جامعة تعشق الماديات

[محمود أبوزيد]

السلام عليكم ورحمة الله وبركاته وعدت من جامعة طنطا منذ قليل وحصل معايا موقف بصراحه انا مش قادر اصدقه لحد الان المهم رحت أسلم الملف وأقيد أسمي بالدبلومة الثانية ليا والي بتعادل الماجستير بمجرد الحصول عليها فالاستاذه الي عاللشباك رجعت الملف بتاعي وقالتلي كله تمام بس فين ما يثبت انك حاصل علي دبلومه قبل كده قلتلها حضرتك انا لسه مسحبتش الملف بتاعي ورقم الجلوس عندك أتاكدي قالتلي مينفعش هاتلي ما يثبت واخدت الملف بتاعي وقالتلي هركنه لحد ماتجيب ما يثبت طبعا رحت للشباك التاني قالتلي مينفعش افادات لازم تدفع تمن الشهادة بالرسوم الاضافيه وتاخدها طبعا وافقت ورحت الخزينة دفعت الفلوس بصرف النظر بقي هيا كام علشان متتصدموش وعطيتها الوصل قالتلي الساعه 2.30 تعالي خدها وقتها كانت الساعه 9 بصراحه انا اتحايلت كتير مفيش فايده رحت مشتكي لامين الكلية فقالي روح وكل حاجه هتخلص رحت الشباك هزرت معايا وقالتلي بقي بتشتكيني وعملتلي الشهاده واتركنت لحد ما جا العميد يعني برده استلمتها الساعه 2.30 اهم حاجه بعد مااستلمتها رحت الشباك الي مسلم فيه الملف اعطيهالها قالتلي صورها صورة وهاتها وخلي معاك الاصل رحت لفيت من جوه ودخلت عندها لان الوقت كان اتاخر ومفيش ماكينة تصوير راحت قامت صورتهالي عندها وراحت رمياها فالدرج قلتلها حضرتك حطيها فالملف قالتلي لا عادي مش شرط ههههههههههههه.. يارب اخد الماجستير وارتاح من الجامعه الماديه دي..

[morshooo]

وهى الشهادات ببلاش ياعم الحاج ^_^

[*قمر*]

اتحمل بقي هي الجامعات حاجه تخنق
وربنا يوفقك ان شاء الله

[محمود أبوزيد]

اقتباس المشاركة الأصلية كتبت بواسطة morshooo وهى الشهادات ببلاش ياعم الحاج ^_^

وياريتهم بيعترفوا بيها فالاخر

سعيد بمرورك ياغالي

تحياتي ومودتي

[محمود أبوزيد]

اقتباس المشاركة الأصلية كتبت بواسطة *قمر* اتحمل بقي هي الجامعات حاجه تخنق وربنا يوفقك ان شاء الله

فعلا كلامك صح

تسلمي اختي الغالية

تحياتي ومودتي

[اليسمينه]

الله هيه ديه مصر
انا بقى روحت ااقدم انا وصحبتى ف الكليه اول يوم باه ومش فاهمين
واحده قاعده بتسلم الملفات لصيدله قولنلها واسنان قالت الموظف بتاعكم مش موجود
المهم لاقينا واحده بتتطلع لاسنان
قولنلها 2
طلعت
الملفات قعددنا ساعه نملى فيهم
روحنا نقدم
قالولنا مين اداكم الملف ده ده بتاع علوم
طب ارد ااقول ايه طيب
اتزلينا تانى ف ورق جديد
وهيه ديه مصر

[Silver Flower]

هههههه
هادي هيك الشهادة كيف لو أوراق رسميه
يلا الله بعينك الحركة حلوه كمان