بلاغ هام مقدم فى مشرفات الفضفضة أيمى ونفرتيتى

[ساحر الأحزان]

السلام عليكم ورحمة الله وبركاتة

رجعت من الشغل وقلت لما اطلع فوق فى مكتب الادارة قلت اريح شوية فرحان على شان الجو حر وفرصة اقعد جوة المكتب تحت المكيف ؟
ولكن ؟للأسف الشديد لقيت المكيف خربان ومحتاج تصليح قلت مش مهم هى طبلت طبلت وقلت لما
أجهز شىء بارد أشربة وأشوف الأميلات ألى واصلة أقراها وأشوف طلباتها ؛

بعد ما خلصت قراية قلت أشوف الفكسات والشكاوى لقيت حوالى عشرين فكس وعشرين شكوى فى مشرفتين معانا هنا والمشرفتين دول بصراحة ما توقعت أن يجى منهم شكاوى بس حظهم بقى نخش بقى فى التفاصيل ومع البلاغ نشوف الأول المشرفتين وبعدها نخش فى التفاصيل


ايميليا

رائحة القهوة
مشرفة قسم الفضفضة

Nefertiti

مشرفة قسم الفضفضة

فتحت البلاغ المقدم من العضو المذكور حابب أفضفض قلت أشوفة على شان أقدر أحقق فى الشكوى المقدمة ضد سما وأيمى ومع مضمون البلاغ

بسم الله الرحمن الرحيم

أدارة منتدى بنات مصر الكريمة

أما بعد

فلقد سبق وأعلن مشرفى قسم الفضفضة أن خطوط الأتصال معاهم متاحة طوال اليوم فى المنتدى لعرض أى مشكلة نفسية تحت بند فضفض وأشكيلى يا واد عمى بقيادة ايمى وقرينتها سما الشهيرة بأم حمنى ..المهم أنى لم أكدب خبر ؛؛وقلت ومالة طالما السر حيبقى فى بير يبقى مفيش تردد حفضفض يعنى حفضفض حتى ولو حصلت أنى أنتحر بسى حفضفض وبعت مشكلتى وهى ::

أنأ خلاص حطق من مراتى زهقتنى فى عيشتى عكست الأدوار هى بقت بتروح الشغل وأنا قاعد فى البيت مع العيال بغسل وأطبخ وأذاكر ليهم وأروح السوق أجيب أغراض وقلت مش مهم أنا بحبها وعاوز أضحى على شان خاطر حبنا كلة قلت ماشى لكن ؟مش من المعقول أن الهانم تصحينى الساعة واحدة وأتنين باليل ؟

وتخلينى أعمل زى القرد أقرص وأتنطط واعمل ليها عجين الخبازة وأقلها حواديت فى بادىء الأمر قلت مش مهم يوم ويعدى أنما دة يحصل كل يوم أهو دة بقى ألى لايطاق أنا حقيقى زهقت ونفسيتى تعبت من سى السيد زوجتى وقلت لازم أرفع الموضوع للدكتورة النفسية أيمليا حلالة المشاكل ولسما
القلب الحنين للمفضفضين بعتها وأنتظرت يوم يومين أسبوع شهر ولا حس ولا خبر وكل يوم

عذابى بيزيد
وأخيرا أدارتنا العزيزة تلك هو بلاغى فى مشرفى الفضفضة وبعد الأستماع للبلاغ تم دعوة المدعوتين للتحقيق معهم والأستماع لأقوالهم

أولا سما ما هو قولك فى البلاغ المقدم ضدك

سما والله أنا فى الوقت دة كنت زهقانة وجالى حالة أكتئاب من كم المشاكل ألى بشوفها وكمان حمنى تعبنى طلعت لة درس مجنانى وخايفة تقع فقلت افضل جارة على طول لحد لما يخف وبعدها أتابع المشاكل الى بتتعرض علينا

وتم نقل الكلام ألى أيمليا ما هو قولك فى البلاغ أيمليا المقدم ضدك قالت
أيمليا أنا كنت مرهقة وتعبانة جدا من المشاكل ألى بتتعرض علية وكنت بحضر للترم الدراسى القادم
وكنت بعمل مراجعة مع الدكتور لأنى كنت مرهقة جدا وتعبانة

وبعد الأستماع والتحريات فعلا وجدنا الحقيقة ألى شغلتهم ولكن الأهم من دة كلة أن أيمليا وسما

قامو بأنشاء قسم كمدينة ألعاب ترفيهية بداخل قسم الفضفضة ودة كلة على شان خاطر مين على شان خاطر حمنى وأولاد أخوات أيمى يلعبو بكل أريحية وما حد يضايقهم من الأعضاء

