,, تابع افضل تربوى

[Stop Ana Eltop]

السلام عليكم ورحمة الله وبركاااته ازيكم عاملين اييه ان شاء الله تماام مش عارفه اكتبلكم ايه انهارده حقيقى الطفوله هى اهم مراحل النمو زى ما اخدنا فى علم النفس هى المرحله الى لو اتعبرت بسلام بيعيش الفرد حياه سويه متزنه فى جميع المراحل اسس التربيه كتيييره فيه اخلاقيا بتعتمد ع الدين وفيه بدنيا بتعتمد على الام وفيه سلوكيا بتعتمد على الى قدام الطفل اولا اخلاقيااا بنواجه مشكله كبيره اوى فى التربيه وهى اننا بنعلم الطفل من سن 2 - 6 سنوات كل حاجه غلط كل سلوك مش محترم .. اول كلمه بنعلمهاله تف على عمو يا حبيبى وبعد السن دا مع مرحلة دخول المدرسه بنزعل ان سلوك الطفل سئ ونبدأ نعلمه الصح ونقوله ان تصرفات الاربع سنين الى فاتوا كلهم غلط علما بان العقل البشرى لا يقبل التناقضات ودا بيخلى الطفل دماغه تلف هو منين كانوا بيضحكوا لما اعمل دا الاول ومنين دلوقتى بيزعقوا ودا ف الغالب بينتج عنه طفل متخلف وذو عقليه بلييده عاوز تربى طفلك صح ,, ابدء معاه صح من الاول اولماتبدأ تشغل جمبه حاجه عشان يسكت شغل قران مش اغانى لما تيجى تعلمه علمه التبسم بدلا من التف علمه الاحترام جوه البيت قبل برااه عرفه وجود ربنا ,, عرفه الدين ,, عرفه الاخلاق على حق وقتها هيبقى طفلك قاائد همام ,, هيقود المجتمع ويبنى حضاة بلده فى يووم ازاى تشجعى طفلك وتحفزيه !! اول حاجه 99 % من الاباء والامهات بيستخدموا الضرب والعنف وسيله للتربيه ومش عاوزه اقولكم انه دى طريقه رجعيه متخلفه عشان انتوا اكيد عارفين الطفل اصلاا بطبعه عنيد بمعنى انك كل ما تضربه كل ماتصرفه الخطأ دا هيزيد واذا مكنش بيعمله قدامك هيعمله ورااك وبزياده ولما يكبر هيبقى الغلط هوايته ويمكن دا الى بيحصل دلوقتى ان الاجيال الموجوده حاليا والاتيه فى المستقبل بقوا بيستباحوا الغلط وبيتفاخروا ويتباهوا بيه عشان الاساس مكنش متين اولا حبى طفلك وحببيه فيكى وعرفيه قيمتك عنده ودورك العظيم فى حياته واهتمى بيه ثانيا ماتنهيهوش عن حاجه وتيجى انتى تعمليها عشان مايفقدش الثقه فيكى ويبطل يسمعلك ثالثا اول حاجه تعلميها له الاحترام لان الاحترام بيترتب عليه كل الصفات الكويسه الموجوده رابعاا اهتمى بتحفيظه القران عشان يكون هو دا الاساس الى هيمشى عليه فى حياته خامساا خلى كل حاجه عنده ليها قدر وحدود بلاش تخليه يفضل يتفرج ع الكرتون طول النهار بحجة انه مشغول فيه وانتى عاوزه تشوفى مصالحك او انه بدل مايلعب فى الشارع اعرفى ان عقلية طفلك فى الوقت دا بتتشكل بلاش يشكلها من الكرتون والالعاب المتحركه دى اقعدى معاه وهاتى العاب تركيبيه وقص ولزق وقصص مفيده وساعدى انك تبنى شخصيه اسطوريه سادساا كافئيه بس مش بافراط بمعنى انه لما يعمل حاجه كويسه اعمليله اكله بيحبها او حتى عصير او اعطيله فلوس او هاتيله لعبه جديده او اقل تقدير بوسيه عرفيه انهعمل شئعظيم يستحق المكافئه عليه عشان يكرر الفعل لحد ماتبقى عاده عنده بس مش معنى كل انه كل حاجه يبقى عليها مكافئه عشان هيتعود مايعملش حاجه من غير مقابل سابعاا كنوع من التشجيع اعملى زيه مش معاه يعنى لما يبقى بيحفظ قران احفظى معاه شجعيه ,, بيحل واجباته هاتى كراسه وقلم وافضلى اكتبى اى حاجه جمبه عشان يتشجع ثامناا خلى صوتك دايما هادى عشان هو يطلع شخصيه هاديه متفهمه بلاش صوتك يبقى من اسوان للسلوم عشان نزل الشارع وطلع هدومه مش نضيفه او انه معملش واجباته لاء بالراحه وبالهدوء تحذير: خلى فى بالك دايمااا الطفل اعند مايكون على وش الارض تاسعاا خرجيه وفسحيه حتى لو هتتمشوا فى الشارع او هتقفوا فى البلكونه تهزوروا وتضحكوا مع بعض حسسيه ان الدنيا حلوه وجميله وتستاهل انها تتعاش من الاخر بقن يا حاجه انتى لزمن تربى طفل سوى وكفايه الاجيال المتخلفه الى طلعت على مر العصور دى واهم اهم حاجه بلاش تربى طفلك زى ما اتربيتى لان زمنك عمره مايبقى زمنه على بن ابى طالب كان ليه مقوله بيقول لا تحملوا أولادكم على أخلاقكم فإنهم خُلقوا لزمن غير زمنكم " وبس معنتش لاقيه كلام فى امــان الله بقن

[™Amiliya]

هههههههه والله الموضوع دا اجمل موضوع قريته
اسلوبك جميل بجد وطرح مميز

[رآقيہ بأخلاقـى]

لا بجد موضوع جميل اوى وفيه نصائح جميله هبه
برافو عليكى نصائح غاليه ومهمه لكل ام
تسلم ايدك يا قمر .. بالتوفيق ان شاء الله

[مُنـــــايا]

يسلموا ع الافاده والمعلومات القيمه
خالص الشكر والتقدير
لروحك السعاده

[العاشق الذى لم يتب]

روووووعة
يسلمووووووو
ويدوم التميز والنشاط
لاحرمنا جديدك والمفيد
دعواتى مع تحياتى