صور المرحوم :'(

[♥SaRa]

السلام عليكم ورحمة الله وبركاتة بقيت حقاً حقاً اعترف اني فااشلة وبقيت بكرهـ النور بكرهـ مش اول مرهـ يعملها معايا ويبوظ حاجتي وماما شمتانة فيا مـ امبارح يا جودعان طب يعني هو النور الي يبوظ الحاجة وانا الي ألبس فيها ..دهـ كلام بردوا المهم ان مش اول مرهـ قبل كدهـ حرق لبس العيد بتاعي وانا بكوية وبوظ الفون الجديد علشان كنت بنور بية والنورقاطع راح وقع مني شوفتوا بقي انوا مستقصدني واخيرااً امبارح موت الشميز الاحمر بتاعي مات محررروق الله يرحمة لا واية المكوي موتة موتة شنيعة وعملت ثقب الاوزون فية عـ شكل المكوي رغم ان وربنا النور كان قاطع وانا يا دوب حطيت المكوي فـ الفيشة وبحطة عـ الشميز لقيتة لزق فية بشد راح طلع بالقماش وباظت المكوي هي كمان بس احسن علشان هي بردوا غلطانة بتموتة لية لية اهي صور المرحوم اهي ادعوا لية ان يرقد بسلام فـ الزبالة رغم انة صعبان عليا اوي ومش عايزهـ ارمية ودي صورهـ الثقب عن قرب اتخرم خالص ي عيني واحشائة بابنت . بس كدهـ وأياكـ تنسوهـ فـ الدعاء ولازم عـ فكرهـ نعمل ثورهـ ضد النور ونطالب بالقصاص .

[Aya 7ekaya]

هههههههههههههههههههههههه معلش ي سارة خسارة كان شكله جميل خد الشر وراح مالوش نصيب بقا

[جبل عالي]

ممممممممممممم بصراحة هم يضحك وهم يبكي فعلا
اقولك على نصيحة لو نفعت معاكي يبقا خير

بصي ياستي انتي تشيلي الجيب اللي الناحية التانية ده
تفكيه بالراحة اوي يعني بكل عناية عشان نستخدمه
وتروحي رايحة على الحتة المحروقة دي
وتغطيها بالجيب ده ويتخيط كويس اوي بنفس اللون
ويتقفل وكأنه جيب مقفول .... منظر يعني
وبس ياستي .... وان شاءالله ينفع

ولو الحرق اكبر من الجيب ممممممممم اقولك على حل تاني
فكي برضو الياقة اللي فوق دي
مهي كده كده مش بتبان من الحجاب ! صح
وزودي بيها اي حركات للجيب زي غطا مثلا أي شكل وخلاص
المهم هينفع تاني بس لو اتفننتي فيه ان شاءالله


ويللاااا خد الشر وراح بقاااا
ومتزعليش بكره تتعوض

[كليوباترا *]

ههههههههههههههه
يا عينى ^^
كان واضح عليه غالى عليكى القميص
اوعى يكون بتاع العيد ؟! :d

يلا معلش .. ربنا يعوضك باللى احسن
واستعملى المكوى كده براحه وحده وحده :]
وخلى بالك متبقاش الحرارة بتعاتها عاليه اوى ..

[محمود الصاروخ]

اللى بيعمل كده يا ساره بيبقى حاجه م الاتنين
يا فلوسه كتير ، يا فلوسه كتير

خافى م الحسـد بقن
واشترى واحد جديد

[Mind language]

ههههههههههههههههه الله يرحمه ويحسن الية
معلش يا ساره متزعليش وربنا يعوض عليكى
بشميز تانى يشبهله ولو على المكوه انا كمان
عندى بتعمل كدا روحت بقيت بحطها تسخن
بعد كدا بفصلها واستنى شوية واكوى تانى بيها
معلش معلش ربنا يصبرك

[A-rab3awya]

ههههههه

الله يرحمه يا ساره ،،،كان شكله حلو اوى

يلا ربنا يعوض عليكى

ومنه لله اللى كان السبب يا شيخه

يلا بالتوفيق يا قمر

[ابو نصير]

لقد انتقل المرحوم الى رحمة الله وقد تم دفنه فى طرب الغفير بعد ان الجنازه طلعت من غزل المحله الكبرى وكا لفيفا من سادة الشيمزات تصدرو الجنازه وعلى اهل المنتدى الوقوف دقيقه
حداد على روح المرحوم وبنطلب من اهل المنتدى ممنوع الكومنتتات الساخره الا بعد ثلاث ايام لكى لا يغضب المرحوم لأن المرحوم تعلمو مات شهيد المكواه موته شنيعه
عامل زى خالتى حمؤه اللى ماتت محروقه وهذه ليست موته قضاء وقدر وعلى شرطة المنتدى التحقيق فى القضيه ومازال البحث جاريا عن الجانى الحقبقى ومازالت الأخت ساره هاربه وأى محاوله للهرب مسيراها الفشل والعذاء عندكم فى مبرة شيكورل
والطلوع يوم الجمعه الأرافه وكل عضو مينساش يجيب مترين قماش
من الشيميز على روح المرحوم
ابو نصير ..

[♥○ moOoOoOna ♥○]

الله يرحمه

[دفاتر القمر]

هههههه لا بصراحه كتير ملوش
حق النور يقطع المهم البلوزه
مش مشكله التلاجات اللي باظت
ولا التليفزيون اللي مش عارفين نتفرج عليه
ولا الحر اللي هيموتنا ولا في مروحه ولا تكييف
اهم شيء البلوزه