( morshooo ) و ( صفحات الاعضاء 33) ^_^

[morshooo]

مزاج الخير

اهلا بيكم جميعا

وحلقه جديدة من

( ) و ( صفحات الاعضاء )




تعالو نشوف جبتلكم ايه النهاردة

يااااااااااااااااة على الواحد

لما يروح مكان حلو كدا

ويعيد الزكريات فيه

ويجى المنتدى يكلم على المكان دا

على فكره ساعات الواحد بيقول كلام غريييييييييب

السلام عليكم و مساء الخير

روحت اسكندريه يومين ورا بعض

امبارح و النهارده

كانوا يومين جامدين

احلى حاجه تقعد ادام البحر كده وتسرح

وكمان بحب ف اسكندريه غير الكورنيش

،،شارع سعد زغلول

انى اقعد ع بحر اسكندريه ...متعه

ربنا يسعد أوقاتكم دايما

ثوانى لو سمحتى يعنى ايه

كمان بحب ف اسكندريه غير الكورنيش

يعنى لو قولتى بحب شارع سعد زغلول

الاعضاء هتنط تقولك والكورنيش فين يابت

A-rab3awya




الحلقه الى فاتت عرضنا مشكله

لعضوة معانا وكانت قالت فى مشاركه ليها

انها اتعرضت للاهانه كزا مره

فحبيت اطمنكم على العضوة دى

اسفوووووووووووووووخس

عالصنف كلوووووووو

.
.
.

اه والله ياختى

الصنف كله بقى زفت من ساعت

ما السجائر غليت سمعت ناس كتير

بتشتكى والله يله ربنا يستر

انجى_1




لازم يا جماعه نكون فخوريين ببنات بلدنا

ونشجعهم وماينفعش ابدا نقول عليهم انهم وحشين

خاصه انهم بيمثلو مصرقدام العالم

امممم مش عارفة وانا بتفرج ع ملكات جمال مصر مصدومة حقيقي

مش عشان اشكالهم او صفاتهم او اعمارهم لالالا طبعا

عشان كل ماسبق الحقيقية

اذا دول ملكات جمال مصر

يبقى احنا نندفن بقا ياجماعة

يارب سترك بس ليرحو يعرونا مع ملكات العالم والكون

متواضعه جدا جدا جدا

طيب طالما انتى واثقه من نفسك كدا

كنتى روحى يا شيخه اهو على الاقل

كنا عملنالك حمله فى المنتدى بعنوان

( لو بتحب مصر ودو ايميليا القصر )

ايميليا




ياسلام يا شباب على الايام الحلوة

بتعدى بسرعه والله بجد وياسلام بقى

لمه الفرح كدا ورقص وصور وهيصه

اخرااااااااااااااابى

مممممم وحشتنى مدونتى بقآلى كتير مش غلست عليها

طبعآآ آنا كنت غآيبه علشآن سآفرت لفرح بنت خالتو دودو

بجد بجد كآنت آيام جميله قوى ..

رغم آن آتهد حيلى من فرش شقه وتظبيط ومشآوير

وعن فرحتى وآنا بلبس دودى فستآن الفرح ومتابعه المكياج

ولفه الطرحه وجمالهآ مشآء الله كآنت برنسيسه ع حق

...

ولحظه دخول آحمد وهو مآسك الجيرب وبآس آيديها وخطفهآ

من وسطنآ

وجرى ع العربيه الاتنين زى الثكر بصراحه مشاء الله

ولحظه استقبآل جدو ليها وهى بتبوس آيده وبيحضنها

ديه حآجه جميله قوى .. آحنا بنعشق جدو ربنا يخليه لينا يآرب

...

