انت وهيا

[احلي الناس]

لما (( انت )) بتحط راسك على المخده بتنام..
لما (( هي )) بتحط راسها على المخده بتفكر هتطبخ ايه بكره!
لما (( انت )) بتخلص أكل بتقوم تغسل ايديك..
لما (( هي )) بتخلص أكل بتقوم تغسل المواعين!
لما (( انت )) بتتعب من شغلك بتاخد أجازه..
لما (( هي )) بتتعب من شغلها ف البيت بتاخد مُسكّن!
لما (( انت )) بتحب تخرج بتكلم أصحابك وتخرج..
لما (( هي )) بتحب تخرج بتتحايل عليك وترفض!
لما (( انت )) بتعجبك حاجه في محل بتشتريها..
لما (( هي )) بتعجبها حاجه في محل بتستأذنك الأول!
لما (( انت )) بتبقى عايز تنام بتدخل تنام..لما (( هي )) بتبقى عايزه تنام بتقعد تتحايل على ولادك علشان يناموا الأول علشان هي تعرف تنام!!
وبعد ده كله...
(( هي )) مكمّله وراضيه تشيل حِملها...
بس بلاش (( انت )) تجرحها كل يوم بعدم تقديرك ليها.

[انا جيجي]

ياااااااااااااااااااااااااااسوووووووولام ايه الرومانسية دى

[انا جيجي]

[سندس]

ايوة المراه دى غلبانة والله بس محدش مقدر
يسلمووووو اختى عالموضوع
بس مش عارفة ايه حبك للحروف المتقطعة

[انت احلى الناس]

يا عيني
بس هما فين الرجاله اللى تقدر المعاناه دي
يلا ربنا يعوضنا

[احلي الناس]

هيا مش دايما بتكون غلبانه ههههههههههههه وبعدين الموضوع كلمات عاديه مابيظهر عندى حرووف متقطعه يمكن فيه مشكله بالمنتدى مش عارفه اسعدنى مرورك حبيبتى سندس.

[العاشق الذى لم يتب]

رائع هو الطرح
وعظيمة الإفادة
سلمت يمناك
تحياتى وودى