تربية الابناء .....

[همس الحنين]

السلام عليكم ورحمة الله وبركاته فى جمله قرأتها ويمكن اعجبت بها رغم غرابتها الجمله بتقول متربيش بنتك على الخوف من الشارع لكن ربى ابنك على عدم التحرش بالبنات فى الشارع الجملتين دول من اغرب الجمل اولا هو فعلا التربيه أساس كل شئ واى مجتمع بينهض بأبنائه وكلما أحسنا التربيه كلما أنتجنا جيلا على القيم والاخلاق فى الجمله الاولى متربيش بنتك على الخوف من الشارع تمام التربيه بالخوف امر يأتى بنتيجه عكسيه بس المفروض نربى البنات على الاخلاق الجمله الثانيه ودى بجد اللى استوقفتنى كتير ازاى نربى الابناء على عدم التحرش قى المستقبل كلامى لا يخص قضايا التحرش انما يخض التربيه انت او انتِ ازاى نربى الابناء على تلك الحكمه وبنفس الوقت ا زاى تزرع الثقه فى بنتك تأمن على نفسها فى الشارع وهل التربيه بالخوف ممكن تيجب نتيجه افضل كما يظن اغلب الاباء منتظره ردكم

[شاعر الحب الحزين]

موضوع جميل جدا يا همسات

للأسف في الوقت اللي بيتم فيه التحرش

بيبقى زمن التربية انتهى يعني الخطأ مش من عند الأباء

هما ممكن يبقوا ربوا وكبروا بس ده طيش شباب

يعني الغلط من عند الولد اللي بيتحرش ده هو لو عنده دم واحساس

ونخوة وغيرة على اخواته مكنش عمل كده بغض النظر عن الأهل

لا في الوقت ده هعدل الجملتين يا همسات

ربي بنتك تتحشم وهي ماشية ف الشارع

وعلمي نفسك يا أختي تبعدي عن الطرق المليانة من المتحرشين دول

حاولي تمشي مع اكبر عدد ممكن من صاحباتك عشان تحافظي على نفسك

متقعديش جنب راجل ف الأتوبيس وما تطلعيش ف أتوبيس لو هتفضلي واقفة فيه

وللأب

قرب من ابنك علمه كلمه بزوق خوفه هدده

اختصر كل ده وجوزه عشان يبعد عن التحرش

وللي بيتحرش

احترم نفسك انتا تقبلش لأختك ان حد يتحرش بيها

اعتبرهم كلهم اخواتك انتا متعرفش ظروفهم ايه

متقولش هي اللي لابسة كده انتا واجب عليك تنصحها

مش تتحرش بيها عيب عليك

أو ادعيلها ف سرك ربنا يهديها غض بصرك هتبعد عن التحرش


يارب استر على بنات المسلمين واصلح حال شبابنا اللهم آمين

موضوع جميل همسات رغم الواقع الأليم

بس الطرح قيم جدا

ربي يعطيكي العافية

احترامي وتقديري

[ساحر الأحزان]

بغض النظر عن التربية فى الصغر همسات فية عوامل تانية مهمة بتتدخل فى السلوك

وهى الصحبة والدراسة والعامل الدينى المهم؟

ألى بنتمنى أننا نشوفة متواجد داخل المنزل وخارجة من النصح من علمائنا الافاضل لان دى

منظومة عندك متكاملة سوء بيت او مدرسة او فقة وتعلم دينى
لما نزرع فيهم الشعور دة ويبكبر من صغرهم ويشربوة صح

مع المتابعة والتقارب لان دى شىء مهم فى ان ابنك او بنتك تكون صريحة وما يخبو شىء

ظريف موضوعك همسات

[كاسر الصمت]

أن لم يكن فى اعماق النفس ايمان

فلا داعى للبحث عن كل جميل

نتمنى فقط ان نصبح ملائكة أو على الاقل أدمين

فى القول والافعال أن كنا نعمل ونعلم ان الله ينظر لنا فى كل شئ

ونربى الابناء بنين وبنات على ان هذا حلال يرضى وهذا حرام بغضب الله

افضل بكثير ان نخاف العيب لأرضاء الناس

القوى افضل من الضعيف فى كل شئ ولن نكون اقوياء فى تربية الاولاد

ولا فى الشارع ولا فى اى مكان الا ان كان هناك ايمان حقيقى

يجعلنا نحترم كل شئ

طرح جميل

[*قمر*]

