جــــواز تـــــوتـــــو مــــن ســــوســــو بـــــــاطــــــــــــــــل, .....,,,,

[انا جيجي]

والنبي الواحد ما هو عارف يبدء ازاي
انما هقول

الاول سلام عليكم و اسمحولى ان اقول سلام عليكم كدا يعنى فى وسط الكلام

البدايه سوسو وتوتو بنوتين رايحين الكليه وفي نطاق الجامعه هنلاقي اصحابهم هيثم ووائل
(انا مش بقصد بالاسامي ديه ناس معينه )
يعني هاي تامور وسلامات وطيبون ويتم دخول بوابه الجامعه

وهوباااااااااا الشله دخلت والفصيله الشبابيه ذات التقاليع الغريبه وصلت
نبص نظره مبعديه علي اخ شاب فاضل وانا مش بتريق نلاقي ايه


البنطلون ساقط للاسف ومعدل السقوط يتراوح ما بين تسقيطه خفيفه الي ما يقارب الربع متر وده بيختلف من شاب لاخر
هنبص بصه مبعديه اخري نلاقي بديهات بينك وموف واخضر واصفر كتاكيتي والقنبله الموسم
بووووووووووووم طاااااااااااااااخ
البدي فيه ترتر ايون ترتر وفراشات
حضراتكم ممكن تقولوا عادي بنات بئه
انما لا يا حضرات شباب ولابسين كده ترتر
طيب والي زاد كمان تلاقي الواحد عامل خريطه العالم في دماغه مقسم الراس الي قطع اراضي وشكله ناوي يستصلحها
واخينا واحد تاني شعره خشن جدا جدا وعامل جلاد او سيشوار يعني علي حسب
وموقف شعره بطريقه يا لهوي ايه ده كانه طالع من صدمه كهربائيه او حد كان بيقطع في شعره طول الليل
وتلاقيه مأفز البنطلون جوه كوتشي ولا بياده جيش عادي جدا موضه
او او او مناظر كتير
والبنات ضاربه شعر ميريام فارس وفوشيا وكده وبنطلون ساقط برضه عادي جدا وطول النهار بلوتوث وكافيه فلان الفلاني
ويلا رحله مش عارف ايه والحياه بيس جدا جدا
ديه نوعيات قدامنا كتير ومش قول اني مثلا بيرفكت واني مش بلبس مطرقع احيانا او اي حاجه
انما ساعات اما اعد لوحدي و افتكر المناظر ديه
بيجي فى دماغى السؤال اللولبى
دول هيكونوا رجاله تفتح بيوت وتتحمل مسئوليه ازاي وازاي هيكونوا في موقف انهم يدخلوا بيت بنت يتقدموا لها وهما في الشكل ده
وازاي الاب او الام هيوافقوا بحد كده
والف ازاي وازاي
هل دول شباب تافهين ومستهترين وكل همهم اللوك والخروجه في مكان كذا وحفله في كذا
ولا هما كده مؤقتا وامتي هيقدروا يكونوا اد مسئوليه الحياه
لو واحد جه لبنت من النوعيه ديه يطلب يرتبط بيها هل هتوافق وتحس انها مطمنه ومسئوله من شخص
ولو برضه شاب حب يرتيط ببنت من البنات المطرقعه ديه هيحس انه بيتعامل مع عقليه وبنت تقدر تفهم معني المسئوليه ولا لأ
و ليه وصل الحال لشبابنا و و بناتنا للحد دا ...معقوله وصلنا لدرجه الرفاهيه و مبقاش عندنا مشاكل بطاله و عنوسه
و اسكان ولا اى مشاكل اقتصاديه.........الفرج من عندك يارب
كل كلامى على نوعيه محدده مش الكل طبعا
المهم النوعيه دى انتو شايفين انهم ممكن
يتحملوا مسئوليه ولا لأ

[توحد ارواح]

فعلا مناظر غريبه بنشوقها للاسف عندك حق
ربنا يهدينا ويهديهم جميعا يارب
تسلمى على موضوعكِ القيم جيجى

[دفاتر القمر]

مناظر غريبه بنشوفها معرفش ايه الموضه االغريبه دي
ولا ايه اصلا اللي عجبهم في كده
ربنا يهدينا ويهديهم جميعا يارب
شكرا علي الطرح بانتظار جديدك

[العندليب الاسـمر]

عندما نفقد القدوة

ويضيع منا الانتماء الحقيقي

لابد ان يؤول مصير شبابنا الي هذا

لن نقول انهم معفون من الذنب

ولن نقول ان لهم العذر الكلي

فيما آل اليه حالهم وانما نقول

انهم ضحية انظمة ومنظومة

انظمة جثت علي صدورنا

لم يعنيها ابدا حالنا ولا حالهم

ومنظومة تكرثت لحفظ الراعي

دون ان تلقي بالاً للرعية

نسال الله العفو والعافية

وشكرا لطرحك القيم " جيجي "

وعلي فكرة سالوبك في الطرح دمة خفيف

تسلم ايدك

[العاشق الذى لم يتب]

رائع ماتفضلت به وطرحت
وجليلة الإفادة والمضمون
بوركت وجزيت خيرا
تحياتى وودى