( اتكلم ) مع ( morshooo ) و ( ايميليا )

[morshooo]

بسم الله الرحمن الرحيم

مزاج الخير

اهلا بيكم جميعا

والحلقه الاولى من

( اتكلم ) مع ( morshooo )

حلقه النهاردة هتكون عن

( ::: فعاليات المنتدى ::: )

وهتكون ضيفه الحلقه

العضوة المتميزة /

ايميليا

تعالو الاول نشوف ياترى ضيفتنا قالت ايه :

س / فى البدايه اهلا بيكى ؟ وجاهزة للكلام والا لا ؟

اهلا بيك مورشو ولا باسم يوسف زي منا شيفاك

وجاهزة اتكلم والله ع مااقول شهيد




س / طبعا احنا متفقين اننا هنكلم عن ( فعاليات المنتدى ) ؟ والمقوصود بيه
( بنرات او اعلانات المواضيع ) عايز اعرف منك ايه اهميه
( البنرات دى ) لاعضاء المنتدى ؟

هو طبعا البنرات في الاصل بتكون عشان توصل للبرنامج بسهولة

وخاصة المسابقات لان معظمنا مبيدخلش كل الاقسام

فالبنر ممكن يلفت انتباهو فيسهل الوصول والاشتراك




س / انتى مع ان الاارة مفيش مشكله انها تحط اى ( بنر ) حتى لو لموضوع عادى
ومفيش فيه اى افادة ؟

لا الصراحة ولاحظت فعلا ان في بنرات بتكون لمواضيع ومش فعاليات

مواضيع عادية جدا ولان صاحبها عايز الاعضاء يدخلو بيقوم يرسل البنر

مع ان كدا ممكن يحوش مكان لبرنامج مثلا او فعالية اهم من موضوعو




س / لو عضو دخل ( زائر ) وشاف فعاليات المنتدى وقرر يدخل توبيك منهم
وملقاش اى افادة من التوبيك دا تفتكرى هيبقى عنده الحماس للتسجيل بالمنتدى ؟

ممكن يتشجع وممكن لا بس عشان يكون في اهمية للبنر ويقوم بالفايدة الي بسبها

وجدت لازم ناخد بالنا احنا كاعضاء بتحط بناراتها وكاادراة بتشرف ع النبر

قبل متركبو انو يكون في حاجة واضحة للجميع ان البنر لو موضوع عادي

لا لو فيه فايدة ممكن

اعتقد كلنا بنمر بنفس الشيء ممكن نفتكر ان موضوعنا مهم ولازم يدخل الجميع

يقراه ويستفيد منه او لقاء انت عاملو وعايز الناس تقرا لضيفك

لانو برنامج حصري او مسابقة تعبان فيها وعايز مشتركين يعني حسب الاهمية

عشان ميحسش الزائر من برا او الاعضاء الجدد ان البنرات دي

لاي حاجة وخلاص طالما بتعرف تعمل بنر او ليك نفوذ بيتحط موضوعك




س / ياترى العيب على الادارة انها بتسمع انها تحط اى ( بنر ) لـ اى موضوع
والا انتى مع اختيار المواضيع لان دى بتعتبر واجهه المنتدى ؟

الادارة ليها دور وكمان الاعضاء الي بتبعت بنراتها

لازم الاتنين يحطو في الحسبان الموضوع في الاختيار وميكونش في انانية

في الموضوع او حسبانية يعني كلما نراقب هنعمل ايه




س / مش ملاحظة ان كل البنرات الى بتتحط او الاغلبيه وبتزيد عن 90 %
منها بتكون للاعضاء الى بيعرفو يعملو بنرات فقط ؟ لكن لو موضوع مهم لعضو
مش بيعرف يعمل بنر معتقدش ان هيتم حط بنر ليه وهو نفسه هيكسل يبعت
يتعمله بنر ويستنى ياترى هيتعمل والا لا ؟

هو بيحصل تاخير فعلا في ان حد يعملك بنر حسب الموجود والطلبات الكتير عليهم

ربنا يقويهم دا غير في منهم الي بيعرف فعلا يعمل لنفسو ويسبقك في حط البنر بتاعه

فتقعد اانت سمتني او تروح تطلب شخصيا منه في رسالة او حاجة ودا احيانا بيكون

صعب بردو عشان مش تتقل ع حد او يكون مش فاضي فيفضي نفسه ويعملك عشان

تلحق موضوعك الي عايز الناس تدخلو او انك هتريح نفسك ومتعملش من الاصل

لكن فعلا بيحصل ان الي بيعرف يعمل هما الاسبق




س / انتى مع الغاء الفعاليات دى والا مع اعضاء الحق لكل عضو انه يعرض
مواضيعه المهمه بس يكون فى تنسيق بين الاعضاء والادارة ؟

