التعليم بين الفهم والتلقين .. رؤيه شخصيه

[احساسى صحيح]

موضوع شائك حبيت انى اطرحه فى مقالة اليوم
كان له تأثير كبير جدا فى حالة الوطن بين الثوره واللا ثوره
التعليم فى مصر وفشله فى إخراج اجيال بتفكر وتتمتع بالذكاء
هو ناتج ما وصلنا له الآن من واقع مرير على الارض
هناك قول يقال :
إنه ليس كل خريج جامعه بمثقف
وانا مع هذا اقول بكل قوه وهذا ما اظهره حالة الانقسام الحاليه

يختلف الامر من شخص للآخر حسب الميول وحب الاطلاع
ولكن ما الذى خلق ذلك الوضع المزرى ؟
هو طريقة التعليم السيئه التى اغلبها يعتمد على الحفظ فقط
ودون الشرح والفهم ,, وهذا ما خلق اجيال كثيره
يتخرجون سنويا ويخوضون غمار الحياة
ووصلوا لمراتب كبيره بل كان منهم دكاتره
فى كافة تخصصات الطب ولكنهم ظلوا محلك سر
ليسوا مطلعين على اى احدث الوسائل العلميه وليس لهم طاقه
او قدره على التفاعل مع اى مستجدات
وذلك لأنهم تعمدوا الاتكاليه والهدف الواحد وهو النجاح
وفتح عياده والتوقف عند هذا الحد,, لذلك نشاهد آلاف الاطباء
المصريين الفشله الذين يتخرجون سنوياََ
ويبقوت عمرهم كله محلك سر ودون اى طموح او تقدم
بل الاغلب منهم يتخرجون وينجحون عن طريق الغش
عندما يصطدمون بأسئله تحتاج إلى تشغيل العقل
نسبه كبيره من هؤلاء إبتلى بهم الوطن
واصبحوا فى كل مكان الآن يأن منهم الكثيرين ومن فشلهم
ويتوجع الكثيرين من فشلهم
....
نقطه آخرى من المقاله حبيت إنى اطرحها وأوضحها
وهى ما اعتمدت عليه فى الفكره واردت ان اوصله بالعموم
وهى فكرة التلقين او الحفظ
او كيفية ونسبة ( التلقى ) والتفكير فيه وما مدى مصداقيته
وعند تطبيق هذا البند سيصطدم الكثيرين بكم الجهل
الذى يعيش فيه ملايين من المتعلميين المصرين
وخريجى الجامعه الذين يأخذون افكارهم ومعلوماتهم
عن طريق التلقين وهذا اساسه نابع مما حاولت ان اوصله
نظام التعليم الفاشل الذى يعتمد على الحفظ وليس الفِهم
شخص ربما قضى كل سنوات التعليم الخاصه به
على نمط واحد وتفكير واحد وهدف واحد
وهو النجاح بأى وسيله ومهما كان شكل الوسيله
غِش كانت او حفظ او تلقين رخيصه او حسنه
الاهم إنها تخلوا من محاولة الفهم ومعرفة المبطن من المطروح
حتى يستطيع الانسان التطور والابداع ويكون فكره من رأسه هو
ولا يملى عليه اى شخص كيف يتحدث او بماذا يؤمن او اين الصح واين الخطأ من خلال عقله هو فقط

المواطن المصرى بين الفهم التلقين
معادله ليست سهل تغيرها بين ليله وضحاها
الاهم مما طرحته الايمان بالفكره والوصول لمحتواها
لانه هى فقط القادره على تغير الشعوب
من الاسوء إلى الاحسن

تمت ..

