ساحر الآحزان و فتاة الاحلام

[الآمير العآشق]

. . ازيكم ازيكم يااحلا نــااس ومع تاني ضيوفي في الاستضافهـ الي انتظرها الكثيرين والاداري الدبلوماسي والمحبوب من الجميع لنبحر معه و مع ذكريات طفولته ومراهقته والغوص لنري كيف يري هذا الشاب الواقعي فتاة احلامه ورجائي منكم جميعاً لو حد منكم قابل (بسي) ف الطريق موش يحاول يكلمها / واطمنوا هحاول اخليه يقر ويعترف مين بسي دي . ومعنا في شباب مصر وفتاة الاحلام الاداري المحبوب ساحر الأحزان , وستكون تعليقاتي ع الاجابات باللون الاخضر . ساحر الأحزان . ــــ طفولة امجد ! لما بتتذكر اشياء من طفولتك بتحس انها كانت طفولهـ بريئه ولا طفوله كلها شقاوه ومقالب . ولية بترجعنى للأيام الحلوة دة ألى لما بفتكرها بحس بحنين جامد ليها لما أتذكر حال اليوم كانت شقاوة على مقالب على مرح مشكلة كدة ؟ ( واضح انك من يومك وانت مشكلهـ ) . . ــــ طفولة امجد والبنات ! كنت بتحب تلعب مع الولاد اكتر ولا مع البنات . يا راجل كنت بلعب مع الأتنين بسى أكتر اللعب كان من الولاد الدم بيحن بقى ؛ بسي !! مين بسي دي ؟ . وياتري كان في طفولة امجد / بنت كنت بتحب تلعب معاها اكتر من بقيه البنات ولو كان فيه / فاكر اسمها ؟ . حقلك على حاجة ودى أول مرة حقلها كنت وأنا صغير كان لية أبن عم وأبن عمى دة كان أكبر منى بكتير وكان عندة بنت أصغر منى بكام شهر كانت بتيجى بتنا على طول وأنا بروح بيتهم نذاكر على طول مع بعض لأن المسافة قريبة وفضلت لازقة فى رقبتى لحد لما خلصنا تعليم لأن بحكم القرابة أهلها مأمننى عليها زى أخوها تمام بحكم القرابة وتقارب العمر وأقلك على حاجة البنت دى لو أحنا مش أخوات فى الرضاعة كنت تزوجتها بسى للاسف ربنا مش رايد ؟ ( من وين بتقول لازقه ف رقبتي ومن وين تقول كنت تزوجتها ) . وهى دلوقتى متزوجة وعندها أولاد ربن يوفقها بحياتها بسى الاسم بقى سامحنى علية (تاني بسي ) . . ــــ مع انتسابك ودخول المدرسه لاول مره ! كان عند امجد رهبه عند دخوله شي جديد عليه ولا كان عادي عندك وتقبلت دخولك المدرسه بمرح وبدون خوف او قلق . كنت فرحان جدا جدا أول ما دخلت المدرسة بسى المشكلة بقى كانت فى الصحيان بدرى وخصوصا فى أيام الشتاء والبرد ( انت هتقولي ) . . ــــ واحنا اطفال بالمدرسه الابتدائي / بيكون كل ولد شايف نفسو افضل واحلي ولد بالكلاس زي بردو البنات عندهم نفس الخصله ياتري امجد كان من النوع الي شايف نفسو بين زمايله ولا كان بيميل للتواضع . مخبيش عليك كان همى فى الفهم والتحصيل الدراسى وكان الواحد فى الوقت دة حكاية اللبس أو المظهر مش أولى أهتمامتة كان فية مد على الرجل يابنى وضرب بالعصاية فحتعمل أية بقى على شان تبعد عن دة كلة الفهم والتحصيل والأجوبة ؟ (لا احنا الحين فيه تطور / مد ع الايد بس ) . . ــــ كان ل امجد علاقه عاطفيه مع اي بنت ف مرحلة الابتدائي؟ وايه كان حدود العلاقه بينكم / يحني كانت كلام فقط ومجرد نظرات / ولا تعدت الي رسايل بينكم ولقاءات سواء داخل المدرسه او خارجها . يا راجل حرام عليك حب أية بقى وأنت فى الأبتدائى وحاسس أن كل زمايلك زى أخواتك ؟ وحكاية الحب دى مش فى دماغى خالص (شكلك انت كووماان امجد زي طارق كنت منشفها علي نفسك ) . . ــــ مع مرحله المراهقه ! امجد عاش قصة الحب الاولاني.؟ وياتري فاكر ايه كانت بداية هذي القصه ولو كان تم لها نهايه / كيف انتهت قصة الحب الاولاني في مراهقه امجد ؟ . أهه كانت فية زميلة مهتمة بية وكنت مهتم بيها بسى لميت الدور بدرى بدرى وعرفت أن لسة المشوار طويل جدا جدا (بسي لميت الدور ! انا شاكك ان بسي هي السبب ف التنشيفه دي ) . . ــــ هل كان في خيال امجد قبل سن المراهقه او بعدها صوره لفتاة الاحلام او اميره الاحلام وياريت توصف لنا ازاي كانت صوره اميره الاحلام في خيال امجد . هو الواحد عموما فى الوقت دة مشاعرة بتكون متقلبة شوية وكان فى بالى أن المهم عندى أخلص دراسة وأشتغل وبعدها بقى أفضى وأرسم صورة فتاة الأحلام برحتى فى سن النضج بقى وتحمل المسئولية ؟ ( للدرجه دي كنت قافلها علي نفسك حتي مجرد صوره بالخيال لفتاة لاحلام ) . . ~| اسئلة الاحراج |~ ــــ ياتري امجد قابل او شاف صوره لاميره احلامه هوونا بالمنتدي وياتري اخبرتها انها هي اميره احلامك . لا الحاجة دى ما مرت علية قبل كدة ؟ (طبيعي موش هتمر عليك طول ماانت بتشرب بسي ) . . ــــ بكل الصراحه يقدر امجد يعرفنا كام بنت عملت معاهم علاقه في كل ايام حياتك سواء علاقه استمرت او حتي انتهت خلال ايام . أقلك على حاجة أنا من النوع ألى صعب أنى أبوح بمشاعرى قبل ما اتأكد منها كويس كأحترام لية وكأحترام للطرف التانى ؟ يعنى مش أخش فى قصة سريعة وتخلص وأخش فى ألى بعدها ما بفضل النوع دة فى التعامل (واضح ان التنشيف موضه ف شباب المنتدي ) . . ــــ اكتب لنا اول حرف من اسم من تحب . ولية حرف واحد أنا حكتب أسمها كلة وهو (حبيبتى من تكون حبيبتى ) ( عاشت الاسامي / اسمها كتير حلوو ) . . بشكرك على جميل الدعوة وبعتذر عن التأخير . نورتني هوونا امجد وحقيقي استمتعت باجاباتك ولو انك غلبت طارق ف التنشيف .