لا مع ان يحصل تنسيق بين الادارة بالاسبق ومع الاعضاء بالاسبق بردو

عشان كل واحد ياخد دورو في التركيب وفي الاهمية وان الادارة لو ممكن تحدد

المواضيع الي تتحط في البنرات عشان الكل يلتزم بيها وميحصلش ان حد يدياق

مثلا من حد عشان حاطط موضوعو وهو لا




س / اخيرا عايزك تقولى رئيك بشكل عام عن ( فكره فعاليات المنتدى ) ؟

لكل مجتهد في المنتدى بيحاول جاهد يعمل حاجة مختلفة وقيمة وهتضيف للجميع

فعلا ودي بنشوفها وبنشجعها والله يديهم العافية عليها

وكل واحد بيخترع حاجة جديدة تنشط بيها الاقسام مهمتنا تشجيعهم

ومش احباطهم لان اي حاجة حتى لو بسيطة او مكررة هو تعب فيها وعملها

عشان الكل يستفيد او يحس بشوية مرح وتغير



دى كانت وجهه نظر ( ايميليا )

فى ( فعاليات المنتدى )

انا شايف ان خلاص

( فعاليات المنتدى )

مبقتش زى الاول ان بيتم عرض

( اهم المواضيع ) الموضوع بقى اى موضوع

اعمله بنر وهنركبهولك حتى لو موضوع والا ليه اى اهميه

زى المواضيع الى كانت محطوطه من يومين تلاته وكانت الفعاليات

فيها ( 5 مواضيع ) معتقدش ان فيهم واحد بس

يستحق انه يتحط كواجهه للمنتدى ان لو عضو ( زائر )

دخل اول حاجا بيشوفها هى ( الفعاليات ) واكيد بيدخل

يشوف المواضيع دى عبارة عن ايه فطبعا بيدخل يلاقى مواضيع

مالهاش اى اهميه محطوطه ولو لف شويه على كام قسم

هيلاقى العكس تماما فى مواضيع كتير جدا فى كل الاقسام

تستحق انها تكون فى ( فعاليات المنتدى )

فى حد ممكن يقول يبقى العيب

فى صاحب التوبيك انه مطلبش يتعمله بنر

طيب انا هتخيل انى نزلت توبيك وروحت طلبت يتعملى بنر

تفتكرو على مايتعمل بنر ويتركب هياخد كام يوم

يعنى هيتركب ( بنر ) بعد مش اقل من ( 3 ايام ) من نزول التوبيك

فكدا مالوش اى لزمه ( البنر ) والعضو كمان مش هيجهز توبيك

ويستنى 3 ايام على مايتعمله بنر ويستنى مكان يكون فاضى

فى ( الفاعليات ) عشان ينزل التوبيك مع ( البنر )

فياريت الادارة لما تركب ( بنر لموضوع ) تتاكد انه

يستحق يكون فى ( فعاليات المنتدى ) وتفتكر ان التوبيك دا

ممكن يكون واخد مكان ( توبيك ) المفروض انه مهم ويستاهل

انه يكون فى ( فعاليات المنتدى )



انتظرونى وحلقه جديده

وظاهرة جديده

[اذار .]

اممم ، و انا ب اشوف ان البنرات صارت حاجه مش مهمه
زي عند كل المنتديات ، و ما اذكر اني دخلت موضوع من بنر
و الي ب اعرفه ان البنرات للمسابقات او فعاليات في
و صار الحين للمواضيع ،
فيه حاجه ثانيه كمان ، الي هي بتستفزني كثير ،
الي هي التنبيه للمواضيع المهمه ، صار اي حد عايز يعمل تنبيه
لحاجه ليه بيروح عامل ازعاج بالتنبيه دا ،
و دا تقريبا شغل الاداريين للاسف
يعني ب اتمنى حد يهتم شوي في بنرات المنتدى ،
لانها المظهر العام له و للزوار ،
و بس .

شكراً لك مروشو ، و حلقه جميله مع ايمي الجميله ،
و بانتظار القادم من حلقاتك .

دمتم بخير

[مُنـــــايا]

أمممممممممممممم

شايفه هجوم جامد جدا ع البنرات
هو انا شايفه ان ممكن يكون عضو تعب في توبيك وحابب يعمله بنر
زيي كدا مثلا ً هتكلم عن نفسي انا..
يعني قصيده شايفه انها تستاهل ..لكن مش كل القصايد طبعا ً هعملها بنر

بخصوص الزائر مش البنر هو اللي هيشده للتسجيل بالمنتدي
لان في منتديات كتير من غير فعاليات وما شاء الله اعدادها رهيبه

هو اللي بيجذب للتسجيل جوهر المنتدي مش خارجه

واه ممكن يكون في تنسيق لوضع البنرات والتوبيكات اللي تستاهل ماشي الحال
وجهه نظركم تحترم

وايمي منوره حبيبه قلبي
كلام موزون وجميل
لروحكم السعاده

[morshooo]

