أول طلعة زملكاويه في الدوري تدك حصون الجيش بسداسية

[აα∂ Ԑγεა]

افتتح الزمالك مشواره بالدورى العام الجديد لموسم 2014
– 2015 بفوز كاسح على فريق طلائع الجيش بستة أهداف مقابل هدف واحد ,
بواقع هدفين فى الشوط الاول و 4 أهداف فى الشوط الثانى
و حرم مساعد الحكم الزمالك من هدفين بإحتساب تسللين على عبد الله سيسيه
! ليس لهم وجود الا فى خيال الحكم المساعد



افتتح خالد قمر التهديف بركلة حزاء حصل عليها – الحاوى – أيمن حفنى ,
ثم واصل حفنى التألق و صنع هدف ثانى لمؤمن زكريا بمهارة خاصة من حفنى ,
لينتهى الشوط الاول بتقدم الزمالك بهدفين للا شىء



مع بداية الشوط الثانى أثمر ضغط لاعبو الزمالك عن هدف ثالث لمؤمن زكريا ,
واستمر الضغط من الزمالك و السيطرة و الاستخواذ الابيض على مجريات المباراة
حتى استطاع عبد الشافى بعد مجهود مميز ومهاره فائقه
و مساعده مميزه للحاوى حفنى ان يحرز الهدف الرابع



اجرى حسام حسن 3 تغييرات بنزول عمر جابر بدلاً من معروف يوسف
الذى حصل على انذار و قدم مباراة كبيره ,
ثم اشرك عيد بديلاً لصاحب الهدف الاول خالد قمر
و اخيراً مصطفى فتحى بدلاً من ايمن حفنى




عبد الله سيسيه استطاع اخيراً ان يصل للشباك برأسية على طريقته الخاصة
من عرضية احمد عيد
و اختتم مؤمن زكريا الاهداف برأسية أكمل بها الهاتريك ,
قبلها استطاع اوسو كونان ان يحرز هدف من رأسيه فى عمق دفاعات الزمالك ,
فى خطأ مشترك بين على جبر و احمد الشناوى .

ليحصل الزمالك على النقاط الثلاث الاولى و يٌشهر كارت رعب فى نفوس الخصوم

[აα∂ Ԑγεა]

ملخص واهداف المباراة

[محمود الصاروخ]

فوز مستحق للنادى الملكى بعد اداء مجهود عالى جدا طول الـ 90 دقيقه
والماتش ده رد على كل واحد شمتان فى النادى الملكى

تسلم ياحوده ع التقرير
مجهود مميز كالعاده

[توحد ارواح]

مبارك للزمالك وجمهوره
النتيجه كبيره غير متوقعه
نتمنى يكون بنفس المستوى والنشاط
شكرا ع المجهود والتغطيه المميزه

[აα∂ Ԑγεა]

اقتباس المشاركة الأصلية كتبت بواسطة مـح ـ الصاروخ ـمود فوز مستحق للنادى الملكى بعد اداء مجهود عالى جدا طول الـ 90 دقيقه والماتش ده رد على كل واحد شمتان فى النادى الملكى تسلم ياحوده ع التقرير مجهود مميز كالعاده

يارب بس يستمر الامر دا دايما وميحصلش غرور ولا افتكاسات غريبة
والله الفريق اللي اتكون ف الزمالك دا رهيب جداااا
الطبيعي انه يهزم الفرق كلها وتقريبا بنتيجة كبيرة مش قليلة !

مش شايف ف مصر فريق يصلح كند الا " ألاهلي , انبي , الاتحاد , سموحة "
باقي فرق الدوري لامه عواجيز او صاعدة جديد والزمالك المفروض يهزم بسكور

الفرق دي كمان صعبه مواجهاتها لانها عندهم مدربين محنكين
علي عكس فريقنا
مدربين بيعرفوا يلاعبوا الفرق الكبيرة كويس ويخنقوا الملعب
والاهلي اكيد للاهمية التاريخية ولجبن مدربنا

ربنا يسهل والموسم دا بتاعنا
منور يا صاروخ

[აα∂ Ԑγεა]

اقتباس المشاركة الأصلية كتبت بواسطة توحد ارواح مبارك للزمالك وجمهوره النتيجه كبيره غير متوقعه نتمنى يكون بنفس المستوى والنشاط شكرا ع المجهود والتغطيه المميزه

والله لو بصيينا لاسامي اللاعيبه اللي جايبها الزمالك
مفيش حاجة غير متوقعه عندي
الا " الهزيمة و الفوز الصعب " !!

تركيبة تقيلة جدا جدا جدا جدا ولو تم استغلالها صح
بسهولة النتائج الكبيرة تبقي عادة ,,
ربنا يستر بس من مباراة الشرطة ونعرف حسام هييجي منه ولا هيخربها
تسلمي للمرور والرد يا توحد

[جـــــراح المشــاعر]

وحش بالبر
طيور بالجو
واسود بالغرب
زمالكوية زمالكوية زمالكوية


تسلم الايادي ايوة ارجعو بقي تعبنا