صراع الاجيال

[Aya 7ekaya]

السلام عليكمهو موقف حصل معايا
الحقيقه ضايقنى
كلنا عارفين مصطفى حسنى والبرنامج بتاعه ال كان بيجى ف رمضان
ديما كان بيتكلم مع الشباب ومن ضمن كلامه كان بيتكلم عن الحب
ده شىء طبيعى لانه بيخاطب الشباب فـ لازم يشوف المواضيع ال بتشغلهم علشان يسمعوله
وانا جايبه الحلقه جيه بابا سمع الكلام واتنرفز منه وقعد يقول ايه الكلام الفاضى ده حب ايه وبتاع


طيب كل جيل وليه تفكير وده طبيعى
يعنى اكيد والدى ووالدك لما كانو ف نفس جيلنا كان ليهم تفكير مختلف عن سنهم الحالى بسبب السن
ليه دلوقتى الاجيال القديمه مش معترفه بافكارنا رغم اها كانت موجوده زمان فى جيلهم ؟ بغض النظر كانت صح و لا غلط يعنى انا مش بحلل الحوارات بتاعه الحب لكن ده تفكير طبيعى بيمر بيه كل انسان ف مراحل حياته
وكان فى حب بدليل زمان ديما كنا نسمع ف الافلام شاب يبعت جواب للراديو علشان يهدى اغنيه لشخص معين
بغض النظر ان اصلا كلام مصطفى حسنى كله كان عن الحب الحلال ! وبينصح الشباب يفرقوا بين الحب الحلال والحرام ويسعوا اليه


دلوقتى ليه الصراع ده بين الاجيال ؟
وهخل ده شىء طبيعى وصحيح ولا شىء غلط ؟
وكل خص فينا لما يكبر هيرفض بردو افكار الشباب الصغير ؟

[مُنـــــايا]

شوفي حبيبتي هو كل جيل بيشوف نفسه انه هو الصح

مع انه عاش نفس المرحله وكان بردوا اللي قبله بينظروا ليه النظره ده

هي توارث أجيال مش اكتر ,,

هو من جهه طبيبعي طبيعي بدليل انه لسه موجود حاليا ومعاكي اهووو

بس فكرة انه صح ولا غلط ..ده بتعود علي الشخص نفسه
يمكن هو الاب شايفها صح من وجهه نظره من باب خوفه علي اولاده

من الوقوع في الشيء ده بصرف النظر عن موضوع الحب او غيره
فبيعتبر ده حرص منه

وممكن يكون غلط بالنسبه لينا لاننا محتاجين اللي يفهمنا ويناقشنا ويقنعنا بفكرته
او نقنعه احنا بفكرنا .......وهكذا
فكرة اننا لما هنكبر هنرفض افكار غيرنا ..فده متوقف علينا احنا وطريقه تفكيرنا

موضوع قيم حبيبتي
لروحك السعاده

[العاشق الذى لم يتب]

والله ساعات بشوف شاب بينصح راجل عجوز
ولكن هيفضل الجدال شغال
وهيفضل الشباب محتاج توجيه
وربنايهدى الجميع
شكراغآية
لطرح قيم

[ساحر الأحزان]

مهو كل جيل بقى بيقول انا افضل من الجيل الى قبلى

وكل جيل يبقى لية مميزاتة وسلبياتة

بسى زمنا غير زمنهم


وزمنهم غير زمن الى قبلهم

وكل وكل واحد متمسك بالافضلية بتعتة

[♥SaRa]

هو آكيد مش كل الاجيال السابقة بتعترض عـ حاجات من جيلنا
لأن كل شخص ولية وجهة نظر فـ ممكن باباكـِ يعترض عـ حاجة مثلاً
وبابا لا يعترض عليهاوممكن بابا يعترض عـ حاجة لا يعترض علية باباكـِ
فا الحكاية مش الجيل كلة ومش معممة عـ الكل كلها وجهات نظر.
وآكيد فـ جيلهم كان فية عيوب وكان فية حاجات وحشة واحنا نعترض عليها
وآكيد بردوا جيلنا فـ حاجات وحشة فا هما يعترضوا عليها .
وكلة حسب فكر الشخص ذات نفسة .
ودهـ شئ طبيعي انة يحصل بس اختلاف بعض العادات القديمة والحديثة
واختلاف الفكر وطالما فـ اختلاق فكر يبقي اختلاف الرأي .
اما بالنسبة لأني لما أكبر أصراع جيل اولادي فأنا هكون ام ديمقراطية ^^
موضوع جميل اية تسلمِ .