أنا برده أنسان

[محمود أبوزيد]

ساعات بيتوقف القلم عن الكتابة رغم وجود افكار كتير الا انك فكل فكرة بتحاول تكتبها بتشوف نفسك فبترجع تمسح كل كلمة من تاني ؛بيقولوا ان الشعراء بيتملكوا احساس قوي شويه عن اي حد مع اني شايف غير كده البشر كلهم عندهم احساس ولكن للاسف في كتير منهم عنده سحابه سوداء علي تلك الميزه انا جيت افضفض لاني لاول مرة تسقط دموعي من فترة طويلة اووي .. النهارده رحت قسم الشرطة بصفتي محامي علشان نخرج بعض السوريين المحتجزين بتهمة هجرة غير مشروعه بعد قرار الامن الوطني باخلاء سبيلهم طبعا رحت هزرت مع الظباط شويه لانهم اصدقاء بصرف النظر عن العمل وأتفاجأ بيهم وهما خارجين بسم الله ماشاء الله بنات فقمة الجمال واطفال زي العثل وأـسر تصعب عالواحد بجد اخدوا الاذن بالخروج لقيت بنت جريت بره مرة واحده ومعاها اخوها الصغير جريت اوقفها علشان متعرفش الطريق لقيتها رافعه ايديها فالسما وبتلف وتدور وتقول ياه عالحرية كتير وحشني الهواء سنتين محتجزين بسوريا ونجي هون تحبسونا رد اخوها الصغير صرنا 15يوم محتجزين ما شفنا الطريق انا سيبتهم ولقيت دموعي بتنزل لوحدها داريت وجهي ومسحت دموعي وقبل مايمشوا ودعوني انا بقول للبنوته العثل دي "ديانا"واخوها اني بجد مش هنسي اللحظه دي واني اخ لكل سوري وشكرا بجد ليكم ربنا يوفقكم وطريق السلامه..

[™Amiliya]

اللهم يهبهم الرحمة ويرجعلهم حرياتهم المسلوبة يارب

[ساحر الأحزان]

انسان

وعندك احساس وكيان

واحترامك موجود

لانك بتحس بغيرك

جميلة فضفضتك محمود

[دفاتر القمر]

منهم لله اللي كانوا السبب
كانوا في بلادهم
معززين مكرمين
ربنا يتولاهم وترجع سوريا تاني
شكرا علي الطرح

[SaMa.]

ربنا يعينهم ويفرج همهم وانت ي محمود كتر خيرك
ربنا يوفقك ف حياتك

[محمود أبوزيد]

اقتباس المشاركة الأصلية كتبت بواسطة ايميليا اللهم يهبهم الرحمة ويرجعلهم حرياتهم المسلوبة يارب

اللهم امين

[محمود أبوزيد]

اقتباس المشاركة الأصلية كتبت بواسطة ساحر الأحزان انسان وعندك احساس وكيان واحترامك موجود لانك بتحس بغيرك جميلة فضفضتك محمود

تسلم اخي الغالي أمجد

[محمود أبوزيد]

اقتباس المشاركة الأصلية كتبت بواسطة امنيه شافعي منهم لله اللي كانوا السبب كانوا في بلادهم معززين مكرمين ربنا يتولاهم وترجع سوريا تاني شكرا علي الطرح

ربنا ينتقم منهم
ويرجع اراضي العرب يارب

[محمود أبوزيد]

اقتباس المشاركة الأصلية كتبت بواسطة sama. ربنا يعينهم ويفرج همهم وانت ي محمود كتر خيرك ربنا يوفقك ف حياتك

تسلمي سما ربنا يحفظهم
ويرجعلهم اراضيهم ..

[كريم عاصم]

طبعا بكل التفاصيل أنت شاعر والشاعر حساس بطبعة ودموعكـ دليل على طيبة أصلك فضفضة خرجت بها مابداخلك وسوريا غالية علينا في منهم اللى إضحك عليه بأسم الدين ورفع السلاح ضد أخوة العربى في مصر ومنهم هاجر لمصر أم الدنيا بسلام.. ومصر بتحتضن كل عربي كما ذكر في كتاب الله ( وأدخلوها إن شاء الله آمنين ) تسلم أخى عل فضفضة