وبعد معرفة سبب تأخر الرد على فضضة العضو تم أصدار القرار الأدارى من الأدارة وهو حرمان سما وأيمى من الترقيات الأدارية والتكريمات لمدة عام هجرى كامل

والحكم أيضا للأعضاء ما رئيكم فى العقوبة هل يستحقون أم لا؟ أم يستحقون عقوبة أكبر لأنهم أهملو فى الرد على فضفضات ومشاكل الأعضاء

منتظر الأراء منكم

رفعت الجلسة

تحياتى

[الأميرة رودي]

ههههههههههههه لا طبعا لا يستحقون هذا الحكم القاسي
حد يشتكي من البنوتات العسل دول برده ياأمجد
لالا الشكوى دي كيديه ولازم نعيد النظر فى اللى عملها
لان نيته مش كويسه وعاوز يغلس على قمرات المنتدى الاتنين
وبعدين هو الراجل مراته مزهقاه ومطلعه عينه
يجي يطلع غلبه على المساكين دول
انا هشوف الموضوع ده ياسما وإيمي مش تقلقو

[phalsteen]

انا بعترض علي الحكم دا
قليل اوي علينا
احنا نستاهل اكتر من كدة علي فكرة
دا تسيب
ازاي منقتلش مراته
المفروض نجبها من شعرها
ازاي تعكنن عليه ^_^

بس والنبي تقوله لو بيعرف يغسل
يفوت علينا بكرة
عشان عاوزين نروق القسم
وانا وايمي مكسلين

[مُنـــــايا]

لالالالالالا........يعني مش لقيت الا اجمل وردتين بالمنتدي

انا اعترض وبشده .....مراتك مزهقاك طلع غلك فيها شدها من شعرها

بس الحاجه معاها حق .ما انت شغال غسيل ومكوه ....

زوج مثالي يعني .............

الا سما وإيمي ...............كلنا لك بالمرصاد

[phalsteen]

اقتباس المشاركة الأصلية كتبت بواسطة الأميرة رودي ههههههههههههه لا طبعا لا يستحقون هذا الحكم القاسي حد يشتكي من البنوتات العسل دول برده ياأمجد لالا الشكوى دي كيديه ولازم نعيد النظر فى اللى عملها لان نيته مش كويسه وعاوز يغلس على قمرات المنتدى الاتنين وبعدين هو الراجل مراته مزهقاه ومطلعه عينه يجي يطلع غلبه على المساكين دول انا هشوف الموضوع ده ياسما وإيمي مش تقلقو

قولي حاجة يا رودي
يرضيكي كدة يعني

[phalsteen]

اقتباس المشاركة الأصلية كتبت بواسطة مُنـــــايا لالالالالالا........يعني مش لقيت الا اجمل وردتين بالمنتدي انا اعترض وبشده .....مراتك مزهقاك طلع غلك فيها شدها من شعرها بس الحاجه معاها حق .ما انت شغال غسيل ومكوه .... زوج مثالي يعني ............. الا سما وإيمي ...............كلنا لك بالمرصاد

اعملي حاجة يا موني
بيقولك حكم

[دفاتر القمر]

أنا حقيقى زهقت ونفسيتى تعبت من سى السيد

ههههه يارب دايما
وبعدين حد يزعل من البنات دي
دول قمرات المنتدي

[مُنـــــايا]

اقتباس المشاركة الأصلية كتبت بواسطة nefertiti اعملي حاجة يا موني بيقولك حكم

يا بنتي مش في حد يقدر يعملكم حاجه

ال حكم ال

[SaMa.]

زهقانين ومرهقين يعملوا ايه للراجل ده
انا اقولو الحل يديها علقة محترمه هاتعملو الف حساب
ويسيب حبيباتى فحالهم
وانت يا مدير احظرو وخليه يركز ف العجين بتاعهم

[العندليب الاسـمر]

مش معقول

انتة متاكد انك دخلت مكتبك

طب واثق ان الفاكس دة فاكسك

طيب اخر سؤال اكيد اكيد يعني كاتب سما وايميليا

يا باشا الناس دي محدش اصلا يستجري يشتكي منها

دي نفرتيتي بتقولك نقتل ونشد شعر

يبقي حد يستجري يشتكي برضة



طيب يعني هوة هناك عامل عجين الفلاحة

وهنا عامل فيها فاضية ومرتاحة

وقاعد يكتب شكاوي نقاحة


يا باشا دي كلها شكاوي كيدوية

متغركش يا مدير خليك حكيم

يسلموا علي تغيير الجو دة يا كبير