قالتله راضيه اكونلك عشيقه

[phalsteen]

مساء الخير

كان في بنت متحرر بزيادة مستهترة
قابلها شاب للأسف حاول يستغل استهتارها بكل الطرق
في الوقت اللي قابلها انسان ملتزم وعرف قصتها
وساعدها كتير انها تتخلص من الشاب دا
بعد ما وصلت الحكايه لمحاولات الابتزاز والتهديد

الشاب الملتزم دا اخلاقه مسمحتلوش يسبها في موقفها دا
ساعدها وبعد الانسان السئ دا عن طريقها
وكمان كان ليها اخ بيساعد وينصح
لحد ما اخلاقها اتحسنت

بس هو نظر لها نظره عمل خير
يعني عمل كدة بدافع اخلاقي مش عاطفي
لكن هيا طبعا حبته بجنون
حاولت بكل الطرق انه يحبها
لكنه كان بيحب

فعلا ارتبط بانسانه بتحبه وبيحبها واحتراما لها قالها عن الموضوع
وهيا قدرت واحترمت صراحه واخلاق زوجها
وحمدت ربنا اوي علي النعمه دي

وبعد مرور فترة
في شغل الانسان دا راحت البنت دي ليه
وبدأت تطارده تاني
وطبعا الموضوع بدأ يعمل خلاف بينه وبين زوجته
لان المفترض انها تبعد عن طريقه

لحد ما وصلت ان الانسانه دي بدأت توقع بينه وبين زوجته
وتحكي ليها قصص وهميه ما بيها وبين زوجها
وانها كانت ع علاقه محرمه بيه

محاوله للضغط عليه
انه يقرب منها باي طريقه
لدرجه انها قالتلته
راضيه اعيش دور العشيقه لو مش هينفع اكون زوجه تانيه

الانسان دا وصل بيه الحال للندم علي المعروف اللي عمله معاها
وكمان مش عارف ازاي يبعدها عنه
والمشكله ان زوجته حبها ليه بيخلي غيرتها تعميها عن الحقيقه ؟

يتصرف ازاي ؟

[رآقيہ بأخلاقـى]

دى مشكله كبيرة آوى يا سما
ومحتاجه حل سليم علشان يقدر يتخلص من الشيطانه اللى دخلت حياته
وعايزة تدمرها ... ياريت اعرف حل هفكر كدة فى حل كويس
واجى تانى يمكن اقدر افيدك بشئ ..

[مُنـــــايا]

بصراحه فعلا مشكله صعبه

يعني ده جزاء ان ساعدها تحاول تخرب عليه بيته
انا مش هعرف افيد اوي هنا بس ممكن هو لو في حد من أهلها يذهب ليهم
ويحكلهم علي معروفه معاها ومساعدته ليها وهي قابلت المعروف بالاساءه

وكمان لازم زوجتها تكون عاقله ويكون عندها ثقه في زوجها
وبدل مت تغير وتصدق كلامها تقف معاه وتساعده وتحاول تبعدها عن حياتهم
مش تخليها تسيطر عليها بكلامها وكذبها ....
خصوصا ان زوجها صارحها بكل شي ....

[شاعر الحب الحزين]

يرجعلها الإنسان اللي كان بيحبها من قبل ما يبعده عنها

بشرط انه يتجوزها وتعيش معاه في الحلال

يا إما يتني ويتجوزها هو ما دام بتحبه ومتعلقة فيه كده

بس بشرط انه يعدل بين الاتنين وما يجمعهمش مع بعض ابدا

الحب ده ابن لذينة يمكن لو الراجل مش متجوز كانت سابته وما اتعلقتش فيه كده!!

كمل جميلك يا عم الحج واتجوزها

عارفة يا سما

البنت دي مش هتسيب الراجل هتفضل متعلقة فيه

هيلاقيها ف كل حتة زي القضا المستعجل

هي بترسم انه يتجوزها ف أي وسيلة وقالتله راضية اكونلك عشيقة

عشان يعرف انها متعلقه فيه ويتجوزها

خيرا تعمل عشيقة تلقى ههههاي

جميل الموضوع يا سما

من واقع حياتنا وحالنا ف الحب الغريب العجيب

تسلم إيديكي راجعة بقوة

حمدلله ع السلامة

[*قمر*]

خير تعمل شر تلقي هو دة نتيجه المعروف اللي عمله فيها سبحان الله ايه الناس دي
الغيرة عامية خصوصا لو فيه حب مراته كان المفروض تثق فى جوزها اكتر من كدة و تحترم صراحته معاها و اما البنت دى قالت لها اللى قالته مكنتش صدقتها خصوصا انه اعترف لها من الاول ومكدبش عليها ولازم تبقي عارفه جوزها كويس المهم انه يحاول يمنع مراته عنها وهو كمان ميشوفهاش بس قبل دة يشوفها هو ومراته مع بعض ويكلموها مع بعض ومراته اكيد هتشوف قد ايه هو صادق وبيحبها وخايف علي بيته بعد كده ولو عاندت بقي معاهم يفهموها انهم هيكلمو اهلها يمكن تخاف لو متلمتش عنهم بعد كده يشوف اهلها بقي اذا كان لها اهل يلمو بنتهم ويربوها من اول وجديد

[العندليب الاسـمر]