[الأميرة رودي]

كلنا عارفين ان التعليم ف مصر بيعتمد على التلقين والحفظ من غير استيعاب كافي
ويمكن التعليم العربي عموما كده
الطالب مهتم فقط بالمهنج الدراسي اللى هيخليه يجيب مجموع حلو اخر السنه
بعد مابينتهى العام بينسى كل حرف كان فيه
لانه حافظ مش فاهم..الا من رحم ربي
يمكن لو اتعودنا من صغرنا زي مابتعمل الدول الاوربيه ف نشأه أولادها
ونحاول نحبب الطفل فى القراءه من بدايات تعليمه
هيكون اكتر وعي وحب للاضطلاع وبالتالي اكتر ثقافه
وقتها هيكون فاهم مش بس حافظ
لكن هنا بننمي فى الطفل فكره المدرسه والدروس وذاكر عشان تنجح وتجيب مجموع حلو
انما ذاكر عشان تبقى انسان مثقف تفيد نفسك ومجتمعك...لاء
مش تنسى كمان نسبه التعليم الضئيله
دى اثرت بشكل كبيرفي تغييرات مجتمعيه بتحصل من فتره للتانيه
وناس بتقول آمين على اى كلام يتقالها
.......

مقال رائع ياسر
طرحت مشكله وقضيه بالفعل محتاجه النظر فيها
تسلم

[العاشق الذى لم يتب]

شوف ياصحبى
هى كده
وهتفضل كده
ومااظنش هيجى يوم هتتغيرمنظومة التعليم فى مصر
ولاكل العالم العربى عامة
وكمان احب الفت نظرك
ان هناك الكثيرمن الحاصلين على الجامعات
وتجدعقلهم اقل من طفل ابيدائى
ياسر
قول ياباسط تلاقيهاهاصت
بس كده

[*قمر*]

منظومه التعليم باكملها فاشله عشان مبنيه علي اساس غلط من البدايه كل اللي يهمهم يحشو عقول الطلاب بالمعلومات مش مهم هيستفيدو ولا لا المهم يخلصو شغلهم مش مهم الطالب دة هيتعلم ولا لا هيستفاد من المعلومات دي ولل مجرد شويه كلام بيحفظهم يدخل يكتبهم في الامتحان وخلصت الحكايه علي كده وحتي المناهج تحس فيه انفصال بينها وبين الواقع عشان كده الواحد بيتخرج تحس انه تايهه اللي اتعلمه حاجه واللي مطلوب منه في ارض الواقع حاجه تانيه وعشان كده تلاقي اسلوب وطريقه التعليم هي اللي بتكره الواحد فيه وبعد مايخلص دراسته مش بتلاقي عنده رغبه في انه بتعلم ويطور من نفسه الا قله يعني ولو عايزين نبدا صح اهم حاجه لازم نهتم بيها هي التعليم

[Lamees]

نعم ياسر تلقين دون فهم
منظومة فاشلة لا شك
مجموعة من المناهج المطلوب
منك في مدة قصيرة حفظها واتقانها لتخوض الاختبار
وبناءاً على مجموع الدرجات يكون تنسيقك في مكان
تستحق ان تكون به او لا مجموع الدرجات فقط من تحدد
مصيرك وطريقك بل ومستقبلك كله وهذا ما يتبعه الطلبة الحفظ
وكأنهم وعاء للشحن وياتي يوم التفريغ في ورقة الأجابة وأن سألت
أحدهم بعد الأمتحان عن معلومة بالمادة تجد أنه قام بمسح وأعادة تشغيل
لعقله دون هذة المادة فنحن وللأسف ندرس من أجل مجموع الدرجات وليس من أجل
الثقافة هنا الفشل ليس من الطالب الفشل هنا من منظومة التعليم والقائمين عليها
فأن ترك الأمر بيد الطالب سترى الأبداع لأن لن يدرس ويثقف عقله سوى من يريد فقط
وليس من فرض عليه أمر معين وتحت ضغوط لأبد ان ينجزها

طرح رائع كالعادة ياسر
عودة متألقة
دمت هكذا
روني ..~
تقييمي

[انت احلى الناس]

فعلا دي مشكله كبيره التعليم في مصر
فيه ناس فعلا بتتخرج ومش بتكون عارفه حاجه خالص

ربنا يصلح الحال
تسلم ياسر على الموضوع
تحياتي

[♥SaRa]