كلنا آجمعنآ ف الفرح وآجمل صور آتصورنها وبشهاده الجميع

بقآ آنى كنت قمرايه الفرح بعد العروسه

آخدت آنآ الجيرب وعنته

ثوانى ثوانى

يعنى اكلمتى عن دودو واحمد

وعن الشقه والمشاوير

وعن جدو الى بتعشقوه

وكمان الجيرب الى عنتيه

مستحيل بعد كل دا

مفيش حاجا هبله اتعملت منك يا رووكه

يعنى صورة وانتى مطلعه لسانك مثلا

واه صحيح مين الكذاب الى قالك انك قمر الفرح

عيبنا فى مصر اننا بنحب المجاملات اراهنكم كل بنات الفرح

لو كان ليهم مدونات هنا كل واحده كانت كتبت

انا قمر الفرح بعد العروسه

رووكه

بحب جدا العضو الى يشكر فى اهله

خاصه والده اخوه بحس ان مصر لسه بخير

اه والله لسه بخير

أوحش حاجة لما تنزل تعمل شوبنج و فى حد بيستعجلك

بتبقي عايز تلقط اى حاجة كده و خلااااص

بس ساعات اللقطات دى بتفلح و الله

غالبا يفشل ان انا انزل اعمل شوبنج و معايا بابا او اخويا

بعيش احساس اللقطات اوييي

و من الواضح أن كل الرجال يكرهون الشوبنج و ده فى حد ذاته شئ رخم

دول بيكرهوا ينزلوا يعملوا شوبنج لنفسهم اصلا

هيعملوا شوبنج لحد غيرهم ههههههه

إنها لمزحة :

سؤال حلقه النهاردة

ياترى العضوة قالت كام مره كلمه

( شوبنج )

لو عرفت اتصل بينا عشان تكسب جائزة النهاردة وهى

( شوبنج مع العضوة )

سندس





وبكدا بتخلص حلقه النهاردة

ماتقلقوش لسه

الى جاى احلا



بمناسبه بدايه الدراسه

[انت احلى الناس]

جميله قوي الحلقه دايما جايب كل جديد
منتظرين جديدك
تحياااااتي

[™Amiliya]

ههههههههههههههههه بص يامورشو بصرف النظر عن الدعاية الي ممكن تعمليهالي
بس الثقة بالنفس مقلكش يعني

وبعدين فعلا بزمتك ياشيخ دول ملكات جمال مصر
شايف الاسم ملكة وجمال لا بجد بيستهبلو

[morshooo]

اقتباس المشاركة الأصلية كتبت بواسطة انت احلى الناس جميله قوي الحلقه دايما جايب كل جديد منتظرين جديدك تحياااااتي

اهلا بيكى نورتى التوبيك
عقبال مانجبلك حاجا
قولى امين :d

[morshooo]

اقتباس المشاركة الأصلية كتبت بواسطة ايميليا ههههههههههههههههه بص يامورشو بصرف النظر عن الدعاية الي ممكن تعمليهالي بس الثقة بالنفس مقلكش يعني وبعدين فعلا بزمتك ياشيخ دول ملكات جمال مصر شايف الاسم ملكة وجمال لا بجد بيستهبلو

اسكتى يا ايميليا
انا اصلا مش مقتنع بالكلام دا فى مصر :d
يعنى كلهم غفر والحمد لله
فبلاش الثقه دى وحيات ابوكى الحاج :d
نورتى التوبيك

[رووكه]

آنت بتتكلم عليا آمورشدى نهارك موش معدى

يبقآ كلهم كدافين ولا آيه آنى قمرايه الفرح
انا بشهاده الكل آمورشدى

ياستآر ع الحقود الاخوى دهون

ولا عيب ولا حآجه هما نآس صريحه ع فكره

وكنت آنا بردو القمر بعد العروسه

تسلم مورشدى نورت مدونتى

وعقبال فرح حوده ونيجى نشرفك كده

[دفاتر القمر]

جميله الحلقه ودمها خفيف
بانتظار جديدك

[morshooo]

اقتباس المشاركة الأصلية كتبت بواسطة امنيه شافعي جميله الحلقه ودمها خفيف بانتظار جديدك

خلى بالك بقى
عشان دخلت مدونتك
وقولت بلاش المره دى
انتى برضو لسه جديده :d
نورتى التوبيك

[سندس]

هههههههههههههههههههههه
بجد فصلتنى من الضحك يا مورشوو
و مالك مركز مع كلمة الشوبنج كده ليه اكمن الرجالة مبيحبوش الشوبنج يعنى
بتركزوا فى حاجات غريييييبة
و اللى هيطلع معايا البتاع ده "عشان منقوليش قلتيها كام مرة "
هو اللى هيدفع مش كفاية خارج معايا "بمناسبة التواضع بتاع بنات مصر "
ربعااااوية انتى مسخرة
اسفوخس على ده صنف
بجد التعليقات جاااامدة
فى انتظار الحلقات الجديدة

[حافظة القرآن]

كل ما اقول لنفسى اعمل مدونة
الاقى حلقات البرنامج هههههههه
اعمل ايه انا كدة طيب

حلقة حلوة
تسلم ايدك