( morshooo ) و ( صفحات الاعضاء 33) ^_^

[morshooo]

بسم الله الرحمن الرحيم

مزاج الخير

اهلا بيكم جميعا

وحلقه جديدة من

( ) و ( صفحات الاعضاء )




تعالو نشوف جبتلكم ايه النهاردة

دائما يا جماعه المراة بتوصف بالرومانسيه

البنت عندها استعداد تستحمل كل حاجا

فى حياتها وتضحى بكل حاجا فى حياتها

لكن حد يجى جنب ( حبيبها وعشيقها )

يبقى هنا ونقف كلنا .

عــــزيـــزى الــــــــبـــرد

خنفه وعطسى .... وكحه ووجع زور ووجع جسم

ومناخير سايبه وصداع ودوخه ممكن استحملك

لكن اجى اكل مانجه ومحسش بطعمها اااااااااااهو ده اللى مش ممكن ابدا

كده اوووووووفر اوفر بقى كله الا المانجه ياعم انت اهى اهى اهى

بغض النظر عن الوصف المقرف للبرد

ومناخيرها السايبه وخنفانها دا على اساس

انها مش خانفه فى الحقيقه اصلا فبصراحه

انتى الى اوووفر قوى فى وصفك

كوين ميرو




دائما الواحد بيحب يتباهى باللغه الى بيتحدثها

وياسلام بقى لو لغه غير العربيه والانجليزيه

تلاقيه كل مكان يروحه يحاول يركب كلمه كدا

فى وسط العربى الى بيقوله قال يعنى الواد فتك قوى

اللغه الاسبانيه

لغة مشوقة وملفتة للنظر جدااا

اختي تتحدثها بطلاقة

ياما نفسي اتعلمها

ثوانى ثوانى

يعنى شايفا ان الاسبانيه لغه مشوقه وملفته

دا على اساس ان لو اختك بتكلم ( المانى )

كان هيبقى عادى بالنسبالك وبعدين

احنا مالنا ومال اختك بتكلم اسبانى والا هندى

فكرتينى بالقرعه الى بتتعايق بشعر اختها

جبل عالى




ياااااااااااااااااااااااااااه

الواحد بيحب المنتدى دا لان كلنا اخوات

ومفيش حد بيكدب على حد

الواحد بيدخل المنتدى وهو مرتاح نفسيا

ياسلام يا منتدى

كم انا اعشقك انت واعضائك

على فكرة


.
.
.

الرجاله كلهم كذابين

.
.
.

فى ايه يا اهانم


انا لسه بشكر فى الاعضاء

مالك متوتره ليه كدا

هدى اعصابك

انا تعرضت للاهانة كزا مرة ف المنتدى ده

وديما كت بسكت وبعديها

بس بصراحة اللي بيحصل معايا هنا ده


كثيييييييير


.هو انا في حد هنا مستقصدني ولا ايه الحكاية ؟؟؟؟؟

.
..
.

طيب نفهم فى ايه

نازله كدابين ومستقصدينك

ماتفهمينا طيب مالك

كداب كداب كداب

اخص عليك

عبو ام دا منتدى يا شيخه

الى يخليكى كدا

خلاص انا كمان هقول معاكى

كداب كداب كداب كداب

أنجى_1

بصو يا جماعه العضوة دى

بعتتلنا على فاكس البرنامج

وشكرت كل اعضاء المنتدى

على النصيحه الى كانت فى الحلقه قبل الاخيرة

لما قولنلها لازم تبطلى لبس

( ريا وسكينه ) لجوزك

عموما هى بعتتلكم الرساله دى كمان

مازالت المواقف والظروف تثبت اني

بنوته مليش حل في المطبخ

اول مره اعمل جمبري وسبيط في البيت

بس طالعين حلوين جدا

ولا الشوربه تحفه

بصي يا بت يا سما

انتي متنفعيش الا في البيت اصلا

سيبك من حكايه الكليه دي بقى والارف الي فيها

مش جايبه همها

خليكي في المطبخ احسن

بالهنا والشفا ههههه

وبكدا بتخلص حلقه النهاردة من

( لكى يا سيدتى )

