حسام حسن يستبعد المهاجم "الغاضب" من قائمة لقاء الشرطة

[محمود الصاروخ]

قرر حسام حسن المدير الفني للزمالك استبعاد أحمد علي مهاجم الفريق من القائمة التي ستخوض مباراة اتحاد الشرطة المقرر لها "الخميس" في الجولة الثالثة للدوري الممتاز.

ويأتي استبعاد "أحمد علي" للمرة الثانية على التوالي من المباريات عقب استبعاده من قائمة الفريق في المباراة الماضية أمام طلائع الجيش والتي فاز بها الزمالك بستة أهداف مقابل هدف.
وأخطر حسام حسن المدير الفني، أحمد علي بقرار الاستبعاد وهو ما تسبب في غضب اللاعب.
وكان اللعب حرص على التواجد في مباراة الزمالك والطلائع من الملعب لمؤازرة الفريق

[توحد ارواح]

المفروض اللاعب مش يزعل
لان اكيد القرار ف صالح الفريق
ودى رؤية المدرب
خاصة انه حقق الفوز من غيره
واحتمال كبير حسام حسن يلعب بنفس تشكيلة طلائع الجيش
شكرا ع الخبر والمتابعه

[Loulii]

وايه رأي مرتضي ف الكلام ده :d

[აα∂ Ԑγεა]

الزمالك حاليا عنده تقريبا في كل مركز 4 لاعيبين علي مستوي عالي !
الطبيعي انه محدش هيلعب كل المباريات اكيد ,

لكن الطبيعي برضوة والمفروض انه الكل ياخد فرصته كاملة
وانه يتعمل روتيشين مستمر في كل مركز

فكرة انك تلعب بنفس الخطة ونفس اللاعيبه والكلام دا
مش ممكن تنفع السنه دي
بالعكس تماما انت كده هتفتح علي نفسك ابواب دمار الفريق

حسام لازم يكون فاهم دا

[აα∂ Ԑγεა]

اقتباس المشاركة الأصلية كتبت بواسطة توحد ارواح المفروض اللاعب مش يزعل لان اكيد القرار ف صالح الفريق ودى رؤية المدرب خاصة انه حقق الفوز من غيره واحتمال كبير حسام حسن يلعب بنفس تشكيلة طلائع الجيش شكرا ع الخبر والمتابعه

اممم لو عمل نفس التشكيلة يبقي مدرب غبي الحقيقة
الزمالك حاليا لا يصلح معاه فكرة اللي تكسب بيه العب بيه !

لازم عالاقل 3 عناصر او 4 جداد علي التشكيلة !
ف نظري الشخصي لازم باسم مرسي يكون اساسي في المباراة دي
كمان لازم باك يمين مختلف غير حازم امام ,
وبرضوة طارق حامد لازم ياخد فرصة ولو حتي شوط في المباراة
وقلب دفاع مختلف حتي لو هتلاعب كوفي ف نص الملعب


لازم تدوير مستمر علشان تمتص غضب اي لاعب
الكل نجوم والكل عايز يلعب
والمدرب الذكي اللي يدي فرصة للكل ويخلي الكل راضي ومبسوط