مش التربيه بس هي السبب في الظاهره دي بس طبعا مش هننكر انها عامل اساسي يعني اللي متربي علي الاخلاق وانه يحترم البنت عمره ماهيفكر يعمل كده هم الشباب بس لو يفكرو في كما تدين تدان والله ماهيعملو كده عشان مفيش واحد يقبل ان دة يتعمل مع اخته او امه او بنته او مراته ليه ترضي علي غيرك اللي مترضهوش علي نفسك هتلاقي اسباب تانيه كتير واللي بشوف انه سبب مهم الاصدقاء وحاجه تانيه مهمه من وجه نظري اعلامنا لما تشوف الافلام او المسلسلات تحس انهم بيشجعو الشباب علي كده حاجه مقرفه والله تحس ان المجتمع كله عايز يتعمله اعادة تهيئه من اول وجديد ونبدا من ان دة حراااام مش عيب منربيش ولادنا علي انهم يخافو من الناس قد خوفهم من عقاب ربنا
الله يعطيك العافيه

[♥SaRa]

هي فعلاً التربية لها دور كبير فـ بناء المجتمع وتأسيسة لأن الابناء هما الاساس لو
الابآء عرفوا يربوا اولادهم مش هنعاني من المشاكل الي بنشوفها من الشباب فـ سن المراهقة
اما بالنسبة للجملتين فـ من وجهة نظري الجملة الاول عادية وصح ولا غبار عليها لأن التربية عـ
الخوف هيصبح الشخص المتربي عـ كدهـ خوف وحرص بزيادهـ لدرجة انها هتعاني من مشاكل
والنتيجة تصبح عكسية.
اما بالنسبة للجميلة التانية فأنا اعترض عليها لان كل الممنوع مرغوب لما مثلاً طفل مش عارف
يعني أية تحرش وتيجي انت تقول لية مش تتحرش أكيد هو هيستفسر ويبقي عايز يعرف اية هو
ولية بيتعمل لدرجة انة ممكن يخلي عندهـ رغبة فـ كدهـ ويقول طب اية سبب الي هما منعوهـ !
لكن بقي لو عايز تربي اولادكـ صح علمهم عـ الدين وهما هيكونوا خيرابناء
موضوع جميل حبيبتي تسلمِ

.

[همس الحنين]

اقتباس المشاركة الأصلية كتبت بواسطة شاعر الحب الحزين موضوع جميل جدا يا همسات للأسف في الوقت اللي بيتم فيه التحرش بيبقى زمن التربية انتهى يعني الخطأ مش من عند الأباء هما ممكن يبقوا ربوا وكبروا بس ده طيش شباب يعني الغلط من عند الولد اللي بيتحرش ده هو لو عنده دم واحساس ونخوة وغيرة على اخواته مكنش عمل كده بغض النظر عن الأهل لا في الوقت ده هعدل الجملتين يا همسات ربي بنتك تتحشم وهي ماشية ف الشارع وعلمي نفسك يا أختي تبعدي عن الطرق المليانة من المتحرشين دول حاولي تمشي مع اكبر عدد ممكن من صاحباتك عشان تحافظي على نفسك متقعديش جنب راجل ف الأتوبيس وما تطلعيش ف أتوبيس لو هتفضلي واقفة فيه وللأب قرب من ابنك علمه كلمه بزوق خوفه هدده اختصر كل ده وجوزه عشان يبعد عن التحرش وللي بيتحرش احترم نفسك انتا تقبلش لأختك ان حد يتحرش بيها اعتبرهم كلهم اخواتك انتا متعرفش ظروفهم ايه متقولش هي اللي لابسة كده انتا واجب عليك تنصحها مش تتحرش بيها عيب عليك أو ادعيلها ف سرك ربنا يهديها غض بصرك هتبعد عن التحرش يارب استر على بنات المسلمين واصلح حال شبابنا اللهم آمين موضوع جميل همسات رغم الواقع الأليم بس الطرح قيم جدا ربي يعطيكي العافية احترامي وتقديري