[حالمة باميرى]

امجد شكلك كنت مقطع السمكة ربنا يوفقك ويحققلك الي تتمناة تسلم ماجد علي الحلقة

['علياء']

جمييييل شكراا

[العندليب الاسـمر]

ساحر الاحزان انسان محترم

استضافة جميلة لشاب جميل الروح والكلمة

تسلم يا امير

وتسلم يا ساحر

[شموع الروح]

بسي طلعت جميله
ههههههههههه حلقه حلوه وضيفهاومميزه ودمها خفيف
تحياتى

[ابوالبنات]

لقاء نجوم جميل ورائع يسلمو
الف شكر ونتطلع للمزيد من الابداع
دمتم بحفظ الباري

[™Amiliya]

هههههههههه امجد بجد اجمل لقاء استمتعت جدا بيه

بريء وعاقل فعلا ياريت البعض زيك كدا باحترامك وثقتك بنفسك وصدقك

[აα∂ Ԑγεა]

هههههههه والله ردود تحفة
استضافة جميلة يا ماجد وامجد ضيف مميز جدا
عجبتني اجاباته فعلا
وعجبتني اكتر الواقعيه لما فكر يحب فكر ف المشوار
الحب مش ببساطة الحب حاليا محتاج امور كتيرة تنجحه
لازم الواحد يجهز كل اموره قبل ما يحب

يلا ربنا يوفقك يا امجد وتلاقي هالحب المفقود باذن الله
حلقة مميزة تسلم ايدكم ,,

[الأميرة رودي]

لقاء رائــع
اجابات أمجد عاقله ومتزنه
وأكيد شئ جميل انه يفكر بواقعيه قبل مايخطو اى خطوه
ربنا يهديلك الامور ونفرح فيك قريب

تسلم ماجد
مميز ف انتقاء اسئلتك
ف انتظار ضيف جديد

[همس الحنين]

حلقه كتير حلوه يا ماجد

يسلم مجهودك

ساحر الاحزان
اجابات عقلانيه اكثر

الحب مش كلمات واغانى الحب حياه بدايتها الاحساس وليس لها نهايه

حلقه روعه