وبعد ماتبتسم. تطلع الصوره بالمقلوب..!

[الأميرة رودي]

جــرح الناس غايه عند البعض
احساس ميت جواهم
مجــرد دقات ف القلب عشان يكمل ايامه وسنينه ف الحياه
إنما يدق لفرحه حد من اصدقاءه أو لـ مواساه شخص حزين أو لـ بكاء طفل

استحاله
لما تقابل شخص فى مشوارك بـ الحياه ووسط الزحمه اللى بنعيشها كل يوم
والقدر يجمعك بيه من وسط المئات اللى بتقابلهم ,, ويكتبه لك صديق
تحس ان ربنا عوضك عن حاجات كتير كانت ناقصاك فى الدنيا
وخلاص بدأت تبتسملك عشان البسمه على وشه بمليون بسمه تانيه
وفجــأه زي مامتعودين من الدنيا على المفاجئـات ( الغير سارة) غالبا
تلاقي صديقك ده كان بيرسملك البسمه على وشه
وصدق فى تظراته
وهو مش قادر حتى يكون صادق مع نفسه
ضعيـف ,, مهموم من نفسه ,, مش قادر يحقق الابتسامه لروحه
بيدمر قوته وقوه اللى حواليه
وجوده شـــر على نفسـه وعلى اقرب الناس ليه

تحس وقتها ان القوه اللى بتدمر دي هى قوتك انت
فتقول ياريتني ماعرفته ولا قبلته ولا كنت من بين المئات اختارته
ولكن القدر ..
ترجع تبتسم ابتاسمه جديده ( المره دي على نفسك وعلى لعب القدر بيك)
وتقولها بصوت مخنوق
بعد ماابتسمت .. طلعت الصوره بالمقلوب ..!!

فضفضه .. نفس

[Aya 7ekaya]

كتير الدنيا بحسها بتعمل فينا مقالبونعرف ناس ونفتكر ان خلاص هنفرح ومش هنزعل طول حياتنا نطلع مخدوعين
نحس كل مرة ان فى حاجة جوانا بتتهد وتتكسر وتتقل روحنا من الهموم
فضضه جميله سارة

[هادية]

اعتقد ان الدنيا لاتكف عن لعب تلك اللعبة معنا جميعا

فما اكثر الطعنات التى تلقيناها

وما اقل اصدقاء الذين فزنا بهم في مشوارا لحياة الطويل

تحياتى لموضوعك

[محمود الصاروخ]

القلوب شبه الحجاره ولا حنت يوم ولا لانت
م الصحبه دوقنا المراره حتى العشره يارودى هانت
واللى يسالك عن أصحـابك قوليله أيـام و كـانت

[العاشق الذى لم يتب]

هكذا الدنيا
يوم تجمعك ويوم تفرقك
وهذا صديق غالى
وذاك صديق عابر
وهذا حبيب وتلك حبيبة
كل يومٍ هو فى شأن
والدنيا كلها فانية
ولايبقى إلا وجه الله
شكرا سموالأميرة
مودتى

[*قمر*]

مفيش حد يعرف الدنيا بتخبي لنا ايه يمكن بنقابل ناس وحشه كتير بس دة ميمنعش ان فيه ناس كويسين ويمكن دة خير لك وربنا هيعوضك بالاحسن بعد كده هي صعبه اوي لما تحس انك اتخدعت في حد او واخد فيه مقلب بس الدنيا بتمشي وربنا بيعوض خير المهم نتعلم من اللي بيحصل

[Lamees]

نعم هذا هو الحال
نحن لا نختار قدرنا
وهو القدر الذي يرسل بهم الينا

فضفضة جميلة رودي
دمتِ بسعادة لا تفارقك

[الأميرة رودي]

اقتباس المشاركة الأصلية كتبت بواسطة aya 7ekaya كتير الدنيا بحسها بتعمل فينا مقالب ونعرف ناس ونفتكر ان خلاص هنفرح ومش هنزعل طول حياتنا نطلع مخدوعين نحس كل مرة ان فى حاجة جوانا بتتهد وتتكسر وتتقل روحنا من الهموم فضضه جميله سارة

فعلا
كمان بحس انها مش بتدينا اللى احنا عاوزينه
يمكن بتدينا اللى مش فارق معانا
اما اللى محتاجينه بتحرمنا منه
وجودك جميل آيه
تسلميلي ♥♥

[الأميرة رودي]

اقتباس المشاركة الأصلية كتبت بواسطة هادية اعتقد ان الدنيا لاتكف عن لعب تلك اللعبة معنا جميعا فما اكثر الطعنات التى تلقيناها وما اقل اصدقاء الذين فزنا بهم في مشوارا لحياة الطويل تحياتى لموضوعك

تمام هاديه
صدقتي فى كل حرف
أشكرك للاضافه والتواجد الآنيق

[DR.SMA]

الحلو مش بيكمل ولا بيدوم
بس كمان الوحش يا رودي لا بيكمل ولا بيدوم
لان الدنيا اصلا مش فيها دوام
لازم ناخد بالنا في حياتنا ان كل حاجه فيها نواقص وليها نهايه
عشان نبطل نظره الكمان والمثاليه والدوام
لإن النظره دي هي الي بتصيبنا بالإحباط في اخر المطاف
وللأسف محدش مننا بيقدر يغير النظره دي
كلنا كـ بشر بنبص تحت رجلينا
او على الاقل بنبص للحاجه بفكره الدوام
جميله فضفضتك
منوره ..