صح كلامك
خالد

يمكن تعديل الجمل مناسب

بس التربيه اساس كل شئ

وهو يمكن بقينا فى زمن الاجتهاد فى التربيه مهمه شاقه

لينجو الانسان بأهل بيته من الفتن والمصائب

رد راقى جدا

احترامى لك

[همس الحنين]

اقتباس المشاركة الأصلية كتبت بواسطة ساحر الأحزان بغض النظر عن التربية فى الصغر همسات فية عوامل تانية مهمة بتتدخل فى السلوك وهى الصحبة والدراسة والعامل الدينى المهم؟ ألى بنتمنى أننا نشوفة متواجد داخل المنزل وخارجة من النصح من علمائنا الافاضل لان دى منظومة عندك متكاملة سوء بيت او مدرسة او فقة وتعلم دينى لما نزرع فيهم الشعور دة ويبكبر من صغرهم ويشربوة صح مع المتابعة والتقارب لان دى شىء مهم فى ان ابنك او بنتك تكون صريحة وما يخبو شىء ظريف موضوعك همسات

تمام ساحر

منظومه متكامله

وانا بقصد التربيه

الاسلاميه ولو كل اب وام زرع فى قلب اولاده محبة الله والخوف منه

يعتبر قطع نصف الطريق

النصف الاخر الصحبه والتعليم

لا يقلوا اهميه عن التربيه

احترامى لك ساحر

[همس الحنين]

اقتباس المشاركة الأصلية كتبت بواسطة كاسر الصمت أن لم يكن فى اعماق النفس ايمان فلا داعى للبحث عن كل جميل نتمنى فقط ان نصبح ملائكة أو على الاقل أدمين فى القول والافعال أن كنا نعمل ونعلم ان الله ينظر لنا فى كل شئ ونربى الابناء بنين وبنات على ان هذا حلال يرضى وهذا حرام بغضب الله افضل بكثير ان نخاف العيب لأرضاء الناس القوى افضل من الضعيف فى كل شئ ولن نكون اقوياء فى تربية الاولاد ولا فى الشارع ولا فى اى مكان الا ان كان هناك ايمان حقيقى يجعلنا نحترم كل شئ طرح جميل

من يبحث عن ارضاء الناس

بات هما

ولكننا نبحث فى التربيه عن ارضاء الله فقط

وهنا نجد ان التربيه لو بُنيت على اساس دينى قوى

ما كنا نرى تلك الفواحش

تسلم لمرورك

[همس الحنين]

اقتباس المشاركة الأصلية كتبت بواسطة *قمر* مش التربيه بس هي السبب في الظاهره دي بس طبعا مش هننكر انها عامل اساسي يعني اللي متربي علي الاخلاق وانه يحترم البنت عمره ماهيفكر يعمل كده هم الشباب بس لو يفكرو في كما تدين تدان والله ماهيعملو كده عشان مفيش واحد يقبل ان دة يتعمل مع اخته او امه او بنته او مراته ليه ترضي علي غيرك اللي مترضهوش علي نفسك هتلاقي اسباب تانيه كتير واللي بشوف انه سبب مهم الاصدقاء وحاجه تانيه مهمه من وجه نظري اعلامنا لما تشوف الافلام او المسلسلات تحس انهم بيشجعو الشباب علي كده حاجه مقرفه والله تحس ان المجتمع كله عايز يتعمله اعادة تهيئه من اول وجديد ونبدا من ان دة حراااام مش عيب منربيش ولادنا علي انهم يخافو من الناس قد خوفهم من عقاب ربنا الله يعطيك العافيه

حين يقع الانسان فى المعصيه

ينسى حتى ان الله رقيب على افعاله

فلا يفكر فى اخ او اخت

ولكن يسيطر شيطانه على قلبه

فيهوى المعصيه

نعم ليست التربيه بكافيه

ولكن عليها عامل كبير

تسلمى ياقمر