للأسف ان نظام تعيمنا فاشل فـ لما هتطلع أجيال بتطلع أجيال البعض منها فاشل بنسبة 75% !!
لأنة زي ما وضحت حضرتكـ كل التعليم مبني عـ حاجتين الحفظ والتلقين ودهـ مش بيصنع علماء
لأن الوآحد مفروض يكون فاهم كل شئ فاهم دي بيتعمل بيها اي ودي بيتعمل بيها اية .
دي لو لقيناها بنحط اية عـ اية وهكذا لكن وآحد حافظ هيدخل كلة فـ كلة .
هو الحفظ مطلوب لكن يجب ان يكون هناكـ جزء كبير من الفهم .
وبالنسبة لأن بعض الطلاب للأسف بيكونوا عايزين يتخلصوا من العلم وخلاص حتي ولو بالغش.
فـ دهـ شئ مؤسف لأن بالنسبة للطالب التعليم كـ عقاب عايز يتخلص منة علشان كدهـ مش فارقة معاهـ يفهم او يحفظ او يغش زي ما قلت لأن النتيجة وحدآحدهـ بإعتقادهم وهو التخلص
من العلم .
مقال جميل ياسر فعلاً بيناقش قضية بنعاني منها يومياً
سلم يمنكـ.

[سندس]

دلوقتى معظم خريجى الجامعة مبيعرفوش حاجة عن شغلهم
و لا بيستفيدوا من اللى درسوه فى الكلية و بينسوه
اول ما يسلموا ورقة الاجابة
و كذلك فى ثانوى و اعدادى و ابتدائى و كله
لان نظان التعليم عقيييم بمعنى الكلمة
يسلمووووو عالطرح اخى

[Words Whisper]

المشكلة مش بس في منظومة تعليم فاشل
المشكلة ان المجتمع نفسه جزء من المنظومة الفاشلة دي
المجتمع كله عايز خريج ثانوية عامة يدخل طب و صيدلة أو هندسة وإلا يبئا دخل كلية وخلاص !!
ونظرتهم لذكاء شخص من عدمه = جايب مجموع كام و درجاته ف المدرسة إيه !!
المجتمع نفسه بيقول : احفظ وخلاص
مش مهم بئا اللي بيحفظ دا بيستفيد إيه ولا هيفيد المجتمع بإيه
المهم يجيب الدرجات اللي عايزينها وإلا يبئا غبي
مع ان من التجربة الواقعية النسبة الأكبر من اللي بيجيبوا مجاميع عالية مجرد حفيظة ومخهم مش بيفكر
ودكاترة الكلية معظمهم دكاترة فشلة بس بيعرفوا يسمعوا المنهج لكن مش يطبقوه
وحتى في بيوتنا الأهل بيتعاملوا بمبدأ التلقين وكلمة عيب مش تسأل ..


احنا مجتمع فاااااااااشل ..


موضوع قيم
شكرا ياأ.ياسر ..

[همس الحنين]

التلقين اساس التعليم المصرى

مش الفهم المطلوب من اى طالب يحفظ كم هائل من المعلومات

ليس للفهم والمعرفه ولكن ليجتاز الاختبارات

وتعالى عند الاختبارات الشهريه وحط خطوط مالهش عدد

اسئله غريبه حتى اتعود الطال على عدم الابتكار

عندنا مثلا فى الازهر

مافيش امتحان الا ونلاقى اسئله خارج المنهج

تانى شئ لازم نجاوب بنفس نص الكتاب

اى شرح من الفهم الاجابه بتكون غلط

يعنى من الاخر متشغلش مخك علشان تجاوب

بس احفظ بالسطر والكلمه

وتلاقيهم بعد كده حتى مش فاكرين كانوا حافظين ايه

الحل

تغير جذرى وشامل لكل منظومة التعليم

تغير المناهج كلها لتساعد الطالب على الابتكار والفهم

بس اعتقد لو فهمنا هنتعب الدوله وده مش مطلوب

قيم طرحك وهدفه راقى

احترامى