لو قلنا انها بسيطة اكيد بنكذب علي نفسنا
للموضوع اطراف ثلاثة تحتاج الي تحليل

المستهترة : بدت من ملامح كلامك انها لا يردعها وازع ديني او اخلاقي عن الحصول علي ما تريد او ترغب بدات قصتها مع شاب من نفس فصيلتها واعتقد انه كان انسب لحالتها من الملتزم وهذا للاسف ما لم يدركه وهو يقدم لها يد المساعدة اعتقد انها لم تحبه بمعني كلمة حب فالحب ابدا لا يدفعنا الي ان نقدم تنازلا عن ما يفترض انه اغلي ما نملك ناهيك عن ان هذا التنازل يفقدنا حبنا فرجلنا الملتزم هذا حتي لو كان احبها لا اعتقد ولا اتصور انه يمكن ان يرتبط بانسانة استعدت ان تقدم له نفسها وقد تقدم علي نفس الخطوة ان احبت غيرة

الملتزم : رجل شهم وطيب وصريح لا اعتقد انها وقعت في حبة الا لما لمست فيه من رجولة ونخوة فضلا عن انه لون جديد بالنسبة لها تصوري انه اخطا بصراحتة الزائدة فكثير من الامور في حياتنا الاحتفاظ بها في طي الكتمان ارحم من بوح بها قد لا يثمر الا مشاكل لا تنتهي ناهيك عن خطاة الفادح في ان يسمح لتلك الانسانة التي ساعدها علي التواصل مع زوجتة فاعتقد انه كان الافضل ان يتعامل معها علي انها حالة قدم لها يد المساعدة وتنتهي بمجرد انتهاءها

الزوجة : كحال زوجاتنا جميعا مهما كان شرحك لملابسات ما يحدث ومهما بلغت درجة معرفتها بزوجها وما يدور حوله تبقي الغيرة فاصل مشترك لا يمكن ان تعيش زوجة مصرية بدونها لكنها اخطات كثيرا في حق زوجها رغم صراحتة المنقطعة النظير معها ورغم معرفتها بامر ما اقدم عليه من بدايته ولو كان لدية نوايا غير طيبة ما صارحها فضلا عن انها كانت لابد وان تعلم ان ارتباط المستهترة بانسان كهذا يجعلها يقينا فيها شئ من صفاتة فالطيور علي اشكالها تقع

الحل من وجهه نظري : علي هذا الاخ الملتزم ان يتحرك في كل الاتجاهات مرة واحدة لينهي الامر تماما ويقطع عليها وعلي زوجتة ايضا كافة خطوط الرجعة
اولا : يقطع عليها كافة سبل الاتصال بينه وبينها وبينها وبين زوجتة سواء تليفون او بتجنب الماكن التي يمكن ان يلتقيها فيها وان ذهبت الي عملة يرفض مقابلتها نهائيا
ثانيا : فهمت من الكلام ان لها اخ عليه ان يتحدث معه علي الفور بكل هدوء علي ان يراعي عدم جرح مشاعرة بالحديث عن انها عرضت عليه نفسها ولكن يكفي ان يتكلم معه في حدود انها تحبه وانه غير مستعد للتجاوب مع هذا الحب باي شكل من الاشكال وان زوجتة وبيتة اهم عنده من الدنيا وما فيها وعليه بايقاف اختة عند حدها
ثالثا : مخاطبة زوجتة ليل نهار وعدم الكل او المل من الحديث معها حديث العقل فهي في النهاية انثي لا يمكن الا ان تغار فهذه طبيعة تكوينها فضلا عن ان غيرتها تدل علي حب جارف له فلولا هذا الحب ما غارت عليه وان لمت عليها شكها الذي وصل الي تصديقها فعله للمنكر لكن تبقي في النهاية سيدة تحب

تحياتي لطرحك اختي الكريمة نفرتيتي

وطريقة سردك الشيقة

[Mind language]

بسيطة الحل كله فى ايد مراته هو طبعا كل اللى يهمه
انى علاقتة الزوجية متتأثرش يبقى يركز على مراته
ويحط كل تفكيره وجهده فى كيفية اقناعها بحقيقة
واخلاق البنت دى مهما كانت مراته غيوره علية
فأكيد هو هيقدر يقنعها بانى البنت دى بتألف افلام
هندى وبتتفرج على برينكا وكاترينا كيف كتير
المهم مراته هى الاساس وهى مفتاح المطب دا
لو قدر يقنع مراته بحقيقة البنت اكيد حياته الزوجية
هتستقر وتستمر على احسن حال بأذن الله .

[انت احلى الناس]

بصراحه هيا مشكله يعني
هوا ساعدها وهي بدمر حياته

المفروض زوجته تثق فيه ومتسمعش لكلام البنت دي
ربنا يصلح الاحوال
تحياتي

[SaMa.]

ده مدخل من الشيطان عن طريقها
والحل الوضوح مع مراتو وم يخبيش عنها حاجه
ويصمم ع موقفو مع البنت دى وهى هاتزهق

[العاشق الذى لم يتب]

كتيرة النماذج دى
حلهايكمن ان الانسان يتقى الله
ونادى ربه
ان ينجيه
كما فعل يوسف عليه السلام
والحق لابد ان ينتصر
شكراسما
تحياتى