبرعوا هما كمان
احنا مش خسرانين حاجة طالما مش فرض يبقي كدهـ تمام انما لو فرض الصراحة يبقي فعلاً ظلم موضوع جميل بسنت تسلم ايدكـ
ووربنا يهدي حال البلد ي رب .

.

[ابو نصير]

الإنسانه ........ همسات
تبرعوا من أجل أبو الليف لبناء الوتن ومن أجل مسر
بعد أن امريكا ودول الأنقلاب رفعت يداها عن الدعم فانفضح أبو الليف
فعلى كل فرد من الشعب يتبرع بصابونه وسلك مواعين ليليف الحكومه
لكى تجلب لنا التسول على نضافه ....
همسات ..
انا مواطن حر وعندى شرف وهتبرع بفيشه وسلك عريان عشان ابو الليف عرى الغلابه
والوطن ..
الخطاب القادم التبرع هيكون من أجل الراقصين والراقصات على أنغام وموسيقى
أبو الليف

شكرا استاذه الموضوع طويل وعاوز خبراء ليحلو مشكلة مصر
ابو نصير

[العاشق الذى لم يتب]

هذا لايملك غيرالعجز
وماالعجزة إلا وهم بوق يزعق فى خرابة
لدى عقول خربة

[الأميرة رودي]

محدش يقدر ينكر ان الحاله زادت سوء وأصبحت أصعب
بس الواحد عنده أمل لآن تنفيذ اى مشاريع نتاجها مش بيظهر ف وقتها
واحنا مع خطوه قناه السويس الجديده للاخر
ياريت تيجي بفايده ع الناس ونحس بتغير للافضل
اما بالنسبه للكهربا فمش عارفه الخلل فين لحد دالوقتى!!
ربنا يصلح الاحوال
تسلمي بوسي

[M@HMOUD]

واحد بقىي رئيس من غير برنامج
طبيعى ان كل حاجه يقول تبرعوا
مفيش فكر مفيش اى حاجه
وبيلعب ع وتر الوطنيه عند الناس البسيطة
هى دى مصر
لا تعليق

[اميرة الحب الضائع]

الاول بيشحتو علينا من بره وكنا بنعديها عشان الشعب محتاج

انما هتشحت من المحتاج عشان تدى لمين

يعنى هو سؤال لما انت هتاخد من الناس هتدى لمين ولو الناس دى معها

هتديك ليه مهم معاهم والحمد لله

افكار جهنميه الصراحه

سواء من الرئيس ولا من الوزرا

الواحد جالو انبهار فى الذاكره

[A-rab3awya]

للسيسي: مش قد الشيلة ماتشيلهاش

مش قد الشيلة ماتشيلهاش يا عسكري

أهم ما في خطاب المجرم نقطتين

النقطه الأولي انه بيقول لمفوضيه إني ضحكت عليكم ومفيش حلول ومفيش حنية ومفيش وبكره تشوفوا مصر

النقطة التانيه هي تبرئة للدكتور مرسي والدكتور هشام قنديل وحكومته من المشاكل اللي كانت موجوده مع انها مكنتش موجوده بالشكل ده

ذنبك ربنا بيخلصه ياريس مرسي انت والدكتور هشام ،،، ولسه