وكانت حلقه بعنوان


( جمبرى وسبيط والشربه التحفه )

انتظرونا الحلقه القادمه مع

الشيف / dr.sma

الواحد ساعات بيندم يا جماعه

انه اختار حاجا يحبها طول حياته

ودا مش عيب بس العيب انك تفضل

مصمم تحب الحاجا دى رغم انك مقتنع

انها غلط وممكن تجبلك كل الامراض

نصيبى انى طلعت زملكاوى ... وزملكاوى متعصب

طبعا الرياضة غالب ومغلوب

طب أمتى الزمالك هيكسب الأهلي

طبعا الماتش كان سىء جدا

أخويا كان بيتفرج معايا ..... قولتله الزمالك هيتغلب

قالى لا هنكسب بضربات الجزاء

الأهلى ضيع ضربتى جزاء

والزمالك أحرز هدفين

أخويا قالى مش قولتلك هنكسب ....... قولتله أنت بتحلم

ده الأهلى محظوظ وهيكسب بردة

قالى أجرى اتلهى

ولما الزمالك ضيع والأهلى كسب

قولت لأخويا صدقتنى

قالى أيه اللى خلاك واثق كده إن الزمالك هيتغلب

قولتله بكل بساطة ... ان شاله لو الزمالك جاب ونالدو .. أو مسى

وجاب أحسن لعيبه في العالم برده هيتغلب عارف ليه

عشان اللعيبة معندهاش ثقة في نفسها إنها تكسب الأهلي

تانى حاجه التشكيل اللى نزل بيه الزمالك والتغيرات الغبية

كان المفروض ينزل مصطفي فتحي .......

غباء مدربين .......

وبكده الأهلى بقي عقدة الزمالك ......

نصيبى إني طلعت زملكاوى


بص يا اخويا انا هقولك وصفه سهله

بغض النظر عن ( ونالدو ) الى كاتبه دا


انتا تجيب حبايه مستكه وحبايه مش مستكه

وتحطهم جنب بعض وتقولهم وتسئلهم

وانتا قلبك جامد ومايهمكش حاجا

تقولهم احنا امتى هنكسب الاهلى

لو واحده فيهم ردت عليك ساعتها

تخلى عندك امل انك تكسب الاهلى

كريم عاصم

وبكدا بتخلص حلقه النهاردة

ماتقلقوش لسه

الى جاى احلا

[رآقيہ بأخلاقـى]

هههههههههههههههههه
طبعاً حلقة جامده كالعادة
والمشاركات كلها جميله وخصوصاً كوين ميرو ودكتور سما
وتعليقاتك ملهاش حل
بس عايزة اقول للاستاذ كريم معلش تعيشوا تاخدوا غيرها ^^

[✿ Celiηα]

اخر تعليق ليك جامد
وبالمناسبة لو ردت ابقى عرفي

[توحد ارواح]

روووعه فعلا ودمها خفيف وانتقاء مميز من صفحات الاعضاء
والحوار الاخير بتاع الكوره جميل
شكرا ويدوم النشاط

[*قمر*]

هههههههههههههههههههه
الحلقه حلوه اوووووي طبعا
والتعليقات عسل اوي
اكيد هنستني الجديد
تسلم ايديك

[سندس]

هههههههههههه حلوة اوى
و تعليقاتك جامدة
فى انتظار باقى الحلقات

[كوين ميرو]

لالالالالالالالالالالا ده كده انت مستقصدنى يالى يجيلك شكه فى مناخيرك

اللهى ياارب ياحمد اللى فيا يجى فيك علشان افرح فيك وانت اخنف

والنعيمه لاكهرب باب المدونه بسببك :\

[حافظة القرآن]

ههههههه
بتجيب التعليقات دى منين انت

حلقة حلوة
تسلم ايدك

[Mind language]

حلقة جميلة واكتر حد صعبان علية
ا/عاصم معلش اختار فريق تانى
تشجعه اصلى الزمالك منحوس
طول عمره جرب اسمنت اسيوط
يمكن يمشى الحال معاك معلش
متزعلش من الزمالك هى كدا
حظـــــــــوظ .

[Silver Flower]

هههههههه
سما ههههه
حلقه حلوه اكيد