اقتباس المشاركة الأصلية كتبت بواسطة أذار . اممم ، و انا ب اشوف ان البنرات صارت حاجه مش مهمه زي عند كل المنتديات ، و ما اذكر اني دخلت موضوع من بنر و الي ب اعرفه ان البنرات للمسابقات او فعاليات في و صار الحين للمواضيع ، فيه حاجه ثانيه كمان ، الي هي بتستفزني كثير ، الي هي التنبيه للمواضيع المهمه ، صار اي حد عايز يعمل تنبيه لحاجه ليه بيروح عامل ازعاج بالتنبيه دا ، و دا تقريبا شغل الاداريين للاسف يعني ب اتمنى حد يهتم شوي في بنرات المنتدى ، لانها المظهر العام له و للزوار ، و بس . شكراً لك مروشو ، و حلقه جميله مع ايمي الجميله ، و بانتظار القادم من حلقاتك . دمتم بخير

اهلا اهلا
شايفك طلعتى الى فى قلبك :d
عموما انا مع كلامك ان فعلا مبقاش ليها اهميه
وموضوع التنبيهات هيجى ماتقلقيش :d
نورتى

[morshooo]

اقتباس المشاركة الأصلية كتبت بواسطة مُنـــــايا أمممممممممممممم شايفه هجوم جامد جدا ع البنرات هو انا شايفه ان ممكن يكون عضو تعب في توبيك وحابب يعمله بنر زيي كدا مثلا ً هتكلم عن نفسي انا.. يعني قصيده شايفه انها تستاهل ..لكن مش كل القصايد طبعا ً هعملها بنر بخصوص الزائر مش البنر هو اللي هيشده للتسجيل بالمنتدي لان في منتديات كتير من غير فعاليات وما شاء الله اعدادها رهيبه هو اللي بيجذب للتسجيل جوهر المنتدي مش خارجه واه ممكن يكون في تنسيق لوضع البنرات والتوبيكات اللي تستاهل ماشي الحال وجهه نظركم تحترم وايمي منوره حبيبه قلبي كلام موزون وجميل لروحكم السعاده

القصائد والخوأطر طالما حصريا
يبقى من حقك تطلبى تتعرض ودا طبيعى
بخصوص الزائر انا اقصد ان دى اول حاجا
بيشوفها اول لما يدخل المنتدى المفروض تكون اهم حاجا
واكيد مش دا الى هيشده عشان يسجل معانا
بس احنا بنقول كدا عشان مايتصدمش بس :d
نورتى

[A-rab3awya]

حلقه حلوة مع ايمى و اجابات جميله وفعلا عندها حق

بالتوفيق ،،،

تسلم ع احلقه و المجهود الجميل دة

[Silver Flower]

استضافه جميله وحلقه احلى
بنسبه الي ال بنر هي طريقه ملفته لجذب الاعضاء وما دخل الموضوع سواء جيد او غير

وشكرا لاجابات اختي إيميليا نورتي حبيبتي بردك اكيد

[الأميرة رودي]

من وجهه نظري الصغننه يعني ان مش البنر هو السبب الرئيسي فى تسجيل الزوار من عدمه
لآنه فيه منتديات كتير مش فيها فعاليات اصلا وناجحه
يعني ممكن نستغنى عن موضوع البنر ده خالص بس هى حكايه تعود
احنا كأعضاء اتعودنا على وجوده
عن نفسي مش بدخل البنرات الا المواضيع اللى بتلفت انتباهي
واللى بيلفت انتباهي مش بيلفت انتباه غيري
ده بيكون حسب ذائقه كل عضو
فيه اعضاء تميل للاستضافات والبرامج وتلاقيها اول ماتلاقي بنر استضافه تكون حاضره
واعضاء تانين مش بيدخلو الا الموضوعات الادبيه
واعضاء تانين بيهتمو بالتصاميم والهوايات
فالبنر مهما كان طبيعته هتلاقي متابعينه

ومن رأيي برده انه من حق اى عضو يظهر موضوعه فى الفعاليات حتى لو كان موضوع بسيط
ولو اقتصرنا وجود البنر على المسابقات ونتايجها والاستضافات يبقى هنلاقي مكان فاضي كتير
انما لو عضو كتب موضوع وكان موضوع قيم يبقى ايه المانع انه يظهر ف الفعاليات

بالنسبه للتنبيهات من قبل ماتعملها موضوع
مش شايفه برده ان التنبيهات بتتعمل عمال على بطال ولا حاجه
احنا فى فتره محتاجين شغل ومسابقات ف المنتدى
والتنبيهات اللى بتتعمل كلها بتبقى عباره عن اعلان مسابقه او حمله
او مسابقه تفاعليه
لكن محدش كاتب موضوع عادي او مناقشه عاديه وبيتعملها تنبيه اجباري ولا حاجه..
والمجال اصلا بيتهيألي مفتوح لآي حد حابب يعمل مسابقات تفاعليه هيلاقي مسانده ..

عوده جميله مورشو
نورتي ايمي عجبتني اجاباتك كلها
ربنا يوفقكم

[انت احلى الناس]

بدايه رائعه
مع سكره المنتدى
حلقه بجد جميله والاسئله متناوله موضوع جميل
تسلم ايدك مورشو على الحلقه

[™Amiliya]

بشكرك مورشو ع الموضوع وووجهة نظرك

بشركم جميعا حبيباتي