عاجل .. طارق حامد فى الزمالك رسميا لمدة 3 مواسم

[აα∂ Ԑγεა]

تعاقد مجلس إدارة نادي الزمالك مع طارق حامد لاعب وسط فريق سموحة لمدة ثلاثة مواسم
بعدما تواجد اللاعب منذ قليل في مقر النادي الأبيض للتوقيع على عقود انتقاله للقلعة البيضاء.



ولن يتحمل الزمالك أي تكاليف إضافية نظير إتمام الصفقة مع النادي السكندري
حيث سيتحمل طارق حامد جزء من المبلغ المالي في الصفقة من جيبه الخاص،
مثلما ما حدث مع إسلام جمال مدافع الفريق حيث سيتم الخصم من مستحقاته
على مدى السنوات التي سيتواجد فيها داخل النادي.

جدير بالذكر أن الاهلى تدخل فى الصفقة منذ ساعات قليلة عن طريق وائل جمعه مدير الكرة بالقلعة الحمراء
، بينما حسمت رغبة اللاعب إنتقاله للزمالك
...

[الأميرة رودي]

كالعاده الآهلى عينه ع اللى رايح الزمالك
بس والله طلع أصيل
تسلم للخبر الجميل محمود

[აα∂ Ԑγεა]

اقتباس المشاركة الأصلية كتبت بواسطة الأميرة رودي كالعاده الآهلى عينه ع اللى رايح الزمالك بس والله طلع أصيل تسلم للخبر الجميل محمود

طارق يعتبر هدف للاهلي والزمالك من البداية
علشان مستواه الكبير اللي قدمه مع سموحة
ببساطة يعتبر افضل لاعب في الدوري المصري الموسم الماضي
واضافة كبيرة جدا جدا جدا جدا للزمالك
رغبة اللاعب كانت حاسمة لدرجة انه اتنازل عن 3 مليون جنيه
علشان يلعب في الزمالك

شايف انه عندنا لاعيبه كتيرة لكن مع بطولة دوري 36 جولة !
هنحتاج لاعب بالامكانيات واللياقة دي

منورة يا رووودي

[عيون مصرية]

مبروووووك عليكم بقا
بس طالما اللاعب اختار الزمالك
ده الافضل ليه انه يلعب فى النادى البيحبه
تسلم على الخبر

ودى

[აα∂ Ԑγεა]

اقتباس المشاركة الأصلية كتبت بواسطة عيون مصرية مبروووووك عليكم بقا بس طالما اللاعب اختار الزمالك ده الافضل ليه انه يلعب فى النادى البيحبه تسلم على الخبر ودى

اها من البداية وهو قايل انه رغبته الاولي والاخيرة الزمالك
وانه يا الزمالك يا يكمل في سموحة

تنازل عن ملايين من عقده واتنازل لسموحة عن فلوسه
وكمان فضل الزمالك مع انه سموحة بتلعب دوري ابطال افريقيا الموسم القادم

النوعيه دي من اللاعبين بحترمها جدا وان شاء الله هيكون رائع مع الزمالك
تسلمي للمرور والرد